പിലിപ്പ്യഗാറാര് 2:10 - സാമി സേദി

¹⁰ അദ്‌നാലെ മേലോഗാത്ത്‌ലവാര്‌മ് ബൂലോഗാത്ത്‌ലവാര്‌മ് ബൂമിക്കഡിലവാര്‌മ് ക്‌റ്‌സ്‌ത്ത്‌ന ഏസ്സ്‌ന മദിസ്യ ബേ്ണ്ടി ക്‌റ്‌സ്‌ത്ത് ഏസ്സ് കാല്‌ക്ക് ബീ്വാര്.

പിലിപ്പ്യഗാറാര് 2:10 Iomraidhean Croise

മത്തായി 12:40

ഓന സാമിദാസ് ദൊഡ്ഡ മീന് ബേ്റ്കുളാക്ക് റാവുപഗാല് മൂറു നാള് ഇന്ത പാസെ മന്‌സാനായി പ്‌റാന്തവാന്‌മ് റാവുപഗാല് മൂറു നാള് മണ്ണ്‌കുളാക്ക് ഇര്‌ക്കുവാന്.

മത്തായി 27:29

പ്‌റ അവാര് മുള്ളു കൊഡില് താനെ ഒന്റു ഗിര്യാഡ മാഡി അയാള് തലേക്ക് സൂഡുസുനാര്. അയാള് ബല കയിക്ക് ഒന്റു കുഗാല് പുല്ലു തട്ടെന പ്‌ഡ്‌സി അയാള് മുന്നുക്കു സന്തൂന്റിന്ത്: <<എഗുദാര് രാജാവെ, നീ സോക്ക്യൂരി പെ്ളെ>> എന്റ് സൊല്ലി നാണഗെ്ഡ്‌സ്‌നാര്.

മത്തായി 28:18

അദുക്കുള ഏസ്സ് അവാരര്‌ഗെ പോയി: <<മേലോഗനാമ് ബൂമിനാമ് ആള്‌വാദ്‌ക്കുള്ള എല്ലാ അദിഗരനാമ് എനാക്ക് തന്ത്‌റ്‌ക്ക്‌ന്റാന്.

റോമഗാറാര് 11:4

സാമി അദ്‌ക്ക് സൊന്ന ബദ്‌ല് എന്ത്? <<ബാല് എന്നുവ സെലെന കുമ്മുഡാത്ത ഏ്ളായിര ആള്‌ഗാള്‌ന നാന് എനാക്ക് ബേ്ണ്ടി പേ്ണിസി ബെത്ത്‌റ്‌ന്റെ>> എന്റ്‌ത്തെ.

എപസോസുഗാറാര് 1:10

ഇദ്‌ന എത്തെ തെരിവാദ് എന്റ് സൊന്ന, ഒന്റൊന്റു കാര്യഗാള് ഏദേദ് ഗളിഗേക്ക് നഡാക്കുഡൊ എന്റ് സാമി മുദാല് താനെ നെനേത്തിന്താന്. അദെല്ല നഡാന്ത് മുഡിഗാട്ടി മേലോഗാത്ത്‌ല്‌മ് ബൂലോഗാത്ത്‌ല്‌മ് ഇര്‌ക്കുവാദ്‌ന ഒട്ടുക്കു ക്‌റ്‌സ്‌ത്ത് ആള്‌വാനെന്റ്‌മ് സാമി മുദാല് താനെ നെനേത്തിന്താന്.

എപസോസുഗാറാര് 3:14

അദ്‌നാലെ ബൂലോഗാത്ത്‌ല്‌മ് മേലോഗാത്ത്‌ല്‌മ് ഇര്‌ക്ക്‌ന്റവാര്‌ന ഒട്ടുക്കു ഏസ്സ് എന്നുവ പേര്‌ല് ഒന്റേ കുല മാഡ്‌ന സാമിന നെനേത്ത് നാന് മണ്ടിഗലൂറി പരേസുവാദ് എത്തെന്റ് സൊന്ന:

എപസോസുഗാറാര് 4:9

അത്തെ ഏസ്സ് <<മേലോഗാക്ക് ഏ്റി പോനാന്>> എന്റ് സാമി ബൊക്കുലു എ്ള്‌ദിര്‌ക്കുവാദ്‌നാലെ അദ്‌ക്ക് മുദാല് <<ഏസ്സ് ബൂമിക്കഡി പോനാന്>> എന്റ്‌മ് അര്‌ത്ത മാഡ്‌ന്റല്ല.

എവുറായാര് 1:6

സാമി തന്ന് കോഡില മഗാന്‌ന ഉലഗാക്ക് സൊല്ലി ബ്‌ഡ്‌ഗാട്ടി, <<സാമിദൂദാര്‌ഗാള് എല്ലാവാര്‌മ് അയാള്‌ന കുമ്മുഡുഡൊ>> എന്റ്‌മ് സാമി സൊന്നാന്.

ബെ്ളിപട്ട കാര്യ 20:13

കഡാല്‌ല് സത്തവാര്‌ന കഡാല് ബ്‌ട്ട് കൊഡുത്തുദു. ആള്‌ഗാള് സത്ത എ്ഡേമ് സത്തവാര് ഇര്‌ക്കുവ എ്ഡേമ് അദ്‌ലിന്തവാര്‌ഗാള്‌ന ബ്‌ട്ട് കൊഡുത്തുദു. അത്തെ അവാര് ഒന്റൊന്റാള്‌ക്ക് തമ്മ ഗേന്താദ്‌ക്ക് തഗ്‌ന്ത ദിന്‌സ്‌ല് ബിദി കെ്ഡേത്ത്‌ദ്.

ബെ്ളിപട്ട കാര്യ 4:10

ഇരുവത്തിനാല് മൂപ്പനാമ്‌ഗാള്‌മ് അയി കുറിഞ്ചില് കുക്കാന്ത് ഇര്‌ക്ക്‌ന്റവാന്‌ക്ക് മുന്നുക്കു സഡങ്ക ബ്‌ന്ത്, എന്നാല്‌ക്ക്‌മ് പെ്ളേത്ത്‌റ്‌ക്ക്‌ന്റവാന് ആന അയാള്‌ന കുമ്മുഡുനാര്. അയി കുറുഞ്ചിക്ക് മുന്നുക്കു തമ്മ് ഗിര്യാഡഗാള്‌ന ബെത്ത് കൊണ്ടു ഇത്തെ സൊന്നാര്:

ബെ്ളിപട്ട കാര്യ 5:3

അയി ബൊക്കുന ത്‌റാക്ക്യാഗൊ അദ്‌ല് എ്ള്‌ദിര്‌ക്കുവാദ്‌ന നോഡ്യാഗൊ മേലോഗാത്ത്‌ല്‌മ് ബൂമില്‌മ് ബൂമിക്കഡില്‌മ് ആര്‌ക്ക്‌മ് മുഡ്യാലെ.