പിലിപ്പ്യഗാറാര് 2:8 - സാമി സേദി

⁸ ക്‌റ്‌സ്‌ത്ത് ഏസ്സ് മന്‌സാനായി പെ്ളേക്കാട്ടി താനെ സാമി സൊല്ലുപഡിക്ക് ഇര്‌ക്ക്യ ബേ്ണ്ടി, താന് താനെ തണിന്ത് കൊഡുത്തു കുരുസുക്കു സേത്തി ആണി അഡിത്ത് കൊല്ല്യ ബ്‌ട്ടാന്.

പിലിപ്പ്യഗാറാര് 2:8 Iomraidhean Croise

മത്തായി 17:2

ഏസ്സ് അവാര്‌ക്ക് മുന്നുക്കു ഉരുവ മാറ്‌നാന്. ഏസ്സ് മോന്തെ നേരന പാസെ കനകനാത്ത് കത്ത്‌റ്റ്. അയാള് ഉഡുപ്പു പാല്‌ന പാസെ ബെ്ള്ളെബെ്ള്ള്യ ആറ്റ്.

മത്തായി 26:39

പ്‌റ ഏസ്സ് ലേസ അത്തഗ പോയി മണ്ണ്‌ക്ക് സഡങ്ക ബ്‌ന്ത്: <<അപ്പാ എന്ന് അപ്പാ, മുഡിന്തദാന, എനാക്ക് ബര്യ പോവ കജട്ട എന്നുവ ഈ സെമ്പ്‌ന എന്നോഡിന്ത് ബിലാക്കി തരുഡോമെ. ആന എന്ന് ആസെപഡ്യല്ല, നിന്ന് ആസെപഡി താനെ നഡാക്കുഡൊ>> എന്റ് പരേസ്‌നാന്.

മത്തായി 26:42

പ്‌റ ഏസ്സ് റണ്ടാവാദ്‌മ് അത്തഗ പോയി: <<അപ്പാ, നാന് അയി കജട്ട സെമ്പ്‌ന കുഡിക്കാദെ ഈ കജട്ട തീരമാട്ടെന്റദാന നീ ആസെപഡുവ പാസെ താനെ നഡാക്കുഡൊ>> എന്റ് പരേസ്‌നാന്.

ലൂക്കോസു 9:29

ഏസ്സ് പരേസികൊണ്ട്‌റ്‌ക്കാട്ടി അയാള് മൂഞ്ചി ദിന്‌സ് മാറ്‌റ്റ്. അയാള് ഉഡുപ്പു നേരന പാസെ ബെ്ഡിന്ത് തള്ള്‌ട്ട്.

ഓഗന്നാന് 10:18

എന്ന് ഉജുരുന എന്നോഡിന്ത് ആര്‌മ് എ്ഡ്‌ത്ത് പോഗമാട്ടാര്. ആന നാന് താനെത്തെ എന്ന് ഉജുരുന കൊഡുക്കുവാദ്, അത്തെ കൊഡുക്കുവാദ്‌ക്കുള്ള അദിഗര എനാക്കിര്‌ക്ക്‌ന്റ്. അദ്‌ന തിരിക്കി എ്ഡ്‌ക്ക്യാമ് എനാക്ക് അദിഗര ഇര്‌ക്ക്‌ന്റ്. ഇദ്‌ത്തെ നാന് ഗേയ ബേ്ണ്ടി എന്നപ്പാന് സാമി എനാക്ക് സൊല്ലിര്‌ക്കുവാദ്.>>

ഓഗന്നാന് 14:31

ആന നാന് അപ്പാനോഡ സീവാന്‌ബെത്ത്‌റ്‌ന്റെ എന്റ്‌മ് അപ്പാന് എനാന ഗേയ സൊന്ന കാര്യഗാള്‌ന അദേപാസെ താനെ നാന് ഗേന്റേന് എന്റ്‌മ് ഉലഗാത്ത്‌ല ആള്‌ഗാള്‌ക്ക് തെരിഡൊ. ബാന്, നമ്മ ഇദ്‌ലിന്ത് പോഗാന്.>>

ഓഗന്നാന് 15:10

എന്ന് അപ്പാന് എനാന ഗേയ സൊന്ന കാര്യഗാള്‌ന അദേപാസെ നാന് ഗേന്ത് അയാള് എന്നോഡ ബെത്ത്‌റ്‌ക്കുവ സീവാന്‌ല് നാന് ഇര്‌ക്കുവ പാസെ നിമ്മാമ് നാന് ഗേയ സൊന്ന കാര്യഗാള്‌ന അദേപാസെ ഗേന്തദാന നാന് നിമ്മോഡ ബെത്ത്‌റ്‌ക്കുവ സീവാന്‌ല് നിമ്മ ഇര്‌ക്കുവുറു.

