പിലിപ്പ്യഗാറാര് 4:4 - സാമി സേദി

⁴ നിമ്മ ആണ്ടവാന്‌ന നമ്പി നഡാക്കുവാദ്‌നാലെ എന്നാല്‌ക്ക്‌മ് പര്യപിര്യാത്തിര്‌ന്, പിര്യപിര്യാത്തിര്‌ന് എന്റ് നാന് പിന്നേമ് നിമാക്ക് സൊന്റെ.

പിലിപ്പ്യഗാറാര് 4:4 Iomraidhean Croise

മത്തായി 5:12

മേലോഗാത്ത്‌ല് സാമി നിമാക്ക് മ്‌ഗ്‌ന്ത കൂലി ബെത്ത്‌റ്‌ക്കുവാദ്‌നാലെ നിമ്മ പിര്യപൊങ്കിമറ്‌ന്ത് നഡാന്. നിമാക്ക് മുദാല് പെ്ളേത്തിന്ത സാമിദാസ്‌ഗാള്‌നാമ് ആള്‌ഗാള് ഇദേപാസെ കൊഡിമെപഡിസിര്‌ക്ക്‌ന്റാര്.>>

അപ്പോസുത്തലാര് 16:25

നഡ്‌ജാമ ആഗാട്ടി പവുലോസുമ് സീലാസ്‌മ് സാമി പാട്ട് പാഡി പരേസി കൊണ്ടിന്താര്. അദുക്കുള ജെയില്‌ക്ക് അഡേത്തിന്ത ബേ്റെ ആള്‌ഗാള്‌മ് ഇദ്‌ന കേ്ട്ടിന്താര്.

അപ്പോസുത്തലാര് 5:41

ഏസ്സ്‌ക്ക് ബേ്ണ്ടി മാനഗെ്ഡ്യ എ്ഡെ കെ്ഡേത്താദ്‌നാലെ അപ്പോസുത്തലാര് പിര്യപിര്യാത്ത് എഗുദ കോഡിദിലിന്ത് പോനാര്.

റോമഗാറാര് 12:12

നിമ്മ ബെത്ത്‌റ്‌ക്കുവ നെഞ്ചഡേല് നിമ്മ പിര്യപഡ്‌ന്. നിമാക്ക് ബരുവ കജട്ടന പൊറിമോഡ താങ്ക്‌ന്, പരേസാത്ത്‌ല് സോറ്റു പോഗാദേന്.

2 കൊരിന്ത്യഗാറാര് 6:10

എമ്മ ദുക്കപഡ്‌ന്റവാര് ആയിന്താല്‌മ് ഒപ്പ പിര്യപിര്യാത്ത് ഇര്‌ക്ക്‌ന്റേമ്. എമ്മ ഏ്ളെഗാള് ആയിന്താല്‌മ് എഞ്ചോ ആള്‌ഗാള്‌ന സാമ്യോഡ ഇര്‌ക്കുവ ഉറാവുല് മ്‌ഗ്‌ന്തവാര് മാഡ്‌ന്റേമ്. എമ്മ ഒന്റുമു ഇല്ലത്തവാര് ആയിന്താല്‌മ് എമാക്ക് എല്ലാദ്‌മ് ഇര്‌ക്ക്‌ന്റ്.

ഗലാത്ത്യഗാറാര് 1:8

ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന എമ്മ നിമാക്ക് സൊന്നേമ്. അയി നല്ല സേദിക്ക് എ്ണേഗാത്ത ദിന്‌സ്‌ല് എമ്മഗൊ, മേലോഗാത്ത്‌ലിന്ത് ഒന്റു ദൂദാനൊ നിമാക്ക് സൊന്നദാന അയാള് എന്നാല്‌ക്ക്‌മ് സാപ്പ പ്‌ഡിത്തവാന് ആയിര്‌ക്കുവാന്.

പിലിപ്പ്യഗാറാര് 2:18

അദേപാസെ താനെ നിമ്മാമ് പിര്യപഡ്‌ന്. എന്നൊപ്പ പിര്യപഡ്‌ന്.

പിലിപ്പ്യഗാറാര് 3:1

കഡേസില് ഏസ്സ്‌ഗാറാരെ, ആണ്ടവാന്‌ന നമ്പി നഡാക്കുവാദ്‌നാലെ നിമ്മ പിര്യപഡ്‌ന്. നാന് മുന്നുക്കു സൊന്ന കാര്യഗാള്‌ന മറിസി മറിസിമ് എ്ള്‌ദുവാദ്‌ല് എനാക്ക് ബുദ്ദിമുട്ടൊന്റുമില്ലെ. എന്ത്‌ക്കെന്റ് സൊന്ന അദ് നിമാന പാദ്‌ഗാക്ക്‌മ്.

1 പത്ത്‌റോസു 4:13

ആന ക്‌റ്‌സ്‌ത്ത് പട്ട കൊഡിമെഗാള്‌ക്ക് നിമ്മ പങ്ക്‌ഗാറാര് ആവാദ്‌നാലെ നിമ്മ പിര്യപൊങ്കുന്. അത്തെ നിമ്മ കൊഡിമെ പട്ടദാന ക്‌റ്‌സ്‌ത്ത് തനാക്കിര്‌ക്കുവ മദ്‌പ്പ്‌ല് തിരിഗി ബര്‌ഗാട്ടി നിമാക്ക്‌മ് ദൊഡ്ഡ പിര്യ ബര്‌മ്.