പിലിപ്പ്യഗാറാര് 3:13 - സാമി സേദി13 ഏസ്സ്‌ഗാറാരെ, നാന് അത്തവ ഒന്റാളായി തീന്തേനെന്റ് നെനേക്കുവാദില്ലെ. ആന നാന് ഒന്റു ഗേന്റെ, മുന്നുക്കുല പെ്ളേപ്പ്‌ന തെ്റിന്ത് നാന് എത്തെ ആഡൊ എന്റ് ക്‌റ്‌സ്‌ത്ത് ആസെപട്ടാനൊ അദേപാസെ ആയ ബേ്ണ്ടി നാന് എന്നാവാദ് ഓരാഡികൊണ്ട്‌റ്‌ക്കുവെ. Faic an caibideil |
പിലിപ്പ്യഗാറാര് 3:13
15 Iomraidhean Croise
അദ്‌നാലെ എനാക്ക് മെച്ച്‌പ്‌ഡിത്തവാരെ, നിമ്മ് പാവാക്ക് കെ്ഡേക്കുവ ദെ്ണ്ടണേലിന്ത് സാമി നിമാന കാപാറ്റ്‌നാന്. അദ്‌നാലെ നിമ്മ അദ്‌ക്ക് തഗ്‌ന്ത ദിന്‌സ്‌ല് പെ്ളേക്കുഡൊ. മുന്നുക്കു പാവ ഗേഗാദെ സാമി സൊല്ലുപഡിക്ക് പെ്ളേത്ത പാസെ ഇന്നാല്‌മ് പെ്ളേത്ത് കൊണ്ടേ ഇര്‌ക്കുഡൊ. നാന് നിമ്മ് പട്ട്‌ല് ഇര്‌ക്കാട്ടിമ് നാനില്ലാദിര്‌ക്കാട്ടിമ് നിമ്മ സാമിന അഞ്ചിക്കെപട്ട് കൊണ്ടുമു സദ്‌റ ബെ്ട്ടികൊണ്ടുമു പാവ ഗേഗാദെ പെ്ളേത്ത് കൊണ്ട്‌റ്ക്കുഡൊ.
അദ് താനേമല്ല എന്ന് ആണ്ടവാന് ക്‌റ്‌സ്‌ത്ത് ഏസ്സ്‌ന പറ്റി തെരിവാദ്‌ത്തെ എല്ലാദ്‌ക്ക്‌മ് ബ്‌ഡ മ്‌ഗ്‌ന്ത കാര്യ എന്റ് എനാക്ക് തെരിന്താദ്‌നാലെ നാന് മുദാല് ദൊഡ്ഡാദെന്റ് പെരിമെപട്ടിന്ത എല്ലാ കാര്യഗാള്‌നാമ് ഒന്റേപെ്ട്ട് ബെലെ ഇല്ലത്താദെന്റ് നാന് ഇന്നാല്‌മ് കണാക്കാക്ക്‌ന്റെ. ക്‌റ്‌സ്‌ത്ത്‌ന തെര്യ ബേ്ണ്ടി ഈ കാര്യഗാള്‌നെല്ല സണ്ട്‌സളാങ്കെന്റ് നാന് ബീസ്യെ്റിന്തെ.
Sanasan