പിലിപ്പ്യഗാറാര് 2:13 - സാമി സേദി13 എന്ത്‌ക്കെന്റ് സൊന്ന സാമി ആസെപഡുവാദ്‌ന ഗേയ നിമാക്ക് ആസെ തരുവാദ്‌മ് സാമിത്തെ, അദ്‌ന ഗേയ നിമാക്ക് ബില തരുവാദ്‌മ് സാമിത്തെ. Faic an caibideil |
പിലിപ്പ്യഗാറാര് 2:13
39 Iomraidhean Croise
ആന മക്കാള് പ്‌റാക്കാത്ത മുന്നുക്കു താനെ, അവാര് നല്ലാദൊ കെ്ട്ടാദൊ ഗേഗാത്ത മുന്നുക്കു താനെത്തെ <<ദൊഡ്ഡ മഗാന് സ്‌ന്ന മഗാന്‌ക്ക് ഗിലാസഗാറാനായി പെ്ളേക്കുവാന്>> എന്റ് സാമി റിവേക്കാക്ക് സൊന്നാന്. ഇദ് അര്‌ത്ത മാഡുവാദ് എന്തെന്റ് സൊന്ന, സാമി ഒരുത്താന്‌ന തെരിന്തെ്ഡ്‌ക്കുവാദ് അയാള് ഗേവ കാര്യന നോഡ്യല്ല, ആന ബ്‌ളിക്കുവ സാമി ആസെ പഡിത്തെ തെരിന്തെ്ഡ്‌ക്കുവാദ്.
സാമി നിമ്മോഡ ബെത്തിന്ത മൊനേലിന്ത് നിമാന കാപാറ്റ്‌നാദ് നിമ്മ നല്ല കാര്യഗാള് ഗേന്താദ്‌നാലെ അല്ല. അദ്‌ക്ക് ബദ്‌ല നിമ്മ ഏസ്സ്‌ന നമ്പി പെ്ളേക്ക്യ നെനേക്കാട്ടി സാമി നിമാക്ക് പ്‌ണ്ണ്യ ഗേന്താദ്‌നാലെത്തെ സാമി നിമാന കാപാറ്റ്‌നാദ്. അദ്‌നാലെ നിമ്മ ഇന്നാല് പെ്ളേക്കുവ പുദ്യ പെ്ളേപ്പ് സാമി നിമാക്ക് തന്ത്‌റ്‌ക്കുവ സമ്മാനത്തെ.
അദ്‌നാലെ നിമാന തെരിന്തെ്ഡ്‌ത്ത്‌റ്‌ക്കുവ സാമിക്ക് തഗ്‌ദ്യുള്ളവാരായി സാമി നിമാന കണാക്കാക്കുവ പാസെ നിമ്മ പെ്ളേക്ക്യ ബേ്ണ്ടി എമ്മ ഒപ്പ നിമാക്ക് ബേ്ണ്ടി സാമിക്ക് പരേസ്‌ന്റേമ്. നിമ്മ നല്ലാദ് ഗേയ ആസെപഡുവ എല്ലാ ആസെഗാള്‌നാമ്, നിമ്മ നമ്പിക്കോഡ ഗേവ കാര്യഗാള്‌നാമ് സാമി സക്‌തില് ഗേന്ത് തെഗേക്ക്യ സാമി നിമാന കയിതാങ്കുഡൊ.
സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്.
നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പാനാന സാമിക്ക് നണ്ണി. ഏസ്സ് ക്‌റ്‌സ്‌ത്ത്‌ന സാവുലിന്ത് ഉജുര്‌ളാക്കി ബെത്ത് ഉജുരുള്ള നെഞ്ചഡേക്കായിമ് നിമാക്ക് ബേ്ണ്ടി മേലോഗാത്ത്‌ല് സൂസാരിത്ത് ബെത്ത്‌റ്‌ക്കുവാദ്‌മ് അളിന്ത് പോഗത്താദ്‌മ്, തുരുമ്പു പ്‌ഡിക്കാത്താദ്‌മാന സൊത്തുക്കു ബേ്ണ്ടിമ് സാമിക്കിര്‌ക്കുവ ദൊഡ്ഡ ഗവനാലെ നിമാന മറിസിമ് പ്‌റാത്തിര്‌ന്റാന്.
Sanasan