പിലിപ്പ്യഗാറാര് 3:12 - സാമി സേദി12 ഈ കാര്യഗാളെല്ല എന്ന് പെ്ളേപ്പ്‌ല് നഡാന്ത്‌ദെന്റൊ നാന് എല്ലാ കാര്യാത്ത്‌ല്‌മ് ഒന്റു കൊറേവുമു ഇല്ലത്തവാനെന്റൊ അല്ല സൊല്ലുവാദ്. ആന ക്‌റ്‌സ്‌ത്ത് ഏസ്സ് എനാന തെരിന്തെ്ഡ്‌ത്താദ്‌നാലെ ക്‌റ്‌സ്‌ത്ത് ആസെപഡുവ ഒന്റാളായി തീര്യ ബേ്ണ്ടി നാന് എന്നാവാദ് ഓരാഡി കൊണ്ടു ഇര്‌ക്ക്‌ന്റെ. Faic an caibideil |
പിലിപ്പ്യഗാറാര് 3:12
44 Iomraidhean Croise
അദ് എത്തെന്റ് സൊന്ന, ഇന്നാല് ഏസ്സ് ക്‌റ്‌സ്‌ത്ത്‌ന നമ്പി ഒന്റായി പെ്ളേക്ക്‌ന്റവാര്‌ന സാമി ഉലഗാന ഉണ്ടാക്കാത്ത മുദാലെ തെരിന്തെ്ഡ്‌ത്താന്. സാമി കണ്ണ്‌ക്ക് കുറ്റകൊറേവു ഇല്ലത്തവാര് ആയിര്‌ക്ക്യ ബേ്ണ്ടിമ് സാമിക്ക് പട്ടവാര് ആയിര്‌ക്ക്യ ബേ്ണ്ടിമ്‌ത്തെ അവാര്‌ന അത്തെ തെരിന്തെ്ഡ്‌ത്താദ്. സാമി സീവാന്‌ബെത്ത്‌റ്‌ക്കുവാദ്‌നാലെ
ആന സാമിനിഗാല് ഉദാവി ഗേന്ത് സാമിന കുമ്മുഡുവ നമ്മാത്തെ നേര്‌മായിമ് സാമിഗാറാര്. സാമിന പിര്യപഡിസ്യ ബേ്ണ്ടി മന്‌സാര് തമ്മ് സരിഗലാത്ത്‌ല് അഡ്യാള മാഡുവാദ്‌നാമ് മന്‌സാന് പെരിമെപഡുവ ഏദ് കാര്യഗാള്‌നാമ് നമ്മ നമ്പുവാദില്ലെ. നമാന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ഗേന്ത കാര്യഗാള്‌ന സൊല്ലി താനെത്തെ നമ്മ പെരിമെപഡ്‌ന്റാമ്.
അദ് താനേമല്ല എന്ന് ആണ്ടവാന് ക്‌റ്‌സ്‌ത്ത് ഏസ്സ്‌ന പറ്റി തെരിവാദ്‌ത്തെ എല്ലാദ്‌ക്ക്‌മ് ബ്‌ഡ മ്‌ഗ്‌ന്ത കാര്യ എന്റ് എനാക്ക് തെരിന്താദ്‌നാലെ നാന് മുദാല് ദൊഡ്ഡാദെന്റ് പെരിമെപട്ടിന്ത എല്ലാ കാര്യഗാള്‌നാമ് ഒന്റേപെ്ട്ട് ബെലെ ഇല്ലത്താദെന്റ് നാന് ഇന്നാല്‌മ് കണാക്കാക്ക്‌ന്റെ. ക്‌റ്‌സ്‌ത്ത്‌ന തെര്യ ബേ്ണ്ടി ഈ കാര്യഗാള്‌നെല്ല സണ്ട്‌സളാങ്കെന്റ് നാന് ബീസ്യെ്റിന്തെ.
നല്ല കാര്യഗാള് ഗേന്ത് പേരെ്ഡ്‌ത്തവാള്‌മ് ആയിര്‌ക്കുഡൊ. അയി നല്ല കാര്യഗാള് എന്നുവാദ് മക്കാള്‌ഗാള്‌ന സൊക്കാന നോഡിന്താദ്‌മ്, നട്ടാരുട്ടാര്‌ന പേര്‌ഗെ്ളേത്തിന്താദ്‌മ്, ഏസ്സ്‌ഗാറാര് കാല്‌ന കച്ചിന്താദ്‌മ്, കജട്ടാത്ത്‌ലിന്തവാര്‌ന കയിതാങ്കിന്താദ്‌മ്, പല ദിന്‌സ്‌ല് ആള്‌ഗാള്‌ന കയിതാങ്കി കൊണ്ടേ ഇന്താദ്‌മ്‌ത്തെ.
നിമ്മ ബന്ത്‌റ്‌ക്കുവാദ് മേലോഗാത്ത്‌ല് പേര് എ്ള്‌ദി ബെത്ത്‌റ്‌ക്കുവ സാമിത്ത് തലെകോഡി മക്കാള് കൂഡുവ പട്ട്‌ക്ക്‌ത്തെ. എല്ലാ ആള്‌ഗാള്‌നാമ് തമ്മ ഗേന്താദ്‌ക്ക് തഗ്‌ന്ത ദിന്‌സ്‌ല് ബിദിക്കുവ സാമി പട്ട്‌ക്ക്‌മ്, സാമി ഒന്റേപെ്ട്ട് കൊറേവില്ലത്തവാര് മാഡി തീത്ത നേര്‌മെഗാറാര് നിഗാല്‌ഗാള് പട്ട്‌ക്ക്‌മ്‌ത്തെ നിമ്മ ബന്ത്‌റ്‌ക്കുവാദ്.
Sanasan