പിലിപ്പ്യഗാറാര് 2:21 - സാമി സേദി

²¹ എന്ത്‌ക്കെന്റ് സൊന്ന മിച്ച ഇര്‌ക്കുവ ആള്‌ഗാളെല്ല മുക്ക്യമായിമ് അവനവാന് ആസെപഡുവ കാര്യനാത്തെ നോഡുന്റാര്. ഏസ്സ് ക്‌റ്‌സ്‌ത്ത്‌ക്ക് മുക്ക്യമാന കാര്യന നോഡുവാദില്ലെ.

പിലിപ്പ്യഗാറാര് 2:21 Iomraidhean Croise

മത്തായി 16:24

പ്‌റ ഏസ്സ് തന്ന് സൊല്ലുപഡി നഡാക്ക്‌ന്റവാര്‌ക്ക് ഇത്തെ സൊന്നാന്: <<ആരാറ്റ എന്ന് പിന്ന്‌മേലെ ബര്യ ആസെപട്ടദാന അയാള് തനാക്ക് ഇര്‌ക്കുവാദ്‌നെല്ല ബ്‌ട്ട്‌തള്ളി തനാക്ക് ബരുവ കജട്ടഗാള്‌ന താങ്കി തന്ന് ഉജുരുന ഗുഡി കൊഡുക്ക്യ ഒരിങ്കി കൊണ്ടു എന്ന് പിന്ന്‌മേലെ നഡാക്കുഡൊ.

ലൂക്കോസു 14:26

<<എന്ന് പട്ട്‌ക്ക് ബന്ത് എന്ന് സൊല്ലുപഡി നഡാക്ക്യ ആസെപഡ്‌ന്റവാന് എനാന ബ്‌ഡ തന്ന് അവ്വ്യപ്പാന്‌നാഗോ, പെ്ണ്ട്‌പ്‌ള്ളെഗാള്‌നാഗൊ, അണ്ണാര്‌തമ്പ്യാര്‌ഗാള്‌നാഗൊ, അക്ക്യാര്‌തങ്ക്യാര്‌ഗാള്‌നാഗൊ, തന്നുജുരുനാഗൊ സീവാന്‌ബെത്ത് നഡാക്കുവദാന അയാള്‌ക്ക് എന്ന് സൊല്ലുപഡിക്ക് നഡാക്ക്‌ന്റവാന് ആയ മുഡ്യാമാട്ട.

അപ്പോസുത്തലാര് 13:13

പവുലോസുമു ഒപ്പ ഇന്തവാര്‌മ് പാപോസു പട്ടണ എന്നുവ എ്ഡേലിന്ത് കപ്പാല്‌ക്ക് ഏ്റി പമ്പുല്ല്യ നാഡ്‌ല് ഇര്‌ക്കുവ പെ്റ്‌ഗ എന്നുവ പട്ടണാക്ക് എജ്ജ്‌നാര്. അദ്‌ല് ബെത്ത് ഓഗന്നാന് എന്നുവ മര്‌ക്കോസു അവാര്‌ന ബ്‌ട്ട് പ്‌റ്‌ന്ത് എര്‌സലേമ്‌ക്ക് തിരിഗി പോനാന്.

അപ്പോസുത്തലാര് 15:38

ആന അയാള് പമ്പുല്ല്യാല് ബെത്ത് പ്‌റ്‌ന്ത് പോയിന്താന്. പിന്നെ അയാള് അവാരോഡ ഗിലാസ ഗേയ പോഗാലെ. അദ്‌നാലെ അയാള്‌നാമ് കൂട്ടി പോവാദ് സെര്യല്ല എന്റ് പവുലോസു നെനേത്താന്.

1 കൊരിന്ത്യഗാറാര് 10:24

ഒന്റൊന്റാള്‌മ് അവനവാന്‌ക്ക് നല്ലാദ് കെ്ഡേക്കുവ കാര്യന താനെ നോഡാദെ അഡ്‌ത്തവാര്‌ക്ക്‌മ് നല്ലാദ് കെ്ഡേക്കുവ കാര്യഗാള് ഗേയ നോഡുഡൊ.

1 കൊരിന്ത്യഗാറാര് 10:33

എനാക്ക് നല്ലാദ് കെ്ഡേക്കുവ കാര്യന പറ്റി നാന് നെനേക്കുവാദില്ലെ. അഡ്‌ത്തവാര്‌ക്ക് നല്ലാദ് കെ്ഡേക്കുവ കാര്യഗാള്‌നത്തെ നോഡുന്റെ. അത്തെ സാമി അവാര്‌ന കാപാറ്റ്യ ബേ്ണ്ടി നാന് എല്ലാ ദിന്‌സ്‌ല്‌മ് അവാര്‌ന പിര്യപഡ്‌സ്‌ന്റേനല്ല.

