പിലിപ്പ്യഗാറാര് 4:10 - സാമി സേദി

¹⁰ മുന്നുക്കു നിമ്മ എനാന കയിതാങ്ക്‌ന പാസെ പിന്നേമ് എനാന കയിതാങ്ക്യ നിമ്മ നെനേത്ത്‌റ്. അത്തെ നിമ്മ നെനേത്താദ്‌നാലെ ആണ്ടവാന്‌ന നമ്പി നഡാക്കുവ നാന് ദൊഡ്ഡാദ്‌ക്ക് പിര്യപഡ്‌ന്റെ. മുദാല് താനെ നിമ്മ എനാന കയിതാങ്ക്യ നെനേത്തിന്ത്‌റ്. ആന നിമാക്കദ് ഗേയ മുഡ്യാലെ.

പിലിപ്പ്യഗാറാര് 4:10 Iomraidhean Croise

2 കൊരിന്ത്യഗാറാര് 11:9

നിമ്മ് പട്ട്‌ല് ഗിലാസ ഗേഗാട്ടി എന്ന് സിലാവുക്കു ബേ്ണ്ടി നിമാന ആര്‌നാമ് നാന് ബുദ്ദിമുട്ടുസാലെ. അദുക്കുള എനാക്ക് ബേ്ഡ്‌മാനദെല്ല മക്കെദോന്യാല ഏസ്സ്‌ഗാറാര്‌ത്തെ തന്താദ്. നിമാക്ക് ഏദ് ദിന്‌സ്‌ല്‌മ് ബുദ്ദിമുട്ടു മാഡാദിര്‌ക്ക്യ ബേ്ണ്ടി നാന് ഓരാഡ്‌നെ. ഇന്നിമ് ഓരാഡുവെ.

2 കൊരിന്ത്യഗാറാര് 6:7

എമ്മ സത്ത്യനത്തെ പഡ്‌സ്‌ന്റേമ്, സാമി സക്‌തില്‌ത്തെ എമ്മ എല്ലാ കാര്യഗാള്‌മ് ഗേന്റേമ്. പട്ടളഗാറാര്‌ക്ക് ഒന്റു കയില് ബാള്‌മ് ഒന്റു കയില് തഡ്‌ക്കുവ ജാദിമ് ഇര്‌ക്കുവ പാസെ എമ്മ് ഇ്ഡ കയില്‌മ് ബല കയില്‌മ് നേര്‌മെ എന്നുവ ബാള്‌മ് തഡ്‌ക്കുവ ജാദിമ് പ്‌ഡിത്ത്‌കൊണ്ടു പെ്ളേക്ക്‌ന്റേമ്.

ഗലാത്ത്യഗാറാര് 6:10

നല്ലാദ് ഗേയ സദുവു കെ്ഡേക്കാട്ട്യെല്ല എല്ലാ ആള്‌ഗാള്‌ക്ക്‌മ് നല്ലാദ് ഗേഡൊ. മുക്ക്യമായിമ് നമാന പാസെ ഏസ്സ്‌ന നമ്പിര്‌ക്ക്‌ന്റവാര്‌ക്ക് ഒട്ടുക്കുമു ഗേഡൊ.

ഗലാത്ത്യഗാറാര് 6:6

സാമി സൊല്ലുസുലാക്കാന പഡിക്ക്‌ന്റവാന് തനാക്ക് കെ്ഡേക്കുവ എല്ലാദ്‌ലിന്ത്‌മ് ഒന്റു പങ്ക് പഡ്‌സ്‌ന്റവാന്‌ക്ക് കൊഡുക്കുഡൊ.

പിലിപ്പ്യഗാറാര് 1:1

ക്‌റ്‌സ്‌ത്ത് ഏസ്സ്‌ന നമ്പി സാമിക്ക് പട്ടവാരായിര്‌ക്കുവ പിലിപ്യ എന്നുവ പട്ടണാത്ത്‌ല നിമാക്കൊട്ടുക്കുമു നിമ്മ് കൂട്ടാത്ത്‌ല മൂപ്പനാമ്‌ഗാള്‌ക്ക്‌മ് മൂപ്പനാമോഡ എ്ണേന്ത് നിമ്മ് കാര്യഗാള്‌ന നോഡുന്റവാര്‌ക്ക്‌മ് ക്‌റ്‌സ്‌ത്ത് ഏസ്സ് ഗിലാസഗാറാനാന പവുലോസുമ് തിമിത്തോസുമു എ്ള്‌ദുവ എ്ള്‌ത്ത്.

പിലിപ്പ്യഗാറാര് 1:3

നാന് നിമാന നെനേക്കാട്ട്യെല്ല നിമാക്ക് ബേ്ണ്ടി നാന് നമ്മ് സാമിക്ക് നണ്ണി സൊന്റെ.

പിലിപ്പ്യഗാറാര് 2:30

എന്ത്‌ക്കെന്റ് സൊന്ന ക്‌റ്‌സ്‌ത്ത്‌ക്ക് ഗിലാസ ഗേയ ബേ്ണ്ടി അയാള് സായ പക്കാനാന്. നിമാക്ക് ദൂരാത്ത്‌ലിന്ത് എനാന കയിതാങ്ക്യ മുഡ്യാത്ത കാര്യഗാള്‌ന ഗേയ ബേ്ണ്ടിത്തെ അയാള് തന്ന് ഉജുരുന ഗുഡി ബെലെ ബെക്കാദെ ഈങ്ക് ബന്താദ്.