എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.
പിലിപ്പ്യഗാറാര് 2:17 - സാമി സേദി17 സാമ്യോഡ നമ്പിക്കെ ബെത്ത് കൊഡിമെപഡുവ നിമ്മ് പെ്ളേപ്പ് സാമിക്ക് മെച്ച്‌പ്‌ഡിത്ത ഒന്റു പലിന പാസെത്തെ. അത്തെ പെ്ളേക്കുവ നിമാക്ക് ബേ്ണ്ടി എന്നുജുരുന കൊഡുക്ക്യാമ് എനാക്ക് പിര്യാത്തെ. നിമ്മോഡൊപ്പാമ് നാന് പിര്യപഡുവെ Faic an caibideil |
പിലിപ്പ്യഗാറാര് 2:17
21 Iomraidhean Croise
അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്‌നാദ്‌. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.
ആന എനാക്ക് എന്ത് ബന്താല്‌മ് നാന് നാണഗെ്ഡമാട്ടെ. നാന് ഒപ്പ നല്ല ദയിരത്തോഡത്തെ ഇര്‌ക്കുവെ. നാന് ഉജുരോഡിന്തദാന മുന്നുക്കുല പാസെ ഇന്നാല്‌മ് നാന് ഗേവ എല്ലാ കാര്യാത്ത്‌ല്‌മ് ക്‌റ്‌സ്‌ത്ത്‌ന ഉജാത്തി കാട്ടുവെ. സാവദാന നാന് ക്‌റ്‌സ്‌ത്ത്‌ക്ക് ബേ്ണ്ടി സാവാദ്‌നാലെ ക്‌റ്‌സ്‌ത്ത് പേര്‌ക്ക്‌ത്തെ പെരിമെ കെ്ഡേക്ക്‌മ്. ഇദ്‌ത്തെ നാന് ഒപ്പ ആസെപഡുവാദ്‌മ് നെഞ്ചഡെ ബെത്ത്‌റ്‌ക്കുവാദ്‌മ്.
എന്ന് സിലാവുക്കു ബേ്ണ്ടി നിമ്മ എപ്പറത്തോസു കയിക്ക് കൊഡുത്തു ബ്‌ട്ടാദ്‌ന അയാള് എനാക്ക് എ്ഡ്‌ത്തന്ത് തന്താന്. അദ് എനാക്ക് എക്കസക്കാമ് എന്ന് സിലാവു കളിന്തല്ലാദെ മിച്ചാമ് ഇര്‌ക്ക്‌ന്റ്. നിമ്മ കൊഡുത്തു ബ്‌ട്ടാദ് സാമിക്ക് ഗമ്‌ഗമ ബാഡെ അഡിക്കുവ ഒന്റു പലിന പാസെത്തെ. സാമി അദ്‌ന പിര്യപിര്യാത്ത് തങ്കാരിത്ത്‌റ്‌ന്റാന്.
Sanasan