പിലിപ്പ്യഗാറാര് 1:25 - സാമി സേദി

²⁵ അദ് എനാക്ക് ഒറേപ്പുള്ള കാര്യാത്തെ. അദ്‌നാലെ നാന് ഇന്നാല് സാഗമാട്ടെ എന്റ്‌മ് നിമ്മോഡൊപ്പ ഇന്ത് നിമാക്ക് ക്‌റ്‌സ്‌ത്തോഡ ഇര്‌ക്കുവ നമ്പിക്കേന ഒറേപ്പ്‌സുവെ എന്റ്‌മ് അത്തെ നിമാന സേത്തി സേത്തി പിര്യപഡുസുവെ എന്റ്‌മ് എനാക്ക് തെരിമ്.

പിലിപ്പ്യഗാറാര് 1:25 Iomraidhean Croise

ലൂക്കോസു 22:32

ആന സീമോനെ, നിന്ന് നമ്പിക്കെ പോഗാദിര്‌ക്ക്യ നാന് നിനാക്ക് ബേ്ണ്ടി പരേസ്‌നെ. നീ മനേസ്സ് മാറി തിരിഗി എന്ന് സാരി ബര്‌ഗാട്ടി നിന്നോഡൊപ്പ ഇര്‌ക്കുവ ഏസ്സ്‌ഗാറാര് നമ്പിക്കേന ഒറേപ്പുസുഡൊ.>>

അപ്പോസുത്തലാര് 11:23

അയാള് ആങ്ക് എജ്ജി സാമി അവാര്‌ക്ക് കൊഡുത്ത്‌റ്‌ക്കുവ ബരഗാള്‌ന കണ്ട് പിര്യപട്ടാന്. നിമാക്ക് ഏസ്സോഡ ഇര്‌ക്കുവ നമ്പിക്കെ എന്നാല്‌ക്ക്‌മ് കമ്മി ആഗാദെ ഇര്‌ക്കുഡൊ എന്റ്‌മ്, മനേസ്സാറ ആണ്ടവാന്‌ക്ക് ബേ്ണ്ടി പെ്ളേക്കുഡൊ എന്റ്‌മ് അയാള് അവാര്‌ക്ക് സൊന്നാന്.

അപ്പോസുത്തലാര് 14:22

അവാര് അദ്‌ല് ