പിലിപ്പ്യഗാറാര് 2:30 - സാമി സേദി

³⁰ എന്ത്‌ക്കെന്റ് സൊന്ന ക്‌റ്‌സ്‌ത്ത്‌ക്ക് ഗിലാസ ഗേയ ബേ്ണ്ടി അയാള് സായ പക്കാനാന്. നിമാക്ക് ദൂരാത്ത്‌ലിന്ത് എനാന കയിതാങ്ക്യ മുഡ്യാത്ത കാര്യഗാള്‌ന ഗേയ ബേ്ണ്ടിത്തെ അയാള് തന്ന് ഉജുരുന ഗുഡി ബെലെ ബെക്കാദെ ഈങ്ക് ബന്താദ്.

പിലിപ്പ്യഗാറാര് 2:30 Iomraidhean Croise

അപ്പോസുത്തലാര് 20:24

എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.

റോമഗാറാര് 16:4

അവാര് എന്നുജുരുന കാപാറ്റ്യ ബേ്ണ്ടി തമ്മ് ഉജുരുന കൊഡുക്ക്യ ഗുഡി ഒരിങ്കിന്താര്. നാന് താനേമല്ല, എഗുദാരല്ലാത്ത എല്ലാ ഏസ്സ്‌ഗാറാര് കൂട്ടഗാള്‌മ് ഗുഡി അവാര്‌ക്ക് നണ്ണി സൊന്റാര്.

1 കൊരിന്ത്യഗാറാര് 15:53

അദ്‌നാലെ ഈ അളിവിര്‌ക്കുവ സരിഗല അളിവില്ലാത്ത ഉരുവ എ്ഡ്‌ക്കുഡൊ, ഈ സത്ത് പോവ സരിഗല സാഗാദിര്‌ക്കുവ ഉരുവ എ്ഡ്‌ക്കുഡൊ.

1 കൊരിന്ത്യഗാറാര് 16:10

തിമിത്തോസു നിമ്മ് പട്ട്‌ക്ക് ബന്തദാന അയാള്‌ന മദ്‌സുവ ദിന്‌സ്‌ല് നിമ്മ അയാള് കാര്യഗാള്‌ന നോഡുഡൊ. എന്ത്‌ക്കെന്റ് സൊന്ന അയാള്‌മ് എനാന പാസെ ആണ്ടവാന് ഗിലാസ ഗേന്റവാന്‌ത്തെ.

1 കൊരിന്ത്യഗാറാര് 16:17

തേപാനോസുമു പൊറുത്തുനതോസുമു അഗായിക്കോസുമു ബന്താദ്‌നാലെ എനാക്ക് പിര്യ ബന്ത്‌ദ്. നിമ്മ ഇന്തിന്തദാന കെ്ഡേക്കുവ പല ഉദാവിഗാള്‌മ് അവാര്‌ലിന്ത് എനാക്ക് കെ്ഡേത്ത്‌ദ്.

2 കൊരിന്ത്യഗാറാര് 12:15

നിമാന കയിതാങ്ക്യ ബേ്ണ്ടി നാന് എനാക്ക് ഇര്‌ക്കുവാദ്‌ന ഒട്ടുക്കുമു നാന് പിര്യപിര്യാത്ത് സിലാവു മാഡുവെ. അദ്‌താനേമല്ല നിമാന കയിതാങ്ക്യ ബേ്ണ്ടി നാന് എനാന താനേമ് പിര്യപിര്യാത്ത് ഒപ്പിസി തരുവെ. നാന് നിമാന അദിഗ സീവാന്‌പഡുവാദ്‌നാലെ നിമ്മ സെറ്റെന്റാല് എനാന സീവാന്‌പഡുവുറ?

2 കൊരിന്ത്യഗാറാര് 4:12

അത്തെ എമ്മ നിമാക്ക് ബേ്ണ്ടി ഗേവ ഗിലാസത്ത്‌ല് എമാക്ക് ഉജുരുക്കു ബരുവ ആവാത്ത്‌ഗാള് ബന്റ്, നിമാക്കൊ എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്ക്‌ന്റ്.

പിലിപ്പ്യഗാറാര് 2:17

സാമ്യോഡ നമ്പിക്കെ ബെത്ത് കൊഡിമെപഡുവ നിമ്മ് പെ്ളേപ്പ് സാമിക്ക് മെച്ച്‌പ്‌ഡിത്ത ഒന്റു പലിന പാസെത്തെ. അത്തെ പെ്ളേക്കുവ നിമാക്ക് ബേ്ണ്ടി എന്നുജുരുന കൊഡുക്ക്യാമ് എനാക്ക് പിര്യാത്തെ. നിമ്മോഡൊപ്പാമ് നാന് പിര്യപഡുവെ

പിലിപ്പ്യഗാറാര് 2:27

അയാള് നോയായി സായായിന്താന് എന്നുവാദ് നേര്‌ത്തെ. ആന സാമി ബേ്റ്‌വായിവെന്ത് അയാള്‌ന തെ്ള്‌സ്‌നാന്. അത്തെ അയാള്‌ന തെ്ള്‌സ്‌നാദ്‌നാലെ നാന് സേത്തി സേത്തി ദുക്കപഡാദിര്‌ക്ക്യ ബേ്ണ്ടി സാമിക്ക് എനനാമ് കറ്‌മ്മപ്‌ഡിത്ത്‌ദ്.

പിലിപ്പ്യഗാറാര് 4:10

മുന്നുക്കു നിമ്മ എനാന കയിതാങ്ക്‌ന പാസെ പിന്നേമ് എനാന കയിതാങ്ക്യ നിമ്മ നെനേത്ത്‌റ്. അത്തെ നിമ്മ നെനേത്താദ്‌നാലെ ആണ്ടവാന്‌ന നമ്പി നഡാക്കുവ നാന് ദൊഡ്ഡാദ്‌ക്ക് പിര്യപഡ്‌ന്റെ. മുദാല് താനെ നിമ്മ എനാന കയിതാങ്ക്യ നെനേത്തിന്ത്‌റ്. ആന നിമാക്കദ് ഗേയ മുഡ്യാലെ.

പിലിപ്പ്യഗാറാര് 4:18

എന്ന് സിലാവുക്കു ബേ്ണ്ടി നിമ്മ എപ്പറത്തോസു കയിക്ക് കൊഡുത്തു ബ്‌ട്ടാദ്‌ന അയാള് എനാക്ക് എ്ഡ്‌ത്തന്ത് തന്താന്. അദ് എനാക്ക് എക്കസക്കാമ് എന്ന് സിലാവു കളിന്തല്ലാദെ മിച്ചാമ് ഇര്‌ക്ക്‌ന്റ്. നിമ്മ കൊഡുത്തു ബ്‌ട്ടാദ് സാമിക്ക് ഗമ്‌ഗമ ബാഡെ അഡിക്കുവ ഒന്റു പലിന പാസെത്തെ. സാമി അദ്‌ന പിര്യപിര്യാത്ത് തങ്കാരിത്ത്‌റ്‌ന്റാന്.

പിലെമോനു 1:13

ഏസ്സ്‌ന പറ്റി സൊല്ലുവ നല്ല സേദിന സൊന്നാദ്‌നാലെ ജെയില്‌ല് ഇര്‌ക്കുവ എനാന കയിതാങ്ക്യ നിനാക്ക് ബദ്‌ല അയാള്‌ന എന്ന് പട്ട്‌ല് ബെക്കുഡൊ എന്റ് എനാക്ക് ആസെ ഇന്ത്‌ദ്.

ബെ്ളിപട്ട കാര്യ 12:11

കൊറ്യാഡ് കുട്ടി സോരെനാലേമ് തമ്മ സൊന്ന സത്ത്യ സേദിനാലേമ് അവാര് അയി പാമ്പ്‌ന സോലുസുനാര്. തമ്മ് ഉജുരുന ദൊഡ്ഡാദ് എന്റ് നോഡാദെ സായ ഗുഡി അവാര് ഒരിങ്കിന്താര്.