ബക്‌തിഗാറാരായി നഡിക്കുവ ബേദബാത്ത്യനാമ്‌ഗാള്‌മ് പരിസാര്‌ഗാള്‌മ് ആയിര്‌ക്ക്‌ന്റവാരെ, നിമാക്ക് എത്ത്‌റ കജട്ട. നിമ്മ ക്‌ണ്ടിഗാള്‌നാമ് ഗളാസ്‌ഗാള്‌നാമ് ബെ്ളിഗെ നലമായി കച്ച്‌ന്റ്‌റ്. അദേപാസെ നിമ്മ ബെ്ളിഗെ നല്ലവാരാനാല്‌മ് നിമ്മ് മനേസ്സ്‌കുളാക്ക് എഞ്ച്‌ക്ക് കെ്ഡേത്താല്‌മ് ഇന്നിമ് ഇന്നിമ് ബേ്ഡ്‌മെന്നുവ ആസേമ് മിദിമീ്റി ഗേയ ഉള്ള എല്ലാ കെ്ട്ട നെനേവുഗാള്‌മ് തുമ്പിര്‌ക്ക്‌ന്റ്.
പിലിപ്പ്യഗാറാര് 3:6 - സാമി സേദി6 അദ്‌താനേമല്ല എഗുദ മദാത്ത്‌ല സട്ടപഡി നഡാന്ത് സാമിന ഉജാത്തുഡൊ എന്റ് നാന് ആസെപട്ടിന്തെ. അത്തെ നാന് ആസെപട്ടിന്താദ്‌നാലെ ഏസ്സ്‌ഗാറാര് കൂട്ടന ദൊഡ്ഡ കൊഡിമെപഡ്‌സ്‌നെ. ആര്‌ക്ക്‌മ് എനാന പറ്റി കുറ്റ സൊല്ല്യ മുഡ്യാത്ത ദിന്‌സ്‌ല് മോസെ ബെത്ത എല്ലാ സാമി സട്ടപഡിമ് നാന് നഡാന്തെ. Faic an caibideil |
പിലിപ്പ്യഗാറാര് 3:6
25 Iomraidhean Croise
അദ്‌ന കേ്ള്‌ക്കാട്ടി അവാര്: <<സാമി എത്ത്‌റാഗോ ദൊഡ്ഡവാന്>> എന്റ് സൊന്നാര്. അദ്‌ക്ക് പ്‌റ അവാര് അയാള്‌ക്ക് ഇത്തെ സൊന്നാര്: <<അയ്യാ പവുലോസെ, എഞ്ചായിര എഗുദാര് ഏസ്സ്‌ന നമ്പിര്‌ന്റാര് എന്റ് നിനാക്ക് തെരിമ്. അവാര് ഒട്ടുക്കു മോസെ കൊഡുത്ത സട്ടഗാള്‌ന ഒന്റുനാമ് തെ്റിന്ത് തള്ളാദെ ഇന്നാല്‌മ് അദ്‌ന എ്ഡ്‌ത്ത് നഡാത്തി ബന്റാര്.
എഗുദാര് ദൊഡ്ഡ പൂസാരിക്ക്‌മ് എഗുദ കോഡിദില മൂപ്പനാമ്‌ഗാള്‌ക്ക് ഒട്ടുക്കുമു ഇദ് നേര് എന്റ് തെരിമ്. അവാര് പട്ട്‌ലിന്ത് ദമാസ്‌കോസു നാഡ്‌ല് ഇര്‌ക്കുവ എന്ന് സൊന്ത ജാദിക്ക് പട്ട എഗുദാര്‌ക്ക് കൊഡുക്ക്യ ഒന്റു എ്ള്‌ത്ത് നാന് ബാങ്ക്‌നേന്. അത്തെ ദമാസ്‌കോസുലു ഇര്‌ക്കുവ ഏസ്സ്‌ഗാറാര്‌ന പ്‌ഡിത്ത് കെ്ട്ടി എര്‌സലേമ്‌ക്ക് എ്ഡ്‌ത്ത് ബന്ത് ദെ്ണ്ടിക്ക്യ ബേ്ണ്ടി നാന് ആങ്ക് പോനെ.>>
അത്തെ ഗേന്തദാന കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ആര്‌ക്ക്‌മ് കുറ്റ സൊല്ല്യ മുഡ്യാത്ത ദിന്‌സ്‌ല്‌മ് കവാഡില്ലാത്തവാരായിമ് കുറ്റകൊറേവു കാണ്യ മുഡ്യാത്ത സാമി മഗാനാര്‌മഗളാരായിമ് നിമാന കാണ്യ മുഡിമ്. എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന സൊല്ലുവ നല്ല സേദിക്ക് നിമ്മ കെ്ട്ട്‌പട്ട് നഡാക്ക്‌ന്റ്‌റല്ല. അത്തെ ഇര്‌ക്കുവ നിമ്മ ബാന്‌ല് പൊരിന്ത്‌റ്‌ക്കുവ ബെ്ള്ളിഗാള്‌ന പാസെ കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ബെ്ള്‌സഗാളായി ഇര്‌ക്ക്‌ന്റ്‌റ്. അത്തെ നാന് കജട്ടപട്ടാദ്‌മ് പാഡ്‌പട്ടാദ്‌മ് ബെ്റ്‌ദാഗാലെ എന്റ് ക്‌റ്‌സ്‌ത്ത് തിരിഗി ബരുവ നാള്‌ല് എനാക്ക് നിമാന പറ്റി പെരിമെപഡ്യ മുഡിമ്.
Sanasan