ഓഗന്നാന് 4:34

ഏസ്സ് അവാര്‌ക്ക് ഇത്തെ സൊന്നാന്: <<എനാന സൊല്ലി ബ്‌ട്ടവാന്‌ക്ക് പ്‌ഡിത്ത കാര്യ ഗേവാദ്‌മ് അയാള് എനാക്ക് ഗേയ തന്ത്‌റ്‌ക്കുവ ഗിലാസാന ഗേന്ത് മുഡിക്കുവാദ്‌മ്‌ത്തെ എന്ന് തീനി

അപ്പോസുത്തലാര് 8:33

അയാള്‌ന മാനഗെ്ഡിസിമ്, പാവ ഗേഗാദെ ഇന്ത അയാള്‌ന പാവഗാറാന്‌മ് മാഡ്‌നാര്. ബൂമില് അയാള് ഉജുരുന ഇല്ലാദെമാഡി തള്ള്‌നാര്, അദ്‌നാലെ അയാള് കാല്‌കെ്ളെന പറ്റി ആര്‌ക്ക് സൊല്ല്യ മുഡിമ്?>>

റോമഗാറാര് 5:19

ഒരുത്താന് സാമി സൊല്ലുപഡിക്ക് നഡാക്കാത്താദ്‌നാലെ എഞ്ചോ ആള്‌ഗാള് പാവ ഗേന്റവാര് ആന പാസെ ഒരുത്താന് സാമി സൊല്ലുപഡിക്ക് നഡാക്ക്‌ന്റവാന് ആനാദ്‌നാലെ എഞ്ചോ ആള്‌ഗാള് നേര്‌മെഗാറാര് ആവാര്.

2 കൊരിന്ത്യഗാറാര് 8:9

നമ്മ് ആണ്ടവാന് ഏസ്സ് ക്‌റ്‌സ്‌ത്ത് നമാക്ക് എത്ത്‌റ പ്‌ണ്ണ്യ ഗേന്താന് എന്റ് നിമാക്ക് തെരിമ്. ക്‌റ്‌സ്‌ത്ത് സൊത്തുഗാറാന് ആയിന്താന്. എന്റിന്ത് ഗുഡി നിമാന സൊത്തുഗാറാര് മാഡ്യ ബേ്ണ്ടി അയാള് ഏ്ളെ ആനാന്.

ഗലാത്ത്യഗാറാര് 3:13

ഈ സട്ടപഡി നമാക്ക് തട്ട്‌ന സാപ്പന ക്‌റ്‌സ്‌ത്ത് തീത്ത് നമാന തിരിക്കി എ്ഡ്‌ത്താന്. അദ്‌ക്ക് ബേ്ണ്ടി നമാക്ക് ബദ്‌ല ക്‌റ്‌സ്‌ത്ത് സാപ്പ പ്‌ഡിത്തവാനായി കുരുസുലു നേന്റാന്. എന്ത്‌ക്കെന്റ് സൊന്ന <<മരാത്ത്‌ല് നേല്‌ന്റവാനെല്ല സാപ്പ പ്‌ഡിത്തവാന്>> എന്റ് സാമി സൊല്ലുസുലക്കാത്ത്‌ല് എ്ള്‌ദിര്‌ക്ക്‌ന്റല്ല.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

എവുറായാര് 12:2

നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.

എവുറായാര് 12:4

നിമ്മ പാവ ഗേഗാദെ ഇര്‌ക്ക്യ ബേ്ണ്ടി മല്ല് കെ്ട്ടികൊണ്ടേ ഇര്‌ക്ക്‌ന്റ്‌റ്. എന്റാല്‌മ് നിമ്മ ഉജുരു പോവ മാട്ട്‌ക്ക് മല്ല് കെ്ട്ടാലെ.

1 പത്ത്‌റോസു 2:24

നമ്മ പാവാക്ക് ബേ്ണ്ടി ഇന്നി പെ്ളേക്കാദെ നേര്‌മേക്ക് ബേ്ണ്ടി പെ്ളേക്ക്യ ക്‌റ്‌സ്‌ത്ത് നമ്മ് പാവാനെല്ല തന്ന് സരിഗലാത്ത്‌ല് ഏറ്റെഡ്‌ത്ത് കൊണ്ടു കുരുസുലു സത്താന്. അയാള് പട്ട ഗായനാലെ നിമാക്ക് സുഗ കെ്ഡേത്ത്‌റ്‌ക്ക്‌ന്റ്.

1 പത്ത്‌റോസു 3:18

എന്ത്‌ക്കെന്റ് സൊന്ന നേര്‌മല്ലത്തവാര് ആയിര്‌ക്കുവ നിമാന സാമി പട്ട്‌ക്ക് എ്ഡ്‌ത്ത് പോയ ബേ്ണ്ടി നേര്‌മെഗാറാനാന ക്‌റ്‌സ്‌ത്ത് നിമ്മ് പാവാക്ക് ബേ്ണ്ടി ഒന്റു ജമ്പ് സത്താന്. അയാള് സരിഗലാത്ത്‌ല് സത്താല്‌മ് നിഗാല്‌നാലെ പെ്ളേക്ക്‌ന്റാന്.