പിലിപ്പ്യഗാറാര് 4:14 - സാമി സേദി14 എന്റാല്‌മ് എനാക്ക് ബന്ത ബുദ്ദിമുട്ടുലു നിമ്മ എനാന കയിതാങ്ക്‌നാദ് എത്ത്‌റാഗോ നല്ലാദാറ്റ്. Faic an caibideil |
പിലിപ്പ്യഗാറാര് 4:14
14 Iomraidhean Croise
അവാര്‌ക്ക് അത്തെ ഗേയ മനേസ്സ് ബന്താദ് താനേമല്ല, അവാര് അത്തെ ഗേയ കഡാമെ പട്ടവാര്‌മ്‌ത്തെ. എന്ത്‌ക്കെന്റ് സൊന്ന എഗുദാരല്ലാത്ത ജാദിഗാള് എഗുദാര്‌ക്ക് കെ്ഡേത്ത സാമി ബാക്ക്‌വരഗാള്‌ക്ക് പങ്ക്‌ഗാറാര് ആനാദ്‌നാലെ അവാര് ഈ ലോഗാത്ത്‌ല് തമാക്കിര്‌ക്കുവ സൊത്തുസുഗാത്ത്‌ലിന്ത് എഗുദാര്‌ക്ക് പങ്ക് കൊഡുക്ക്യ കഡാമെ പട്ടവാര്‌ത്തെ.
നാന് നിമ്മോഡ മനേസ്സാറ സീവാന്‌ബെത്ത് നഡാക്കുവാദ്‌നാലെ നിമാനൊട്ടുക്കു പറ്റി നാന് അത്തെല്ല നെനേക്കുവാദ് സെരിത്തെ. നാന് ഇന്നാല് ജെയില്‌ലിര്‌ക്കാട്ടിമ് അല്ലാദെ താനെ നല്ല സേദിന പൊയി എന്റ് സൊന്റവാരോഡ ബാദാഡി നല്ല സേദി നേര്‌ത്തെന്റ് കാട്ടി കൊഡുക്കാട്ടിമ് നിമ്മാത്തെ എനാന കയി താങ്ക്‌ന്‌റ്. അദുക്കുള്ള പ്‌ണ്ണ്യ സാമി നമാക്ക് ഗേന്താന്.
എന്ന് സിലാവുക്കു ബേ്ണ്ടി നിമ്മ എപ്പറത്തോസു കയിക്ക് കൊഡുത്തു ബ്‌ട്ടാദ്‌ന അയാള് എനാക്ക് എ്ഡ്‌ത്തന്ത് തന്താന്. അദ് എനാക്ക് എക്കസക്കാമ് എന്ന് സിലാവു കളിന്തല്ലാദെ മിച്ചാമ് ഇര്‌ക്ക്‌ന്റ്. നിമ്മ കൊഡുത്തു ബ്‌ട്ടാദ് സാമിക്ക് ഗമ്‌ഗമ ബാഡെ അഡിക്കുവ ഒന്റു പലിന പാസെത്തെ. സാമി അദ്‌ന പിര്യപിര്യാത്ത് തങ്കാരിത്ത്‌റ്‌ന്റാന്.
ജെയില്‌ക്ക് അഡേത്തിന്തവാര്‌ന നിമ്മ കയി താങ്ക്‌ന്‌റ്. നിമ്മ് സൊത്തു മുദാല്‌ന പ്‌ഡിങ്കിപറ്‌ത്ത് എ്ഡ്‌ക്കാട്ടിമ് നിമ്മ അദ്‌ന പിര്യപിര്യാത്ത് താങ്ക്‌ന്‌റ്. എന്ത്‌ക്കെന്റ് സൊന്ന എല്ലാദ്‌ക്ക്‌മ് ബ്‌ഡ മ്‌ഗ്‌ന്താദ്‌മ് എന്നാല്‌ക്ക്‌മ് ഇര്‌ക്കുവാദ്‌മ് ആന സൊത്തു മുദാല് നിമാക്ക് ഇര്‌ക്ക്‌ന്റ് എന്റ് നിമാക്ക് തെരിന്തിന്ത്‌ദ്.
നാന് ഏസ്സ്‌ഗാറാന് ആയിര്‌ക്കുവ നിമ്മ് ഓഗന്നാന്‌ത്തെ. ഏസ്സ് പിന്ന്‌മേലെ പോന്റവാനായി നാന് നിമ്മൊപ്പ കജട്ട പട്ട്‌മ് നിമ്മൊപ്പ സാമി ആളുവ കാലാക്ക് പട്ടവാനായിമ് നിമ്മൊപ്പ പൊറിമോഡ താങ്കിമ് ഇര്‌ക്ക്‌ന്റേന്. സാമി സൊല്ലുസുലാക്കാന സൊന്നാദ്‌നാലേമ് ഏസ്സ്‌ന പറ്റി സൊന്നാദ്‌നാലേമ് സുറ്റുമു നീര് ഇര്‌ക്കുവ പത്ത്‌മോസു എന്നുവ എ്ഡേല് നാന് ഇന്തിന്തേന്.
Sanasan