പിലിപ്പ്യഗാറാര് 3:15 - സാമി സേദി

¹⁵ അദ്‌നാലെ ഏസ്സോഡ ബെത്ത്‌റ്‌ക്കുവ നമ്പിക്കേല് ഗട്ടിഗാറാര് ആയിര്‌ക്ക്‌ന്റവാര്‌മ് കുറ്റകൊറേവു ഇല്ലത്തവാര്‌മ് എന്റ് നെനേക്കുവ നമ്മ് കൂട്ടാത്ത്‌ല ആള്‌ഗാള് ഈ കാര്യഗാള്‌ന പറ്റി ഇത്തെ താനെത്തെ നെനേക്കുഡൊ. ആന നിമ്മ ഈ കാര്യഗാള്‌ന പറ്റി ബേ്റേദാറ്റ ദിന്‌സ്‌ല് നെനേക്കുവദാന അദ്‌ന സൊക്കാന നെപ്പ്‌കെ്ഡേസ്യ ബേ്ണ്ടി സാമി താനെ നിമാക്ക് ഉദാവി ഗേവാന്.

പിലിപ്പ്യഗാറാര് 3:15 Iomraidhean Croise

മത്തായി 5:48

അദ്‌നാലെ മേലോഗാത്ത്‌ല നിമ്മ് അപ്പാന് എല്ലാ നല്ല ഗുണഗാള്‌മ് തുമ്പിര്‌ക്ക്‌ന്റവാനായി ഇര്‌ക്കുവ പാസെ നിമ്മാമ് എല്ലാ നല്ല ഗുണഗാള്‌മ് തുമ്പിര്‌ക്ക്‌ന്റവാരായി ഇര്‌ന്.>>

ലൂക്കോസു 11:13

അത്തെ കെ്ട്ടവാര് ആയിര്‌ക്കുവ നിമ്മ നിമ്മ് മക്കാള്‌ഗാള്‌ക്ക് നല്ലാദ് കൊഡുക്ക്യ തെരിന്തിന്ത മേലോഗാത്ത്‌ല അപ്പാന് സാമിന കേ്ള്‌ക്ക്‌ന്റവാര്‌ക്ക് തന്ന് നിഗാല്‌ന കൊഡുക്ക്യ സാമി എത്ത്‌റാഗോ മനേസ്സുള്ളവാന്‌ത്തെ>> എന്റ് സൊന്നാന്.

ഓഗന്നാന് 6:45

<എല്ലാ ആള്‌ഗാള്‌മ് സാമി ബുദ്ദി സൊല്ലി കൊഡുത്തവാര് ആവാര്> എന്റ് സാമിദാസ്‌ഗാള് ബൊക്കുഗാള്‌ല് എ്ള്‌ദിര്‌ക്ക്‌ന്റ്. അപ്പാന് സാമി സൊല്ലുവാദ്‌ന കേ്ട്ട് പഡിത്തവാരെല്ലെ എന്ന് പട്ട്‌ക്ക് ബരുവാര്.

ഓഗന്നാന് 7:17

സാമി പിര്യപഡുവാദ്‌ന ഗേയ ആസെപഡ്‌ന്റവാന് ഈ ബുദ്ദിനായ സാമിലിന്ത് ബരുവാദൊ ഇല്ലെ നാനാഗ സൊല്ലുവാദൊ എന്റ് നെപ്പ്‌കെ്ഡേസുവാന്.

റോമഗാറാര് 15:1

നമ്പിക്കേല് നല്ല ഒറേപ്പുള്ളവാര് ആയിര്‌ക്കുവ നമ്മ നമ്പിക്കേല് ഒറേപ്പില്ലാദെ പെ്ളേക്ക്‌ന്റവാര്‌ന കയിതാങ്കുഡൊ. നമാക്ക് പിര്യ ബരുസ്സുവ കാര്യഗാള്‌ന താനെ ഗേഗാദേന്.

1 കൊരിന്ത്യഗാറാര് 14:20

ഏസ്സ്‌ഗാറാരെ, മക്കാള് നെനേക്കുവ പാസെ ഈ കാര്യഗാള്‌ന പറ്റി നെനേക്കുവാദ്‌ന തള്ള്‌ന്, തപ്പ് ഗേവ കാര്യാത്ത്‌ല് നിമ്മ അറ്യാത്ത പ്‌ള്ളെന പാസെ ആന്. ദൊഡ്ഡവാര് നെനേക്കുവ പാസെ നിമ്മ ഈ കാര്യന പറ്റി നെനേത്ത് നഡാന്.

1 കൊരിന്ത്യഗാറാര് 2:6

ആന, ക്‌റ്‌സ്‌ത്തോഡ ബെത്ത്‌റ്‌ക്കുവ ബക്‌തില് നിമ്മ മ്‌ഗ്‌ന്ത്‌റ്‌ക്ക്‌ന്റവാരോഡ, എമ്മ അറുവുമ് ബുദ്ദിമ് ഉള്ള നായ സൊന്റേമ്. അയി അറുവുമു ബുദ്ദിമ് ഉള്ള നായ ഈ ഉലഗാക്ക് പട്ടാദൊ ഈ ഉലഗാന ആളുവ അളിന്ത് പോന്റവാര്‌ക്ക് പട്ടാദൊ അല്ല.

