നിമ്മ എനാന തെരിന്തെ്ഡ്‌ക്കാലെ, നാന്‌ത്തെ നിമാന തെരിന്തെ്ഡ്‌ത്ത്‌റ്‌ക്കുവാദ്. നിമ്മ പോയി കായി ബ്‌ഡ്യാമ് അയി ബ്‌ഡുവ കായി എന്നാല്‌ക്ക്‌മ് കൊട്ടാദിര്‌ക്ക്യാമ് ബേ്ണ്ടി നാന് നിമാന എ്ഡ്‌ത്ത് ബെത്ത്‌റ്‌ക്ക്‌ന്റെ. അന്നാപ്പ് നിമ്മ എന്ന് പേര്‌ല് അപ്പാന് സാമ്യോഡ കേ്ള്‌ക്കുവാദ്‌ന ഒട്ടുക്കുമു അയാള് നിമാക്ക് തരുവാന്.
പിലിപ്പ്യഗാറാര് 4:17 - സാമി സേദി17 നിമ്മ എനാക്ക് എന്താറ്റ തര്‌ഡൊ എന്റ് ആസെപഡുവാദ്‌നാലെ അല്ല നാന് ഇത്തെ സൊല്ലുവാദ്. നിമ്മ നല്ല കാര്യഗാള് സേത്തി സേത്തി ഗേഗാട്ടി സാമി സേത്തി സേത്തി നിമാക്ക് നല്ലാദ് ഗേവാന്. അത്തെ നിമാക്ക് നല്ലാദ് കെ്ഡേക്കുഡൊ എന്റ് ആസെപഡുവാദ്‌നാലെത്തെ നാന് ഇത്തെ സൊല്ലുവാദ്. Faic an caibideil |
പിലിപ്പ്യഗാറാര് 4:17
26 Iomraidhean Croise
അദ്‌നാലെത്തെ എനാക്ക് മുദാല് ഈ ഏസ്സ്‌ഗാറാര്‌ന നിമ്മ് പട്ട്‌ക്ക് സൊല്ലി ബ്‌ഡ്‌ഡൊ എന്റ് നാന് നെനേത്താദ്. അത്ത്യാന നിമ്മ കൊഡുക്ക്യ എന്റ് സൊല്ലി ബെത്ത്‌റ്‌ക്കുവ ദറ്‌മ്മന സേത്തി മുഡിക്ക്യ അവാര് നിമാന കയി താങ്കുവാര്. അത്തെ ആര്‌മ് നത്താദെ നിമ്മ് മനേസ്സാറ താനെ നിമ്മ കൊഡുക്കുവ ദറ്‌മ്മന ഒരിക്ക്യ ബെക്ക്യ മുഡിമ്.
ഏസ്സ്‌ഗാറാര് കൂട്ടാത്ത്‌ല മൂപ്പനാമ്‌ഗാള്‌ന കയിതാങ്ക്‌ന്റവാന് സാമി കൊഡുത്ത്‌റ്‌ക്കുവ ഗിലാസാന നോഡിനഡാത്ത്‌ന്റവാന് ആയിര്‌ക്കുവാദ്‌നാലെ കുറ്റകൊറേവു ഇല്ലത്തവാന് ആയിര്‌ക്കുഡൊ. അയാള് താന്‌ത്തെ ദൊഡ്ഡവാനെന്റ് നെനേക്ക്‌ന്റവാന്‌മ് മുട്ടു മൊനെഗാറാന്‌മ് ആയിര്‌ക്ക്യ പാങ്കില്ലെ. അയാള് കുഡിഗാറാന്‌മ് ഒപ്പ മല്ല്‌ക്ക് പോന്റവാന്‌മ് അദിഗ പണ സമ്പാരിക്ക്യ ഏമാത്ത്‌ന്റവാന്‌മ് ആയിര്‌ക്ക്യ പാങ്കില്ലെ.
എത്തെന്റ് സൊന്ന, തന്ന് തമ്പി കാണിക്കെ സാമിക്ക് മെച്ച്‌പ്‌ഡിത്ത്‌ദ്, ആന തന്ന് കാണിക്കെ സാമിക്ക് മെച്ച്‌പ്‌ഡിക്കാലെ. അദ്‌നാലെ അയാളോഡ കണ്ണ്‌കഡി ബെത്ത് പാവ ഗേന്ത കയീന്‌ന പാസേമ് സാമിന ബ്‌ഡ പണ ദൊഡ്ഡാദെന്റ് നെനേത്ത് പാവ ഗേന്ത ബിലെയാമ്‌ന പാസേമ് തനാക്ക് സാമി ബെത്ത തലെവാന് മോസെന എദ്‌റ്‌ത്ത് സൊല്ലി കെ്ട്ട് പോന കോരാഗ്‌ന പാസേമ് ഇവാര് അളിന്ത് പോവ പെ്ളേപ്പ് പെ്ളേക്ക്‌ന്റാര്. ഇവാര്‌ക്ക് ബരുവ ആവാത്ത് ദൊഡ്ഡ ആവാത്ത്‌ത്തെ.
Sanasan