പിലിപ്പ്യഗാറാര് 2:29 - സാമി സേദി29 ആണ്ടവാന്‌ക്ക് മെച്ച്‌പ്‌ഡിത്ത ഇവാന്‌ന പിര്യപിര്യാത്തോഡ നിമ്മ തങ്കാരിക്കുഡൊ. ഇത്തവാള്‌ഗാള്‌ന നിമ്മ മദ്‌സുഡൊ. Faic an caibideil |
പിലിപ്പ്യഗാറാര് 2:29
21 Iomraidhean Croise
ഈങ്ക് എന്നോഡൊപ്പ ജെയില്‌ല് ഇര്‌ക്കുവ അരിസ്‌ത്തറ്‌ഗോസുമു മര്‌ക്കോസുമു നിമ്മ നലമായി ഇര്‌ക്ക്‌ന്റ്‌റ എന്റ് കേ്ള്‌ക്ക്‌ന്റാര്. ബറ്‌ണവാസ്‌ക്ക് സൊന്തഗാറാനാന ഈ മര്‌ക്കോസു നിമ്മ് പട്ട്‌ക്ക് ബര്‌ഗാട്ടി നിമ്മ അയാള്‌ന സൊക്കാന നോഡുഡൊ. അയാള്‌ക്ക് എന്തെന്തെല്ല ഗേന്ത് കൊഡുക്കുഡൊ എന്റ് നാന് മുന്നുക്കു താനെ നിമാക്ക് സൊല്ലിര്‌ക്ക്‌ന്റേനല്ല.
നിമാന നോഡി നഡാക്ക്‌ന്റവാര് സൊല്ലുവാദ്‌ന കേ്ട്ട് അവാര്‌ക്ക് കെ്ട്ട്‌പട്ട് ഇര്‌ന്. നിമാന പറ്റ്യുള്ള കണാക്ക് അവാര് സാമിക്ക് കൊഡുക്കുഡൊ. അദ്‌നാലെ നിമാന അവാര് സൊക്കാന പാദ്‌ഗാത്ത് ബെത്ത്‌റ്‌ന്റാര്. അവാര് സൊല്ലുവാദ്‌ന കേ്ട്ട് അദേപാസെ നഡാക്കുവാദാന അവാര് പിര്യപിര്യാത്തോഡ തമ്മ് ഗിലാസ ഗേവാര്. ഇല്ലാദെ പോന അവാര് സങ്കഡത്തോഡ തമ്മ് ഗിലാസാന ഗേവാര്. അദ് നിമാക്ക് ഒന്റു ഉവഗരാമ് ആഗമാട്ട.
അദ്‌നാലെ നാന് നിമ്മ് പട്ട്‌ക്ക് ബര്‌ഗാട്ടി അവാന് ഗേവ കെ്ട്ട കാര്യഗാള്‌ന നാന് നിമാക്ക് സൊല്ലുവെ. അയാള് നമാന പറ്റി നേരല്ലാത്ത കാര്യഗാള്‌നത്തെ സൊല്ലി നഡാക്ക്‌ന്റാന്. അദ് പറ്റാദെ ഇദ്‌ക്ക്‌മ് മീ്റ്‌ന കാര്യഗാള്‌നാമ് അയാള് ഗേന്റാന്. ഏസ്സ് ക്‌റ്‌സ്‌ത്ത്‌ന പറ്റി പഡിസ്യ ബന്റവാര്‌ന സേത്തുവാദ്‌മില്ലെ, അവാര്‌ക്ക് ബേ്ഡ്‌മാന കാര്യഗാള്‌ന ഗേന്ത് കൊഡുക്കുവാദ്‌മില്ലെ. അത്തെ സേത്തി ബേ്ഡ്‌മാന കാര്യഗാള് ഗേന്ത് കൊഡുക്ക്യ മനേസ്സിര്‌ക്ക്‌ന്റവാര്‌ന അത്തെ ഗേയ ബ്‌ഡുവാദ്‌മില്ലെ. അത്തെ ഗേന്റവാര്‌ന ഏസ്സ്‌ഗാറാര് കൂട്ടാത്ത്‌ലിന്ത് മുഡിക്കിമ് ബ്‌ഡ്‌ന്റാന്.
Sanasan