ഗലാത്ത്യഗാറാര് 5:10

നാന് സൊല്ലുവ ഈ കാര്യഗാള്‌ന പറ്റി നിമ്മ കുറ്റ സൊല്ലമാട്ട്‌റ് എന്റ് എനാക്ക് നിമാന പറ്റി ഒറേപ്പിര്‌ക്ക്‌ന്റ്. അയി കാര്യാത്ത്‌ല് നാന് ആണ്ടവാന്‌ന നമ്പ്‌ന്റെ. ആന നിമാന തപ്പ് ഗേയ ബെക്കുവ ആരാനാല്‌മ് സെരി അയാള്‌ന സാമി ദെ്ണ്ടിക്കുവാന്.

എപസോസുഗാറാര് 1:17

നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ക്ക് അപ്പാനായിര്‌ക്കുവ സാമി എത്ത്‌റ ദൊഡ്ഡവാനെന്റ് പെരിമെപഡ്യാമ് സാമിന പറ്റി സൊക്കാന തെര്യാമ് സാമിനിഗാല് നിമാക്ക് ഉദാവി ഗേയ ബേ്ണ്ടി നാന് സാമിക്ക് പരേസ്‌ന്റെ.

കൊലേസ്യഗാറാര് 1:28

അദ്‌നാലെ എമ്മ ക്‌റ്‌സ്‌ത്ത്‌ന പറ്റി എല്ലാ ആള്‌ഗാള്‌ക്ക്‌മ് സൊല്ലി കൊണ്ടേ ഇര്‌ന്റേമ്. സാമി എമാക്ക് തന്ത്‌റ്‌ക്കുവ എല്ലാ ബുദ്ദിനാമ് ബെത്ത് ഏസ്സ്‌ന പാസെ ആയ അറുവു കൊഡുക്ക്യ ഉള്ളവാര്‌ക്ക് അറുവു കൊഡുത്തു കൊണ്ടുമു ബുദ്ദി സൊല്ലി കൊഡുക്ക്യ ഉള്ളവാര്‌ക്ക് ബുദ്ദി സൊല്ലി കൊഡുത്തു കൊണ്ടുമു ഗേന്റേമ്.

കൊലേസ്യഗാറാര് 4:12

നിമ്മ് പട്ട്‌ലിന്ത് ഈങ്ക് ബന്ത എപ്പപ്‌റോസുമു നിമ്മ നലമായി ഇര്‌ക്ക്‌ന്റ്‌റ എന്റ് കേ്ള്‌ക്ക്‌ന്റാന്. സാമി മനേസ്സ്‌ലിര്‌ക്കുവ കാര്യഗാള്‌ന നിമ്മ തെരിന്ത് നിമ്മ ഏസ്സ്‌ന പാസെ ആഡൊ എന്റ് ഒപ്പ പരേസികൊണ്ടു ഏസ്സ് ക്‌റ്‌സ്‌ത്ത്‌ക്ക് ബേ്ണ്ടി നല്ല ഗിലാസ ഗേന്റാന്.

1 തെസെലോനിക്ക്യഗാറാര് 4:9

ഏസ്സ്‌ന നമ്പിര്‌ക്കുവ നിമ്മ ആങ്കീങ്ക് സീവാന്‌ബെത്ത് നഡാക്കുഡൊ എന്നുവാദ്‌ന പറ്റി നിമാക്ക് എ്ള്‌ദി തരുവ തേവില്ലെ. നിമ്മ ആങ്കീങ്ക് സീവാന്‌ബെത്ത് നഡാക്ക്യ സാമി താനെ നിമാന പഡിസിര്‌ന്റാന്.

2 തിമിത്തോസു 3:17

അത്തെ സാമിക്ക് ബേ്ണ്ടി ഗിലാസ ഗേന്റവാന് എല്ലാ നല്ല കാര്യഗാള്‌മ് ഗേയ നേര്‌മായിമ് ഒരുക്ക ഉള്ളവാനാന്റാന്.

എവുറായാര് 5:14

ആന ദൊഡ്ഡവാര് തിന്നുവ തീനി ദൊഡ്ഡുനവാര്‌ക്ക്‌ത്തെ. അവാര് നല്ലാദ് കെ്ട്ടാദ് എന്തെന്റ് നെപ്പ്‌കെ്ഡേസ്യ പഡിത്ത് പളാഗ്‌നവാര്‌ത്തെ.

1 ഓഗന്നാന് 2:5

ആന ആരാറ്റ സാമി സൊല്ലുപഡി നഡാക്ക്‌ന്റവാന് ആയിന്തദാന നേര്‌മായിമ് അയാള് സാമ്യോഡ ഉജുരുക്കുജുര സീവാന്‌ബെത്ത്‌റ്‌ന്റാന്. അയാള് സാമ്യോഡ എ്ണേവു ബെത്ത്‌റ്‌ന്റാന് എന്റ് ഇദ്‌ന നോഡുന തെരിമ്.