ബെ്ളിപട്ട കാര്യ 10:5 - സാമി സേദി

⁵ കഡാല്‌ക്ക്‌മ് ബൂമിക്ക്‌മ് കാല്‌ബെത്ത് നിന്റ്‌റ്‌ക്ക്‌ന്റവാനായി നാന് കണ്ട അയി ദൂദാന് ബല കയിന ബാന്‌ക്ക് ഉജാത്ത്‌നാന്.

ബെ്ളിപട്ട കാര്യ 10:5 Iomraidhean Croise

ബെ്ളിപട്ട കാര്യ 16:17

ഏ്ളാവാദ് ദൂദാന് തന്ന് സട്ടിന എ്ഡ്‌ത്ത് ബാന്‌ക്ക് ഊറ്റുനാന്. അദുക്കുള <<എല്ലാദ്‌മ് നഡാന്ത് മുഡിന്ത്‌ദ്>> എന്റ് സൊല്ലുവ ദൊഡ്ഡ ഒന്റു ജദ്ദ സാമിബീ്ഡ്‌ല കുറിഞ്ചി പട്ട്‌ലിന്ത് ബന്ത്‌ദ്.

ബെ്ളിപട്ട കാര്യ 14:7

ദൂദാന് ദൊഡ്ഡാദ്‌ക്ക്, <<സാമിക്ക് അഞ്ചി നഡാന്, അയാള്‌ക്ക് മദ്‌പ്പ് കൊഡുനു. എന്ത്‌ക്കെന്റ് സൊന്ന അയാള് എല്ലാ ആള്‌ഗാള്‌നാമ് ദെ്ണ്ടിക്കുവ നാള് ബന്ത്‌റ്‌ക്ക്‌ന്റ്. ബാന്‌നാമ്, ബൂമിനാമ് കഡാല്‌നാമ്, നീര് ജെനിക്കുവ പണ്ണിഗാള്‌നാമ് ദ്‌ട്ട്‌സ്‌നവാന്‌ന കുമ്മുഡുനു>> എന്റ് സൊന്നാന്.

ബെ്ളിപട്ട കാര്യ 10:2

അയി ദൂദാന് കയില് ത്‌റാന്ത്‌റ്‌ക്കുവ ഒന്റു സ്‌ന്ന ബൊക്കുമു ഇന്ത്‌ദ്. അയാള് ബല കാല്‌ന കഡാല് കുദ്ദാക്ക്‌മ് ഇ്ഡ കാല്‌ന ബൂമിക്ക്‌മ് ബെത്തിന്താന്.

ബെ്ളിപട്ട കാര്യ 4:11

എമ്മ് ആണ്ടവാന്‌മ് സാമിമ് ആയിര്‌ന്റവാനെ, മാനാമ്, മദ്‌പ്പ്‌മ്, കെ്ഡേക്ക്യ നീ തഗ്‌ദ്യുള്ളവാന്‌ത്തെ. സക്‌തി ഇര്‌ക്ക്‌ന്റവാന്‌മ് നീത്തെ. എന്ത്‌ക്കെന്റ് സൊന്ന നീ എല്ലാദ്‌നാമ് ദ്‌ട്ട്‌സ്‌നായി. നിന്ന് പിര്യനാലെ അദ്‌ഗാള് ഉണ്ടായിമ് ബന്ത്‌ദ്, നീ അദ്‌ഗാള്‌ന ദ്‌ട്ടിസിമ് ഇര്‌ക്ക്‌ന്റായി.

