പിലിപ്പ്യഗാറാര് 1:26 - സാമി സേദി

²⁶ അത്തെ ഈ ജെയില്‌ലിന്ത് നാന് നിമ്മ് പട്ട്‌ക്ക് തിരിഗി ബര്‌ഗാട്ടി ക്‌റ്‌സ്‌ത്ത് ഏസ്സ് എനാക്ക് ബേ്ണ്ടി ഗേന്ത കാര്യഗാള്‌ന നെനേത്ത് നിമ്മ ക്‌റ്‌സ്‌ത്ത് ഏസ്സ്‌ന സേത്തി സേത്തി പെരിമെപഡുവുറു.

പിലിപ്പ്യഗാറാര് 1:26 Iomraidhean Croise

ഓഗന്നാന് 16:22

അദേപാസെ നിമാക്ക്‌മ് ഇന്നാല് ദുക്ക ഇര്‌ക്ക്‌ന്റ്, എന്റാല്‌മ് നാന് നിമാന പിന്നേമ് കാണുവെ. അദുക്കുള നിമ്മ് നെഞ്ച്‌ല് പിര്യ ബര്‌മ്, നിമാക്ക് ഇര്‌ക്കുവ അയി പിര്യാന ആര്‌ക്ക്‌മ് ഇല്ലാദെ മാഡ്യ മുഡ്യാമാട്ട.

ഓഗന്നാന് 16:24

ഇന്നമാട്ട്‌ക്ക് നിമ്മ എന്ന് പേര്‌ല് ഒന്റുമു കേ്ള്‌ക്കാലെ, സാമിന ബേ്ഡി കൊണ്ടേ ഇര്‌ന്, എന്റ് നിമാക്ക് കെ്ഡേക്ക്‌മ്. അത്തെ നിമ്മ് പിര്യാക്ക് ഒന്റു കൊറേവുമു ബരമാട്ട.

2 കൊരിന്ത്യഗാറാര് 1:14

ഇന്നാല് എമ്മ എത്തവാള്‌ഗാള് എന്റ് നിമാക്ക് എമാന പറ്റി പാദിക്കെന്റാല് തെരിന്റ്. ആന ഇന്നി പോഗപോഗ നിമാക്ക് എമാന പറ്റി സൊക്കാന നെപ്പ്‌കെ്ഡേക്ക്‌മ് എന്റ് എമാക്ക് നെഞ്ചഡെ ഇര്‌ക്ക്‌ന്റ്. അദ്‌നാലെ ആണ്ടവാന് ഏസ്സ് ക്‌റ്‌സ്‌ത്ത് ബരുവ നാള്‌ല് എമ്മ നിമാന പറ്റി പെരിമെപഡ്‌വ പാസെ നിമ്മാമ് എമാന പറ്റി പെരിമെപഡുവുറു.

2 കൊരിന്ത്യഗാറാര് 5:12

എമ്മ പിന്നേമ് എമാന താനെ നിമ്മ് മുന്നുക്കു ബെത്ത് പെരിമെപഡ്യ നോഡുവാദില്ലെ. അദ്‌ക്ക് ബദ്‌ല മനേസ്സ്‌ന നോഡാദെ ആള്‌ന നോഡികൊണ്ടു പെരിമെപഡ്‌ന്റവാര്‌ക്ക് എമാന പറ്റി ബദ്‌ല് സൊല്ലുവ കാര്യഗാള് നിമാക്ക് ഗേന്ത് തര്യാത്തെ എമ്മ നോഡുവാദ്.

2 കൊരിന്ത്യഗാറാര് 7:14

നാന് അയാള്‌ക്ക് നിമാന പറ്റി സൊല്ലി പെരിമെപട്ടെ. എമ്മ എല്ലാ കാര്യാത്ത്‌ല്‌മ് നിമാക്ക് സത്ത്യന താനെത്തെ സൊല്ലിര്‌ക്ക്‌ന്റേമ്. നിമാന പറ്റി നാന് പെരിമെപട്ട് അയാള്‌ക്ക് സൊന്ന കാര്യഗാള് നേര്‌ത്തെ എന്റ് അയാള് അദ്‌ക്ക് ബര്‌ഗാട്ടി കണ്ടാന്. അദ്‌നാലെ എനാക്ക് നാണപഡുവ ഗെദി ബരാലെ.

