പിലിപ്പ്യഗാറാര് 3:19 - സാമി സേദി19 സാമി അവാര്‌ന ദെ്ണ്ടിക്കുവാന്. എന്ത്‌ക്കെന്റ് സൊന്ന അവനവാന് സുഗാക്ക് ബേ്ണ്ടി പെ്ളേക്കുവാദ്‌ത്തെ അവാര് സാമി. നാണഗെ്ട്ട കാര്യഗാള് ഗേവാദ്‌ല്‌ത്തെ അവാര് പെരിമെപഡ്‌ന്റാര്. ബൂമില കാര്യഗാള്‌ന പറ്റി താനെത്ത അവാര് നെനേക്ക്‌ന്റാര്. Faic an caibideil |
പിലിപ്പ്യഗാറാര് 3:19
52 Iomraidhean Croise
എന്ത്‌ക്കെന്റ് സൊന്ന ഇന്നാല്‌മ് നിമ്മ അവനവാന് ആസെപഡി പെ്ളേക്കുവ ഈ ഉലഗാത്ത്‌ലവാര്‌ന പാസെത്തെ പെ്ളേക്ക്‌ന്റ്‌റ്. നിമ്മ് പട്ട്‌ല് കണ്ണ്‌കഡിമ് ആങ്കീങ്ക് മല്ല്‌മ് ഇര്‌ക്കുവാദ്‌നാലെ അവനവാന് ആസെപഡി പെ്ളേക്കുവ ഈ ഉലഗാത്ത്‌ലവാര്‌ന പാസേമ് സാമിന തെര്യാത്ത ആള്‌ഗാള്‌ന പാസേമ്‌ത്തെ നിമ്മ പെ്ളേക്ക്‌ന്റ്‌റ് എന്നുവാദ്‌ന കാട്ട്‌ന്റ്.
മുന്തെല കാലാത്ത്‌ല് സാമി സൊന്റെന്റ് സൊല്ലി ഉറുട്ടു സൊല്ലുവ സാമിദാസ്‌ഗാള്‌മ് ഇസ്‌റവേല്‌ഗാറാര് പട്ട്‌ല് ഇന്താര്. അദേപാസെ ഉറുട്ടു സൊല്ലി പഡ്‌സ്‌ന്റവാര്‌ഗാള് നിമ്മ് പട്ട്‌ലിന്ത്‌മ് ഉണ്ടാവാര്. അവാര് സത്ത്യ അല്ലാത്ത കെ്ഡ്‌സുവ കാര്യഗാള്‌ന സൂഗാന പഡുസുവാര്. പാവാക്ക് സിക്കിന്ത തമാന തിരിക്കി എ്ഡ്‌ത്ത പണ്ണാഡിന തള്ളി തമ്മ ബേഗ അളിന്ത് പോവാദ്‌ക്കുള്ള ബട്ടെ അവാര് താനെ മാഡ്‌ന്റാര്.
അവാര് അഡ്‌ത്തവാര്‌ക്ക് എന്ത് കൊഡിമെ ഗേന്താരൊ അദേ കൊഡിമെത്തെ അവാര്‌ക്ക്‌മ് ബര്‌മ്. പട്ടപഗാല് തിന്റ്‌കുഡിത്ത് മദിമറാന്ത് നഡാക്കുവാദ്‌ല് അവാര് പിര്യപൊങ്കുന്റാര്. അവാര് നിമ്മ് പട്ട്‌ല് നിമ്മ് പേര്‌ന കെ്ഡ്‌സ്‌ന്റവാര്‌മ് നിമാക്ക് മാനകേ്ഡ് മാഡ്‌ന്റവാര്‌മ്‌ത്തെ. അവാര് നിമ്മോഡ ബിര്‌ന്ത് തിന്ന്‌ഗാട്ടി അവാര്‌ക്കിര്‌ക്കുവ കെ്ട്ടെ്ണ്ണാത്ത്‌ല് അവാര് പിര്യപഡ്‌ന്റാര്.
ആന ഇവാരൊ, സാമി തമാക്ക് മേല് ബെത്ത്‌റ്‌ക്കുവ അദിഗരഗാള്‌ന തെര്യാദെ അദ്‌ന പറ്റി ബെലെ ഇല്ലാത്താദായി സൊല്ലുവാദ്‌നാലെ തമാക്ക് എന്ത് ബര്യ പോന്റു എന്നുവ അറുവില്ലാദെ സൊന്റാര്. തമാക്ക് ഒഡ്ഡി ബെത്ത്‌റ്‌ക്കുവ കണ്ണിന തെര്യാദെ അദ്‌ക്ക് സിക്കി അളിന്ത് പോവ അറുവില്ലാത്ത ബേ്ണ്ട്‌ഗാള്‌ന പാസെത്തെ ഇവാര്‌മ് അളിന്ത് പോന്റാര്.
എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.
ആന ബേ്ണ്ട്‌ന പ്‌ഡിത്ത് കെ്ട്ട്‌നാന്. സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ് അയി ബേ്ണ്ട് മുന്നുക്കു ബെത്ത് അദിസ്യഗാള് ഗേന്ത് കാട്ടി മന്‌സാര്‌ഗാള്‌ന ഏമാത്തിന്താന്. അത്തെ മന്‌സാര് ബേ്ണ്ട് പേര്‌ന കാട്ടുവ അഡ്യാളനാമ് ബെത്തിന്താര്. ബേ്ണ്ട് സെലെനാമ് കുമ്മുഡിന്താര്. അയി സാമിദാസ്‌നാമ് ബേ്ണ്ടോഡൊപ്പ പ്‌ഡിത്ത് കെ്ട്ടി ഗെന്തഗ കത്തി എരേവ തീ കഡാല്‌ക്ക് ഉജുരോഡ എ്റിന്ത് ബ്‌ട്ടാന്.
ആന ദയിര ഇല്ലത്തവാര്‌ക്ക്‌മ്, നമ്പിക്കെ ഇല്ലത്തവാര്‌ക്ക്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ക്ക്‌മ്, കൊലെ ഗേന്റവാര്‌ക്ക്‌മ് കണ്ടപഡി നഡാക്ക്‌ന്റവാര്‌ക്ക്‌മ്, മന്ത്‌റമായ ഗേന്റവാര്‌ക്ക്‌മ്, സെലെന കുമ്മുഡുന്റവാര്‌ക്ക്‌മ്, പൊയി സൊല്ലുവ എല്ലാവാര്‌ക്ക്‌മ് കെ്ഡേക്കുവ എ്ഡെ എന്നുവാദ് ഗെന്തഗ കത്തി എരേവ തീ കഡാല് ആയിര്‌ക്കുവു. ഇദ്‌ത്തെ റണ്ടാവാദ് സാവു>> എന്റ് സൊന്നാന്.
Sanasan