പിലിപ്പ്യഗാറാര് 2:7 - സാമി സേദി

⁷ അദ്‌നെല്ല ബേ്ഡ എന്റ് തള്ളി, ഒന്റു അഡിമേന പാസെ, ഒന്റു മന്‌സാനായി പ്‌റാന്താന്.

പിലിപ്പ്യഗാറാര് 2:7 Iomraidhean Croise

മത്തായി 12:18

<<ഇദാ, നാന് തെരിന്തെ്ഡ്‌ത്ത എന്ന് ഗിലാസഗാറാന്, അയാള് എന്ന് മനേസ്സ്‌ന പിര്യപഡ്‌സ്‌നവാന്‌മ് എനാക്ക് മെച്ച്‌പ്‌ഡിത്തവാന്‌മ്‌ത്തെ. നാന് എന്ന് നിഗാല്‌ന അയാള്‌ല് ഇര്‌ക്ക്യ സൊല്ലി ബ്‌ഡ്‌വെ. നാന് നായ ബിദിക്കുവാദ്‌ന പറ്റി അയാള് ജാദിഗാള്‌ക്ക് സൊല്ലുവാന്.

മത്തായി 20:28

മന്‌സാനായി പ്‌റാന്തവാന് ബന്താദ് ആള്‌ഗാള് തനാന നോഡ്യമാഡ്യല്ല, ആള്‌ഗാള്‌ന നോഡ്യമാഡ്യാമ് എഞ്ചോ ആള്‌ഗാള് ഉജുരുന കെ്ഡേസ്യ ബേ്ണ്ടി തന്ന് ഉജുരുന കൊഡുക്ക്യ ബേ്ണ്ടിമ്‌ത്തെ ബന്താദ്. നിമ്മാമ് അദേപാസെത്തെ ആയിര്‌ക്കുഡൊ>> എന്റ് സൊന്നാന്.

മര്‌ക്കോസു 9:12

ഏസ്സ് അവാര്‌ക്ക്: <<മുദാല് ഏല്യാവു ബന്ത് എല്ലാ കാര്യഗാള്‌നാമ് മറിസിമ് നലമായി ഗേന്ത് മുഡിക്കുവാന്. ആന മന്‌സാനായി പ്‌റാന്ത നാന് എഞ്ചോ കജട്ട പഡുഡൊ എന്റ്‌മ്, ആള്‌ഗാള് എനാന മാനാമ് ഗെ്ഡുസുവാര് എന്റ്‌മ് എന്ത്‌ക്ക് എ്ള്‌ദിര്‌ക്കുവാദ്?

ലൂക്കോസു 22:27

തിന്ന്യ കുക്കാന്ത്‌റ്‌ക്ക്‌ന്റവാന് ദൊഡ്ഡവാന? ഇല്ലെ ബീറ്റി കൊഡുക്കുവ ഗിലാസഗാറാന് ദൊഡ്ഡവാന? കണ്ടിപ്പായിമ് തിന്ന്യ കുക്കാന്ത്‌റ്‌ക്ക്‌ന്റവാന്‌ത്തെ ദൊഡ്ഡവാന്. ആന നാന് നിമ്മ് കൂട്ടാത്ത്‌ല് ഗിലാസഗാറാന്‌ന പാസെത്തെ ഇര്‌ക്ക്‌ന്റേന്.

ഓഗന്നാന് 1:14

സാമി സൊല്ലുസുലാക്ക മന്‌സാന് പ്‌റാവി എ്ഡ്‌ത്ത്‌ദ്. അയാള് ഗവാമ് സത്ത്യാമ് തുമ്പുനവാനായി നമ്മ് പട്ട്‌ല് പെ്ളേത്തിന്താന്. അപ്പാന് സാമിത്ത് ഒന്റേ ഒന്റു മഗാന് മദ്‌പ്പ്‌ന സാമി സൊല്ലുസുലാക്ക ആനവാന്‌ല് എമ്മ കണ്ടേമ്.

റോമഗാറാര് 1:3

റോമ പട്ടണാത്ത്‌ല് സാമിക്ക് മെച്ച്‌പ്‌ഡിത്തവാര്‌മ്, സാമി ബ്‌ളിത്ത്‌റ്‌ന്റവാര്‌മ്, സാമിക്ക് പട്ടവാര്‌മ് ആയിര്‌ക്കുവ ആള്‌ഗാള്‌ക്കൊട്ടുക്കു എ്ള്‌ദുവ എ്ള്‌ത്ത്.

റോമഗാറാര് 15:3

ക്‌റ്‌സ്‌ത്ത് ഗുഡി തനാന പിര്യപഡുസുവ കാര്യഗാളല്ല ഗേയ നോഡുനാദ്. സാമി സൊല്ലുസുലാക്കാത്ത്‌ല് ഇത്തേമ് എ്ള്‌ദിര്‌ക്ക്‌ന്റല്ല: <<നിമാന മാനഗെ്ഡ്‌സ്‌നവാര് എനാനത്തെ മാനഗെ്ഡ്‌സ്‌നാദ്.>>

റോമഗാറാര് 15:8

ക്‌റ്‌സ്‌ത്ത് എഗുദാര് ജാദിഗാള്‌ക്ക് ഗിലാസഗാറാന് ആയി ബന്താദ് അവാര് പാട്ടനാമ്‌ക്ക് സാമി താന് കൊഡുത്ത ബാക്ക്‌ന തവാറ്‌സത്തവാന് എന്റ്‌മ് അയി ബാക്ക് സത്ത്യ എന്റ് കാട്ട്യ ബേ്ണ്ടിമ്‌ത്തെ എന്നുവാദ്‌ന മറാക്കദേന്.

