പിലിപ്പ്യഗാറാര് 2:12 - സാമി സേദി12 അദ്‌നാലെ എനാക്ക് മെച്ച്‌പ്‌ഡിത്തവാരെ, നിമ്മ് പാവാക്ക് കെ്ഡേക്കുവ ദെ്ണ്ടണേലിന്ത് സാമി നിമാന കാപാറ്റ്‌നാന്. അദ്‌നാലെ നിമ്മ അദ്‌ക്ക് തഗ്‌ന്ത ദിന്‌സ്‌ല് പെ്ളേക്കുഡൊ. മുന്നുക്കു പാവ ഗേഗാദെ സാമി സൊല്ലുപഡിക്ക് പെ്ളേത്ത പാസെ ഇന്നാല്‌മ് പെ്ളേത്ത് കൊണ്ടേ ഇര്‌ക്കുഡൊ. നാന് നിമ്മ് പട്ട്‌ല് ഇര്‌ക്കാട്ടിമ് നാനില്ലാദിര്‌ക്കാട്ടിമ് നിമ്മ സാമിന അഞ്ചിക്കെപട്ട് കൊണ്ടുമു സദ്‌റ ബെ്ട്ടികൊണ്ടുമു പാവ ഗേഗാദെ പെ്ളേത്ത് കൊണ്ട്‌റ്ക്കുഡൊ. Faic an caibideil |
പിലിപ്പ്യഗാറാര് 2:12
41 Iomraidhean Croise
ആന നിമ്മ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിക്ക് എ്ണേന്ത ദിന്‌സ്‌ല് നല്ലവാരായി നഡാന്ത്‌പ്‌ഡിത്ത് ഗേഡൊ എന്നുവാദ്‌ത്തെ ഇന്നാല് മുക്ക്യമാന കാര്യ. നിമ്മ ഒത്തിമോഡാമ് ഒന്റേ നെനേവോഡാമ് ഇന്ത് നല്ല സേദിന നമ്പുവ കാര്യാത്ത്‌ല്‌മ് സൊല്ലുവ കാര്യാത്ത്‌ല്‌മ് നിമ്മോഡ മുട്ടി നോഡുന്റവാര് മുന്നുക്കു നിമ്മ ഒറേത്ത് നില്ലുഡൊ. നാന് നിമ്മ് പട്ട്‌ക്ക് ബന്ത് നിമാന കണ്ടാല്‌മ് സെരി ഈങ്കിന്ത് കേ്ട്ടാല്‌മ് സെരി ഈ കാര്യന നിമ്മ ഗേന്റ്‌റ് എന്റ് എനാക്ക് കേ്ള്‌ക്കുഡൊ.
നിമാക്ക് നമ്പിക്കെ ഇര്‌ക്കുവാദ്‌നാലെ ഗേവ ഗിലാസഗാള്‌നാമ്, സീവാന് ഇര്‌ക്കുവാദ്‌നാലെ ഏസ്സ്‌ഗാറാര്‌ന കയിതാങ്കുവ കാര്യഗാള്‌നാമ്, ആണ്ടവാന് ഏസ്സ് ക്‌റ്‌സ്‌ത്ത്‌ലിന്ത് നിമാക്ക് കെ്ഡേക്ക്യ പോവ കാര്യഗാള്‌ക്ക് ബേ്ണ്ടി ഒറേപ്പോഡ നെഞ്ചഡെബെത്ത് നിമ്മ പൊറിമോഡ കാത്ത്‌റ്‌ക്കുവാദ്‌നാമ് നമ്മ് സാമിമ് അപ്പാന്‌മ് ആയിര്‌ക്ക്‌ന്റവാന് മുന്നുക്കു നെനേത്ത് കൊണ്ടു ഒപ്പ നണ്ണി സൊന്റേമ്.
തമാക്ക് ഇര്‌ക്കുവ നമ്പിക്കെനാലെ തമ്മ എത്തെ പെ്ളേത്താര് എന്റ് നമാക്ക് സൊല്ലി തന്ത ഈ ദൊഡ്ഡ ഒന്റു കൂട്ട ആള്‌ഗാള് നമാക്ക് സുറ്റുമു ഇര്‌ക്ക്‌ന്റാര്. അദ്‌നാലെ നമ്മ് ബട്ടേല് തഡേസ ആയി നിന്റ്‌റ്‌ക്കുവ എല്ലാദ്‌നാമ് നമാന സട്ടന പിന്ന്‌കാല് മെ്ട്ട്യ ബെക്കുവ പാവഗാള്‌നാമ് ബ്‌ട്ട്‌തള്ളി നമാക്ക് ഓഡ്യ ബെത്ത്‌റ്‌ക്കുവ ഓട്ടന ഒറേത്ത മുഡിവോഡ ഓഡി മുഡിക്ക്‌ഗാന്.
Sanasan