ബെ്ളിപട്ട കാര്യ 9:2 - സാമി സേദി

² അഡി അറ്റ ഇല്ലാത്ത അയി കുയിന ത്‌റാക്കാട്ടി ദൊഡ്ഡ സൂളെ തീയിലിന്ത് പൊഗെ കഡാക്കുവ പാസെ അദ്‌ലിന്ത് പൊഗെ കഡാന്ത്‌ദ്. അയി കുയിലിന്ത് കഡാക്കുവ പൊഗേല് നേരാമ് ബാന്‌മ് ഇ്റ്‌ട്ട് കെ്ട്ടി തള്ള്‌ട്ട്.

ബെ്ളിപട്ട കാര്യ 9:2 Iomraidhean Croise

അപ്പോസുത്തലാര് 2:19

നാന് ബാന്‌ല്‌മ് ബൂമില്‌മ് അദിസ്യഗാള്‌മ് കാട്ടുവെ. സോരേമ്, തീയിമ് കറ്‌ത്ത പൊഗേമ് ബരുവു.

ബെ്ളിപട്ട കാര്യ 14:11

അവാര്‌ന കൊഡിമെ പഡുസുവ തീ പൊഗെ എന്നാല്‌ക്ക്‌മ് പൊഗേന്ത് കൊണ്ടു ഇര്‌ക്ക്‌മ്. ബേ്ണ്ട്‌നാമ് അയി ബേ്ണ്ട് സെലെനാമ് കുമ്മുഡുന്റവാര്‌ക്ക്‌മ്, അയാള് പേര്‌ന കാട്ടുവ എ്ണ്ണ അഡ്യാള ബെത്ത് ഇര്‌ക്ക്‌ന്റവാര്‌ക്ക്‌മ് റാവുപഗാല് നിമ്മ്‌ദ്യേ ഇര്‌ക്കമാട്ട.>>

ബെ്ളിപട്ട കാര്യ 16:10

അയിദാവാദ് ദൂദാന് തന്ന് സട്ടിന ബേ്ണ്ട്‌ത്ത് കുറിഞ്ചി പട്ട്‌ക്ക് ഊറ്റുനാന്. അദുക്കുള അയി ബേ്ണ്ട് രാജ്യ ഒട്ടുക്കു ഇ്റ്‌ട്ട് കെ്ട്ടി തള്ള്‌ട്ട്. അദ്‌നാലെ താങ്ക്യ മുഡ്യാത്ത ബിജാക്ക് ആള്‌ഗാള് തമ്മ് നാലങ്കെഗാള്‌ന കഡിത്താര്.

ബെ്ളിപട്ട കാര്യ 8:12

നാലാവാദ് ദൂദാന് കൊമ്പൂദുഗാട്ടി മൂറുലു ഒന്റു ബാഗ നേരനാമ് നിലാവുനാമ് ബെ്ള്ളിഗാള്‌നാമ് അദ് കേ്ഡ് ബര്‌സ്സ്‌റ്റ്. അദ്‌നാലെ അദ്‌ഗാള്‌ക്ക് ഇര്‌ക്കുവ ബെ്ള്‌സാത്ത്‌ല് മൂറുലു ഒന്റു ബാഗ ഇ്റ്‌ട്ടാറ്റ്. അദേപാസെ പഗാല് അഡിക്കുവ ബെ്ള്‌സാത്ത്‌ല് മൂറുലു ഒന്റു ബാഗാമ് ജാമാക്ക് അഡിക്കുവ ബെ്ള്‌സാത്ത്‌ല് മൂറുലു ഒന്റു ബാഗാമ് ഇല്ലാദാറ്റ്.

ബെ്ളിപട്ട കാര്യ 9:1

അദ്‌ക്ക് പ്‌റ അഞ്ചാവാദ് ദൂദാന് കൊമ്പൂദുനാന്. അദുക്കുള ബാന്‌ലിന്ത് ബൂമിക്ക് ബ്‌ന്ത്‌റ്‌ക്കുവ ഒന്റു ബെ്ള്ളിന നാന് കണ്ടേന്. അഡി അറ്റ ഇല്ലാത്ത കുയി ത്‌റാപ്പ് കയി അയി ബെ്ള്ളിക്ക് കെ്ഡേത്തിന്ത്‌ദ്.

ബെ്ളിപട്ട കാര്യ 9:11

അഡി അറ്റ ഇല്ലാത്ത കുയി ദൂദാന് അയി മുട്ടിരിഗാള്‌ക്ക് രാജാവു ആയിന്താന്. എവുറായ നായാത്ത്‌ല് അവദോനു എന്റ്‌മ് എവന നായാത്ത്‌ല് അപ്പോലുവോനു എന്റ്‌മ്‌ത്തെ അയാള് പേര്.

ബെ്ളിപട്ട കാര്യ 9:17

എന്ന് തോറ്റാത്ത്‌ല് കുദുറെഗാള്‌നാമ് അയി കുദുറെ കുദ്ദാക്ക് കുക്കാന്ത് ഇര്‌ക്ക്‌ന്റവാര്‌നാമ് നാന് കണ്ടെ. അയി കുദുറെ കുദ്ദാക്ക് ഇര്‌ക്ക്‌ന്റവാര് തീന പാസെ ഇര്‌ക്കുവ സെങ്ക ന്‌റാമ്, അപ്പര നീല ന്‌റാമ്, ഗെന്തഗന പാസെ ഇര്‌ക്കുവ മഞ്ച ന്‌റാമ് ഉള്ള മാര്‌കച്ചെഗാള് കെ്ട്ടിന്താര്. കുദുറെ തലെഗാള് സിങ്ക തലെഗാള്‌ന പാസെ ഇന്ത്‌ദ്. തീയിമ്, പൊഗേമ്, ഗെന്തഗാമ് അയി കുദുറെഗാള് ബായിലിന്ത് കഡാന്ത് കൊണ്ടിന്ത്‌ദ്.