പിലിപ്പ്യഗാറാര് 2:14 - സാമി സേദി14 നിമ്മ എല്ലാ കാര്യാമ് ഗേഗാട്ടി സാഡി സൊല്ലാദേമ് തറ്‌ക്കാദേമ് ഗേന്. Faic an caibideil |
പിലിപ്പ്യഗാറാര് 2:14
36 Iomraidhean Croise
അദ്‌ക്ക് പ്‌റ ഏസ്സ്‌മ് മൂറു സൊല്ലുപഡി നഡാക്ക്‌ന്റവാര്‌മ് ബെത്ത്‌തള്ളി പോന സൊല്ലുപഡി നഡാക്ക്‌ന്റവാര് പട്ട്‌ക്ക് ബര്‌ഗാട്ടി ദൊഡ്ഡ ഒന്റു ജനകൂട്ട ബെത്ത്‌തള്ളി പോന സൊല്ലുപഡി നഡാക്ക്‌ന്റവാര്‌ക്ക് സുറ്റീല്‌മ് ഗുമ്പു കൂഡിന്താര്. അദ്‌ല് എഗുദ ബേദബാത്ത്യനാമ് അയി സൊല്ലുപഡി നഡാക്ക്‌ന്റവാരോഡ തറ്‌ക്കുവാദ്‌നാമ് ഏസ്സാമ് കണ്ടാര്.
പവുലോസുമു, ബറ്‌ണവാസ്‌മ് ബണങ്കാദെ അവാരോഡ സെരിക്ക്‌മ് തറ്‌ക്ക്‌നാര്. അദ്‌നാലെ ഈ തറ്‌ക്ക്‌ന കാര്യന പറ്റി എര്‌സലേമ്‌ല അപ്പോസുത്തലാരോഡാമ് മൂപ്പനാമോഡാമ് കേ്ള്‌ക്കുഡൊ എന്റ് അവാര് നെനേത്താര്. അദ്‌ക്ക് ബേ്ണ്ടി പവുലോസുനാമ്, ബറ്‌ണവാസ്‌നാമ്, അന്തോക്ക്യാല് ഇര്‌ക്കുവ ലേസ ആള്‌ഗാള്‌നാമ് എര്‌സലേമ്‌ക്ക് ബ്‌ഡ്യ മുഡിവെ്ഡ്‌ത്താര്.
നാന് അദ്‌ക്ക് ബര്‌ഗാട്ടി നാന് ആസെപഡാത്ത ദിന്‌സ്‌ല് നിമാന കാണുവേന് എന്റ്‌മ് നിമ്മ ആസെപഡാത്ത ദിന്‌സ്‌ല് നിമ്മ എനാന കാണുവുറു എന്റ്‌മ് നാന് അഞ്ച്‌ന്റെ. ആങ്കീങ്ക് മല്ല്, കണ്ണ്‌കഡി, മുട്ടുമൊനെ, അവനവാന് കാര്യ താനെ നോഡുവാദ്, അഡ്‌ത്തവാര്‌ന നാണഗെ്ഡ്‌സുവാദ്, നൊണ്ടു സൊല്ലുവാദ്, ആര്‌ക്ക്‌മ് ഒദുങ്കാദെ ഇര്‌ക്കുവാദ്, കലമ്പാല് മാഡിര്‌ക്കുവാദ് എല്ലാ നിമ്മ് പട്ട്‌ല് ഇര്‌ക്കുമൊ എന്റ് നാന് അഞ്ച്‌ന്റെ.
Sanasan