പിലിപ്പ്യഗാറാര് 3:1 - സാമി സേദി1 കഡേസില് ഏസ്സ്‌ഗാറാരെ, ആണ്ടവാന്‌ന നമ്പി നഡാക്കുവാദ്‌നാലെ നിമ്മ പിര്യപഡ്‌ന്. നാന് മുന്നുക്കു സൊന്ന കാര്യഗാള്‌ന മറിസി മറിസിമ് എ്ള്‌ദുവാദ്‌ല് എനാക്ക് ബുദ്ദിമുട്ടൊന്റുമില്ലെ. എന്ത്‌ക്കെന്റ് സൊന്ന അദ് നിമാന പാദ്‌ഗാക്ക്‌മ്. Faic an caibideil |
പിലിപ്പ്യഗാറാര് 3:1
46 Iomraidhean Croise
ഏസ്സ്‌ഗാറാരെ, നാന് ഈ എ്ള്‌ത്ത് എ്ള്‌ദി മുഡിക്കുവ സമ്യാത്ത്‌ല് നാന് നിമാക്ക് സൊല്ലുവാദ് എന്തെന്റ് സൊന്ന, നിമ്മ പിര്യപഡ്‌ന്, നിമ്മ് നമ്പിക്കേല് മ്‌ഗ്‌ന്തവാര് ആയ നിമ്മ ഓരാഡ്‌ന്, നിമ്മ ആങ്കീങ്ക് ദയിര സൊല്ലി നഡാന്, ഒന്റേ മനേസ്സോഡ ഇര്‌ന്, പിര്യപിര്യാത്തോഡ പെ്ളേന്, സീവാന്‌മ് നിമ്മ്‌ദിമ് ഉള്ള സാമി നിമ്മോഡ ഇര്‌ക്കുവാന്.
ആന സാമിനിഗാല് ഉദാവി ഗേന്ത് സാമിന കുമ്മുഡുവ നമ്മാത്തെ നേര്‌മായിമ് സാമിഗാറാര്. സാമിന പിര്യപഡിസ്യ ബേ്ണ്ടി മന്‌സാര് തമ്മ് സരിഗലാത്ത്‌ല് അഡ്യാള മാഡുവാദ്‌നാമ് മന്‌സാന് പെരിമെപഡുവ ഏദ് കാര്യഗാള്‌നാമ് നമ്മ നമ്പുവാദില്ലെ. നമാന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ഗേന്ത കാര്യഗാള്‌ന സൊല്ലി താനെത്തെ നമ്മ പെരിമെപഡ്‌ന്റാമ്.
കഡേസില്, ഏസ്സ്‌ഗാറാരെ, നാന് ഒന്റു കാര്യ ഗുഡി നിമാക്ക് സൊന്റെ. നിമ്മ സത്ത്യമാന കാര്യഗാള്‌ന പറ്റിമ്, എല്ലാവാര്‌മ് നല്ലാദെന്റ് സൊല്ലുവ കാര്യഗാള്‌ന പറ്റിമ്, ആര്‌മ് കുറ്റ സൊല്ലാത്ത കാര്യഗാള്‌ന പറ്റിമ്, എല്ലാവാര്‌ക്ക്‌മ് മെച്ച്‌പ്‌ഡിത്ത കാര്യഗാള്‌ന പറ്റിമ്, എല്ലാവാര്‌മ് പെരിമെപഡുവ കാര്യഗാള്‌ന പറ്റിമ്‌ത്തെ നെനേക്കുഡൊ.
ഏസ്സ്‌ഗാറാരെ, കഡേഗല നാന് ഒന്റുഗുഡി സൊല്ലുവാദ് എന്തെന്റ് സൊന്ന: സാമി മെച്ചുവാദ്‌ക്ക് തഗ്‌ന്ത ദിന്‌സ്‌ല് എത്തെ പെ്ളേക്കുഡൊ എന്നുവാദ്‌ന നിമ്മ എമ്മോഡിന്ത് പഡിത്ത്‌റ്‌ന്റ്‌റ്. അദേപാസെത്തെ നിമ്മ ഇന്നാല് പെ്ളേക്ക്‌ന്റ്‌റ്. ആന ഇന്നിമ് സേത്തി സേത്തി സാമിക്ക് മെച്ച്‌പ്‌ഡിക്കുവാദ്‌ക്ക് തഗ്‌ന്ത ദിന്‌സ്‌ല് നിമ്മ പെ്ളേക്കുഡൊ എന്റ് ആണ്ടവാന് ഏസ്സ് അദിഗരാത്ത്‌ല് എമ്മ നിമാക്ക് ബുദ്ദി സൊല്ലി ബേ്ണ്ടി കൊള്ളുന്റേമ്.
എനാക്ക് മെച്ച്‌പ്‌ഡിത്തവാരെ, നാന് ഇന്നാല് നിമാക്ക് എ്ള്‌ദുവ റണ്ടാവാദ് എ്ള്‌ത്ത്‌ത്തെ ഇദ്‌. സാമിക്ക് പട്ട സാമിദാസ്‌ഗാള് എഞ്ചോ ബര്‌സ്സഗാള് മുന്നുക്കു സൊന്ന സൊല്ലു സുലാക്കഗാള്‌നാമ് നിമ്മ് പട്ട്‌ക്ക് ബന്ത അപ്പോസുത്തലാര്‌ന ബെത്ത് ആണ്ടവാന്‌മ് കാപാറ്റ്‌ന്റവാന്‌മ് ആയിര്‌ക്ക്‌ന്റവാന് സൊന്ന കല്‌പനെഗാള്‌നാമ് നിമ്മ നെനേക്ക്യ ബേ്ണ്ടി നാന് ഈ റാഡ് എ്ള്‌ത്ത്‌ന ബെത്ത് നിമ്മ് നേരുള്ള മനേസ്സ്‌ന ബോദ ബര്‌സ്സ്‌ന്റെ.
Sanasan