2 കൊരിന്ത്യഗാറാര് 7:4

എനാക്ക് നിമാന നല്ല നമ്പിക്കെ ഇര്‌ക്ക്‌ന്റ്. നിമാന പറ്റി നാന് എത്ത്‌റാഗോ പെരിമെപഡ്‌ന്റെ. അദ്‌നാലെ എമാക്ക് ബന്ത എല്ലാ കജട്ടഗാള്‌ല്‌മ് നാന് ദയിര ഉള്ളവാന്‌മ് നല്ല പിര്യപൊങ്കുന്റവാന്‌മ്‌ത്തെ.

2 കൊരിന്ത്യഗാറാര് 7:6

എന്റാല്‌മ് ദുക്കപട്ട് ഇര്‌ക്ക്‌ന്റവാര് മനേസ്സ്‌ന ദയിരപഡുസുവ സാമി തീത്തോസുന ബ്‌ട്ട് എമനാമ് ദയിരപഡ്‌സ്‌നാന്.

ഗലാത്ത്യഗാറാര് 6:4

ഒന്റൊന്റാള്‌മ് അവനവാന്‌ക്ക് ഇര്‌ക്കുവ ഗുണന നല്ലാദ കെ്ട്ടാദ എന്റ് അവനവാന് താനെത്തെ നോഡുഡൊ. അദ് നലമായിന്തദാന അദ്‌ന പിര്യപഡുഡൊ. അല്ലാദെ ബേ്റൊന്റൊരുത്താന്‌ക്ക് ഇര്‌ക്കുവ ഗുണാക്ക് എ്ണേത്ത് നോഡ ബേ്ഡ.

പിലിപ്പ്യഗാറാര് 3:1

കഡേസില് ഏസ്സ്‌ഗാറാരെ, ആണ്ടവാന്‌ന നമ്പി നഡാക്കുവാദ്‌നാലെ നിമ്മ പിര്യപഡ്‌ന്. നാന് മുന്നുക്കു സൊന്ന കാര്യഗാള്‌ന മറിസി മറിസിമ് എ്ള്‌ദുവാദ്‌ല് എനാക്ക് ബുദ്ദിമുട്ടൊന്റുമില്ലെ. എന്ത്‌ക്കെന്റ് സൊന്ന അദ് നിമാന പാദ്‌ഗാക്ക്‌മ്.

പിലിപ്പ്യഗാറാര് 3:3

ആന സാമിനിഗാല് ഉദാവി ഗേന്ത് സാമിന കുമ്മുഡുവ നമ്മാത്തെ നേര്‌മായിമ് സാമിഗാറാര്. സാമിന പിര്യപഡിസ്യ ബേ്ണ്ടി മന്‌സാര് തമ്മ് സരിഗലാത്ത്‌ല് അഡ്യാള മാഡുവാദ്‌നാമ് മന്‌സാന് പെരിമെപഡുവ ഏദ് കാര്യഗാള്‌നാമ് നമ്മ നമ്പുവാദില്ലെ. നമാന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ഗേന്ത കാര്യഗാള്‌ന സൊല്ലി താനെത്തെ നമ്മ പെരിമെപഡ്‌ന്റാമ്.

പിലിപ്പ്യഗാറാര് 4:10

മുന്നുക്കു നിമ്മ എനാന കയിതാങ്ക്‌ന പാസെ പിന്നേമ് എനാന കയിതാങ്ക്യ നിമ്മ നെനേത്ത്‌റ്. അത്തെ നിമ്മ നെനേത്താദ്‌നാലെ ആണ്ടവാന്‌ന നമ്പി നഡാക്കുവ നാന് ദൊഡ്ഡാദ്‌ക്ക് പിര്യപഡ്‌ന്റെ. മുദാല് താനെ നിമ്മ എനാന കയിതാങ്ക്യ നെനേത്തിന്ത്‌റ്. ആന നിമാക്കദ് ഗേയ മുഡ്യാലെ.

പിലിപ്പ്യഗാറാര് 4:4

നിമ്മ ആണ്ടവാന്‌ന നമ്പി നഡാക്കുവാദ്‌നാലെ എന്നാല്‌ക്ക്‌മ് പര്യപിര്യാത്തിര്‌ന്, പിര്യപിര്യാത്തിര്‌ന് എന്റ് നാന് പിന്നേമ് നിമാക്ക് സൊന്റെ.