അപ്പോസുത്തലാര് 14:15

<<അല്ല മന്‌സാര്‌ഗാളെ, നിമ്മ എന്ത്‌ക്ക് ഇത്തെ ഗേന്റ്‌റ്? എമ്മാമ് നിമാന പാസെ ഇര്‌ക്കുവ ബെ്റ് മന്‌സാര്‌ഗാള്‌ത്തെ. അര്‌ത്തില്ലാത്ത ഈ ഗിലാസാന തെ്റിന്ത് തള്ളി, ബാന്‌നാമ്, ബൂമിനാമ്, കഡാല്‌നാമ്, അദ്‌ക്ക്‌റാഗ ഇര്‌ക്ക്‌വാദ്‌ന ഒട്ടുക്കു ഉണ്ടാക്ക്‌ന ഉജുരുള്ള സാമിസാരി നിമ്മ ബരുഡൊ. ഈ നല്ല സേദിന സൊല്ല്യാത്തെ എമ്മ ഇദ്‌ക്ക് ബന്ത്‌റ്‌ക്കുവാദ്.

ബെ്ളിപട്ട കാര്യ 4:9

അയി കുറിഞ്ചില് ഇര്‌ക്ക്‌ന്റവാനാന എന്നാല്‌ക്ക്‌മ് പെ്ളേക്ക്‌ന്റവാന്‌ക്ക് അയി ഉജുരുകെ്ളെഗാള് മാനാമ്, മദ്‌പ്പ്‌മ് കൊഡുത്തു കൊണ്ടു നണ്ണിമ് സൊല്ലുന്റു. അത്തെ ഗേഗാട്ട്യെല്ല,

ബെ്ളിപട്ട കാര്യ 1:18

നാന് ഉജുരോഡ ഇന്തവാന്‌ത്തെ. നാന് സത്തേന്, ആന ഇന്നാല് നാന് കാലകാല ഉജുരോഡ പെ്ളേത്ത്‌റ്‌ന്റേന്. സാവുന ആള്യാമ് നരഗ ലോഗന ആള്യാമ് എനാക്ക് അദിഗര ഇര്‌ക്ക്‌ന്റ്.

എവുറായാര് 6:13

സാമി അവുറഗാമ്‌ക്ക് ബാക്ക് കൊഡുക്കാട്ടി തനാന ബ്‌ഡ ദൊഡ്ഡവാന്‌ന ബെത്ത് സത്ത്യ ഗേയ ബേ്റെ ആളില്ലാത്താദ്‌നാലെ തന്ന് പേര്‌ന താനെ സൊല്ലി സത്ത്യ ഗേന്താന്.

റോമഗാറാര് 1:20

ഉലഗ ഉണ്ടാന നാള്‌ലിന്തേ സാമി ദ്‌ട്ടിസി ബെത്ത്‌റ്‌ക്കുവാദ്‌ന നോഡുന സത്ത്യമുള്ള ഒന്റു സാമി ഇര്‌ക്ക്‌ന്റാനെന്റ്‌മ് അയി സാമിക്കിര്‌ക്കുവ സക്‌തി തീന്ത് പോഗാത്താദെന്റ്‌മ് സൊക്കാന ബെ്ളിപട്ട്‌റ്‌ന്റ്. അദ്‌നാലെ ആര്‌ക്ക്‌മ് തറ്‌ക്ക്യ മുഡ്യാമാട്ട.

അപ്പോസുത്തലാര് 17:23

നിമ്മ് പട്ടണമേലെ നഡാന്ത് പോഗാട്ടി നിമ്മ കുമ്മുഡി നഡാക്കുവ എ്ഡെഗാള്‌ന നാന് കണ്ടേന്. അദുക്കുള അദ്‌ല് നിമ്മ പലി കൊഡുക്കുവ മദ്‌ല്‌നാമ് അയി മദ്‌ല്‌ല് <ആര്‌ക്ക്‌മ് തെര്യാത്ത സാമി> എന്റ് എ്ള്‌ദി ബെത്ത്‌റ്‌ക്കുവാദ്‌നാമ് കണ്ടേന്. നിമാക്ക് ആര് എന്റ് തെര്യാദെ താനെ നിമ്മ കുമ്മുഡി നഡാക്കുവ അയി സാമിന പറ്റിത്തെ നാന് നിമാക്ക് സൊല്ലുവാദ്.