1 കൊരിന്ത്യഗാറാര് 13:5

സീവാന് ഉള്ളവാന് മര്യാദിഗെ്ട്ട് നഡാക്കാത്തവാന്‌മ് തന്ന് കാര്യന താനെ നോഡി നഡാക്കാത്തവാന്‌മ്, മുങ്കോവ ഇല്ലത്തവാന്‌മ്, അഡ്‌ത്തവാര് ഗേന്ത തപ്പ്‌ന മനേസ്സ്‌ല് ബെക്കാത്തവാന്‌മ് ആയിര്‌ക്കുവാന്.

2 കൊരിന്ത്യഗാറാര് 1:5

ക്‌റ്‌സ്‌ത്ത് പട്ട കൊഡിമെഗാള് എമ്മ് പെ്ളേപ്പ്‌ല് പെരിഗി ബരുവ പാസെ ക്‌റ്‌സ്‌ത്ത്‌ന ബെത്ത് സാമി എമാന പിരാക്കുവാദ്‌മ് പെരിഗി ബന്റ്.

പിലിപ്പ്യഗാറാര് 2:4

നിമാക്ക് നല്ലാദ് കെ്ഡേക്കുവ കാര്യന താനെ നെനേക്കാദെ അഡ്‌ത്തവാര്‌ക്ക് നല്ലാദ് കെ്ഡേക്കുവ കാര്യന ഗുഡി നിമ്മ നെനേക്കുഡൊ.

2 തിമിത്തോസു 1:15

ആസ്യ നാഡ്‌ല ഏസ്സ്‌ഗാറാര്‌ല് പല ആള്‌ഗാള് എനാന തെ്റിന്ത് പോനാര് എന്റ് നിനാക്ക് തെരിമല്ല. പുഗലോസുമു ഗെറ്‌മ്മൊഗനേസ്‌മ് അയി കൂട്ടാക്ക് പട്ടവാര്‌ത്തെ.

2 തിമിത്തോസു 3:2

അയി കാലാത്ത്‌ല് ആള്‌ഗാള് അവനവാന് കാര്യഗാള്‌ന താനെ നോഡി നഡാക്ക്‌ന്റവാര്‌മ്, പണാക്ക് ബേ്ണ്ടി ആസെപഡ്‌ന്റവാര്‌മ്, ഏസ്സി നഡാക്ക്‌ന്റവാര്‌മ്, പെരിമെനായ സൊല്ലുന്റവാര്‌മ്, സാമിന കുറ്റ സൊല്ലുന്റവാര്‌മ്, അപ്പാനവ്വെ സൊല്ലുപഡിക്ക് നഡാക്കാത്തവാര്‌മ്, നണ്ണില്ലത്തവാര്‌മ്, സാമിന മദ്‌സാത്തവാര്‌മ്,

2 തിമിത്തോസു 4:10

ദേമാസ് ഈ ഉലഗാത്ത്‌ല് പെ്ളേക്കുവ ദിന്‌സ്‌ല് പെ്ളേക്ക്യ ബേ്ണ്ടി ആസെപട്ടിന്താന്. അദ്‌നാലെത്തെ അയാള് എനാന തള്ളി തെസലോനിക്ക്യാക്ക് പോനാദ്. ക്‌റേസ്‌കേസ് ഗലാത്ത്യാക്ക്‌മ് തീത്തോസു ദല്‌മാത്ത്യാക്ക്‌മ് പോനാന്.

2 തിമിത്തോസു 4:16

എനാന പറ്റി സൊന്ന കുറ്റഗാള്‌ക്ക് ബദ്‌ല് സൊല്ല്യ മുദാല് നാന് കോഡിദി മുന്നുക്കു നില്ല്‌ഗാട്ടി നാന് കുറ്റ ഗേഗാത്തവാന് എന്റ് സൊല്ല്യ എന്ന് സാരി ആര്‌മ് ഇര്‌ക്കാലെ. എല്ലാര്‌മ് എനാന കയിബ്‌ട്ടാര്. അദ്‌ക്ക് സാമി അവാര്‌ന ദെ്ണ്ടിക്കാദിര്‌ക്കുഡൊ.