പിലിപ്പ്യഗാറാര് 1:28 - സാമി സേദി

²⁸ നല്ല സേദിന പൊയി എന്റ് സൊല്ലി മുട്ടി നോഡുന്റവാര്‌ന നിമ്മ അഞ്ചാഗേ ബേ്ഡ. അവാര്‌ക്ക് നിമ്മ അഞ്ചാദിന്തദാന സാമി അവാര്‌ന ദെ്ണ്ടിക്കുവാനെന്റ്‌മ് നിമാന കാപാറ്റുവാനെന്റ്‌മ് അവാര്‌ക്ക് തെരിമ്. ഇദ് സാമി ബെത്ത്‌റ്‌ക്കുവ അഡ്യാളത്തെ.

പിലിപ്പ്യഗാറാര് 1:28 Iomraidhean Croise

മത്തായി 10:28

സരിഗലന കൊന്റു നിഗാല്‌ന കൊല്ല്യ മുഡ്യാത്തവാര്‌ന അഞ്ചബേ്ഡ. അദ്‌ക്ക് ബദ്‌ല സരിഗലനാമ് നിഗാല്‌നാമ് നരഗാക്ക് ഇക്കി കൊല്ല്യ മുഡിന്റവാന്‌നത്തെ അഞ്ച്‌ന്.

മര്‌ക്കോസു 3:3

<<ഇ്ളാഗി ആള്‌ഗാള്‌ക്ക് മുന്നുക്കു നില്ല്, ഇദ്‌ല് ഇര്‌ക്ക്‌ന്റവാരൊട്ടുക്കു നിനാന കാണുഡൊ>> എന്റ് ഏസ്സ് കയി സപ്പെബ്‌ന്ത്‌റ്‌ക്കുവ നോയിഗാറാന്‌ന നോഡി സൊന്നാന്.

ലൂക്കോസു 3:6

സാമി ആള്‌ഗാള്‌ന കാപാറ്റുവാദ് എത്തെന്റ് എല്ലാ എ്ഡേലിര്‌ക്കുവ എല്ലാ ആള്‌ഗാള്‌മ് കാണുവാര്.> >>

ഓഗന്നാന് 16:8

അയാള് ബര്‌ഗാട്ടി ഉലഗാത്ത്‌ല ആള്‌ഗാള്‌ക്ക് അവാര് ഗേവാദ് പാവ എന്റ്‌മ് ആര് നേര്‌മെഗാറാന് എന്റ്‌മ് സാമി ആള്‌ഗാള്‌ന ബിദിക്കുവാന് എന്റ്‌മ് കാട്ടി കൊഡുക്കുവാന്.

അപ്പോസുത്തലാര് 28:28

അദ്‌നാലെ സാമി കാപാറ്റുവ ഈ സേദി എഗുദാര് അല്ലാത്ത ജാദിഗാള്‌ക്ക് ബ്‌ട്ട്‌റ്‌ന്റാന്. അദ്‌ന അവാര് സൊക്കാന കേ്ള്‌ക്കുവാര് എന്റ് നിമ്മ തെരിന്ത്‌റ്‌ക്കുഡൊ.>> എന്റ്‌ഗുഡി സൊല്ലി പവുലോസു തന്ന് നായന മുഡിത്താന്.

റോമഗാറാര് 8:17

നമ്മ സാമിക്ക് പ്‌ള്ളെഗാള് ആയിന്തദാന സാമി കൊഡുക്കുവാദ്‌ക്ക് നമ്മ ഉരിമെഗാറാര്‌മ്‌ത്തെ, ക്‌റ്‌സ്‌ത്തോഡൊപ്പ നമാക്ക് അദ് കെ്ഡേക്ക്‌മ്. അയാള്‌ക്കിര്‌ക്കുവ മദ്‌പ്പ്‌മ് പേര്‌പെരിമേമ് നമാക്ക് കെ്ഡേക്ക്യ ബേ്ണ്ടി അയാള് കജട്ട പട്ട പാസെ നമ്മാമ് കജട്ട പഡുഡൊ.

1 തെസെലോനിക്ക്യഗാറാര് 2:2

എമ്മ നിമ്മ് പട്ട്‌ക്ക് സാമി ഗിലാസാന ഗേയ ബരുവാദ്‌ക്ക് മുദാല് പിലിപ്യ പട്ടണാത്ത്‌ല് ഗേന്ത ഗിലാസഗാള്‌നാമ് എമ്മ പട്ട കജട്ടഗാള്‌നാമ് മാനകേ്ഡ്‌നാമ് പറ്റി നിമ്മ കേ്ട്ട്‌റ്‌ക്ക്‌ന്റ്‌റല്ല. അയി കജട്ടഗാള്‌ല് എമ്മ സോറ്റു പോഗാദിര്‌ക്ക്യ സാമി സക്‌തി തന്താദ്‌നാലെത്തെ എമ്മ നിമ്മ് പട്ടണാത്ത്‌ല് ബന്ത് അയി സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ എമാക്ക് ദയിര കെ്ഡേത്താദ്.

എവുറായാര് 13:6

അദ്‌നാലെ <<ആണ്ടവാന്‌ത്തെ എനാന കയിതാങ്ക്‌ന്റവാന്, അദ്‌നാലെ നാന് അഞ്ചാമ്‌മാട്ടെ. മന്‌സാര്‌ഗാള്‌ക്ക് എനാന ഒന്റുമു ഗേയ മുഡ്യാമാട്ട>> എന്റ് നമാക്ക് ദയിരത്തോഡ സൊല്ലുല.

ബെ്ളിപട്ട കാര്യ 2:10

നീ കജട്ടപഡ്യ പോവാദ്‌ന പറ്റി നീ അഞ്ചബേ്ഡ. നിമാന സോദണെ ഗേയ ബേ്ണ്ടി സെയിത്താന് നിമാത്ത്‌ല് പഗ്‌ദ്യാള്‌ന ജെയില്‌ക്ക് അഡേക്കുവാന്. പത്ത് നാള് നിമാക്ക് കജട്ട ഇര്‌ക്ക്‌മ്. നിമാന കൊല്ലുവദാനാല്‌മ് എനാന നമ്പുവാദ്‌ന തള്ളദേന്. എന്റദാന, നാന് നിമാക്ക് എന്നാല്‌ക്ക്‌മ് ഇര്‌ക്കുവ ഉജുരുന ഗിര്യാഡായി തരുവേന്.