റോമഗാറാര് 8:3

ആന സാമി സട്ടപഡി നഡാന്ത് പാവാത്ത്‌ലിന്ത് തപ്പിസി കഡാക്ക്യ നമാക്ക് ആവാദില്ലെ. എന്ത്‌ക്കെന്റ് സൊന്ന മന്‌സാരാന നമ്മ കുറ്റകൊറേവുള്ളവാര് ആനാദ്‌നാലെ സാമി സട്ടപഡി നഡാക്ക്യ മുഡിവാദില്ലെ. അദ്‌നാലെ നമ്മ് പാവാന തീര്‌ക്ക്യ ബേ്ണ്ടി നമ്മ് ഉരുവാത്ത്‌ല് നമാന പാസെ ഇര്‌ക്കുവ ഒന്റു മന്‌സാനായി സാമി തന്ന് മഗാന്‌ന ഉലഗാക്ക് സൊല്ലി ബ്‌ട്ടാന്. നമ്മ് പാവാക്ക് കെ്ഡേക്കുവ ദെ്ണ്ടണെന അയാള് ഏറ്റെഡ്‌ത്താന്.

2 കൊരിന്ത്യഗാറാര് 13:4

ഒന്റുക്കുമു തഗ്‌ദി ഇല്ലത്തവാന്‌ന പാസെത്തെ അയാള് കുരുസുലു സത്താദ്. ആന ഇന്നാല് സാമി സക്‌തില് അയാള് പെ്ളേക്ക്‌ന്റാന്. ക്‌റ്‌സ്‌ത്തോഡ ഇര്‌ക്കുവാദ്‌നാലെ എമ്മാമ് അയാള്‌ന പാസെ ഒന്റുക്കുമു മുഡ്യാത്തവാര് ആയിര്‌ന്റേമ്. ആന ക്‌റ്‌സ്‌ത്തോഡ എ്ണേന്ത്‌റ്‌ക്കുവ എമ്മ സാമി സക്‌തില് നിമാക്ക് ബേ്ണ്ടി പെ്ളേക്ക്‌ന്റേമ്.

2 കൊരിന്ത്യഗാറാര് 8:9

നമ്മ് ആണ്ടവാന് ഏസ്സ് ക്‌റ്‌സ്‌ത്ത് നമാക്ക് എത്ത്‌റ പ്‌ണ്ണ്യ ഗേന്താന് എന്റ് നിമാക്ക് തെരിമ്. ക്‌റ്‌സ്‌ത്ത് സൊത്തുഗാറാന് ആയിന്താന്. എന്റിന്ത് ഗുഡി നിമാന സൊത്തുഗാറാര് മാഡ്യ ബേ്ണ്ടി അയാള് ഏ്ളെ ആനാന്.

ഗലാത്ത്യഗാറാര് 4:4

ആന തഗ്‌ന്ത സമ്യ ബര്‌ഗാട്ടി സാമി തന്ന് മഗാന്‌ന ഉലഗാക്ക് സൊല്ലി ബ്‌ട്ടാന്. അയാള് പെ്ണ്ണ്‌ലിന്ത് പ്‌റാന്ത് സട്ടഗാള്‌ക്ക് കെ്പട്ട് പെ്ളേത്താന്.

പിലിപ്പ്യഗാറാര് 2:6

ക്‌റ്‌സ്‌ത്ത് ഏസ്സ് സാമ്യായിന്ത് ഗുഡി സാമിക്കിര്‌ക്കുവ പദാവിപട്ടാത്ത്‌ല് താനെ ഇര്‌ക്കുഡൊ എന്റ് നെനേക്കാദെ

എവുറായാര് 12:2

നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.

എവുറായാര് 13:3

നിമ്മാമ് ജെയില്‌ല് ഇര്‌ക്ക്‌ന്റവാര്‌ന പാസെത്തെ എന്റ് നെനേത്ത് കൊണ്ടു ജെയില്‌ല് ഇര്‌ക്ക്‌ന്റവാര്‌ന കയിതാങ്ക്യ മറാക്കദേന്. നിമ്മാമ് കൊഡിമെപഡ്‌ന്റവാര്‌ന പാസെത്തെ എന്റ് നെനേത്ത് കൊണ്ടു കൊഡിമെപഡ്‌ന്റവാര്‌ന കയിതാങ്ക്യ മറാക്കദേന്.

എവുറായാര് 4:15

നമാക്ക് ഇര്‌ക്കുവ കൊറേവുഗാള്‌ന കണ്ട് കറ്‌മ്മപ്‌ഡിക്കാത്ത ഒന്റു ദൊഡ്ഡ പൂസാരി അല്ല നമാക്ക് ഇര്‌ക്കുവാദ്. അദ്‌ക്ക് ബദ്‌ല എല്ലാ ദിന്‌സ്‌ല്‌മ് നമാന പാസെ സോദണെ പട്ട് ഗുഡി പാവ ഗേഗാത്തവാന് ആയിന്ത ഒന്റു ദൊഡ്ഡ പൂസാരിത്തെ നമാക്ക് ഇര്‌ക്കുവാദ്.