പിലിപ്പ്യഗാറാര് 2:15 - സാമി സേദി15-16 അത്തെ ഗേന്തദാന കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ആര്‌ക്ക്‌മ് കുറ്റ സൊല്ല്യ മുഡ്യാത്ത ദിന്‌സ്‌ല്‌മ് കവാഡില്ലാത്തവാരായിമ് കുറ്റകൊറേവു കാണ്യ മുഡ്യാത്ത സാമി മഗാനാര്‌മഗളാരായിമ് നിമാന കാണ്യ മുഡിമ്. എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന സൊല്ലുവ നല്ല സേദിക്ക് നിമ്മ കെ്ട്ട്‌പട്ട് നഡാക്ക്‌ന്റ്‌റല്ല. അത്തെ ഇര്‌ക്കുവ നിമ്മ ബാന്‌ല് പൊരിന്ത്‌റ്‌ക്കുവ ബെ്ള്ളിഗാള്‌ന പാസെ കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ബെ്ള്‌സഗാളായി ഇര്‌ക്ക്‌ന്റ്‌റ്. അത്തെ നാന് കജട്ടപട്ടാദ്‌മ് പാഡ്‌പട്ടാദ്‌മ് ബെ്റ്‌ദാഗാലെ എന്റ് ക്‌റ്‌സ്‌ത്ത് തിരിഗി ബരുവ നാള്‌ല് എനാക്ക് നിമാന പറ്റി പെരിമെപഡ്യ മുഡിമ്. Faic an caibideil |
പിലിപ്പ്യഗാറാര് 2:15
42 Iomraidhean Croise
ആന നിമ്മ് പോട്ടിഗാറാരോഡ നിമ്മ സീവാന്‌ബെത്ത് നഡാക്കുഡൊ. അവാര്‌ക്ക് നിമ്മ നല്ലാദ് ഗേന്ത് കൊഡുനു. തിരിക്കി കെ്ഡേക്ക്‌മ് എന്റ് നെഞ്ചഡെ ബെക്കാദെ നിമ്മ കഡാന് കൊഡുനു. അന്നാപ്പ് നിനാക്ക് കെ്ഡേക്കുവ കൂലി മൊത്തനാക്ക് ഇര്‌ക്ക്‌മ്. നിമ്മ എല്ലാദ്‌ക്ക്‌മ് ബ്‌ഡ ദൊഡ്ഡവാന് ആയിര്‌ക്കുവ സാമിപ്‌ള്ളെഗാള്‌മ് ആവുറു. എന്ത്‌ക്കെന്റ് സൊന്ന സാമി നണ്ണില്ലത്തവാരോഡാമ് കേ്ഡ്‌ഗെ്ട്ടവാരോഡാമ് ഗവ ബെത്ത്‌റ്‌ന്റാന്.
നിമ്മ സാമിക്ക് കെ്പട്ട് നഡാക്ക്‌ന്റവാര് എന്റ് ഏസ്സ്‌ന നമ്പിര്‌ക്കുവ എല്ലാവാര്‌മ് കേ്ട്ട്‌റ്‌ക്ക്‌ന്റാര്. അദ്‌നാലെ നാന് നിമാന നെനേത്ത് പിര്യപഡ്‌ന്റെ. എന്റാല്‌മ് നിമ്മ നല്ല കാര്യഗാള്‌ന പറ്റി സൊക്കാന തെരിന്ത്‌റ്‌ക്കുഡൊ എന്റ്‌മ് കെ്ട്ട കാര്യഗാള്‌ന ഗേഗാദെ തങ്കമാന മനേസ്സ്‌ഗാറാര്‌മ് ആയിര്‌ക്കുഡൊ എന്റ്‌മ് നാന് ആസെപഡ്‌ന്റെ.
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
Sanasan