പിലിപ്പ്യഗാറാര് 3:18 - സാമി സേദി18 എന്ത്‌ക്കെന്റ് സൊന്ന ലേസ ആള്‌ഗാള് ക്‌റ്‌സ്‌ത്ത് കുരുസുലു സാഗാട്ടി അവാര്‌ക്ക് ബേ്ണ്ടി എന്ത് ഗേന്ത് കൊഡുത്താന് എന്നുവാദ്‌ന തെ്റിന്ത് തള്ളി കെ്ട്ട കാര്യഗാള് ഗേന്ത്‌കൊണ്ടുത്തെ പെ്ളേക്ക്‌ന്റാര്. അവാര്‌ന പറ്റി നിമാക്ക് എഞ്ചോ ജമ്പ് നാന് സൊല്ലിര്‌ക്ക്‌ന്റെ. അവാര്‌ന പറ്റി പിന്നേമ് നിമാക്ക് സൊല്ലുഗാട്ടി എനാക്ക് കേ്സിത്തെ ബന്റ്. Faic an caibideil |
പിലിപ്പ്യഗാറാര് 3:18
30 Iomraidhean Croise
കേ്ഡ്‌ഗെ്ട്ടവാര് ആര്‌മ് സാമി ആളുവ ആള്‌ഗാള് കൂട്ടാക്ക് എജേഗമാട്ടാര് എന്റ് നിമാക്ക് താനെ തെരിമല്ല. നിമ്മ നിമാന താനെ സദിക്കാദിര്‌ന്: കണ്ടപഡിക്ക് നഡാക്ക്‌ന്റവാര്, സെലെന കുമ്മുഡുന്റവാര്, ബേസ്യാഡ്‌ന്റവാര്, ഗണ്ട് ഗണ്ടോഡാമ് പെ്ണ്ണ് പെ്ണ്ണോഡാമ് ഉറാങ്ക്‌ന്റവാര്, ത്‌റ്‌ട്ടാര്, ആസെപാഡ്‌ഗാറാര്, കുഡിഗാറാര്, നൊണ്ടു സൊന്റവാര്, പ്‌ഡിങ്കിപറ്‌ക്ക്‌ന്റവാര് ഇത്തവാള്‌ഗാള് സാമി ആളുവ നാഡ്‌ക്ക് ഉരിമെഗാറാര് ആഗമാട്ടാര്.
അവാര് നേര്‌മാന നല്ല സേദിക്ക് എ്ണേന്ത ദിന്‌സ്‌ല് നഡാക്കുവാദില്ലെന്റ് കാണ്‌ഗാട്ടി എല്ലാര് മുന്നുക്കു ബെത്ത് പത്ത്‌റോസുന നൊഡിന്ത്‌കൊണ്ടു നാന് ഇത്തെ സൊന്നെ: <<നീ എഗുദ ജാദിക്ക് പട്ടവാനായിന്ത് ഗുഡി എഗുദാര് സട്ട്‌മെ്ട്ട്‌പഡിക്ക് പെ്ളേക്കാദെ ബേ്റെ എഗുദാരല്ലാത്ത ജാദിഗാളോഡ എ്ണേന്ത് നഡാന്തായല്ല. അത്തെ നഡാക്കുവ നീ എഗുദാരല്ലാത്ത ബേ്റെ ജാദിഗാള്‌ന എഗുദാര്‌ന പാസെ പെ്ളേക്ക്യ നത്തുവാദ് എന്ത്‌ക്ക്?>>
കഡാല്‌ക്ക് എജ്ജുസുവ എ്ള്‌ക്ക് പ്‌ഡിത്ത സണ്ട്‌സളാങ്ക്‌ഗാള്‌ന കഡാല് തെരെഗാള് ഏ്ട്ടിക്ക് ഏ്റ്‌സുവ പാസെത്തെ ഇവാര് ഗേവ കെ്ട്ട കാര്യഗാള്. തനാക്ക് ബേ്ണ്ടി സാമി ബെത്ത്‌റ്‌ക്കുവ എ്ഡേലിന്ത് തപ്പി പോവ ബെ്ള്ളിഗാള്‌ന പാസെത്തെ എന്ത്‌ക്ക് ബേ്ണ്ടി പെ്ളേക്കുഡൊ എന്നുവ നെനേവു ഇല്ലാദിര്‌ക്കുവ ഇവാര് പെ്ളേപ്പ്. ഇത്തവാള്‌ഗാള് കഡേസില് പോയി എജ്ജുവാദ് എന്നാല്‌ക്ക്‌മ് ഇ്റ്‌ട്ട് കെ്ട്ടിര്‌ക്കുവ എ്ഡേക്ക്‌ത്തെ.
Sanasan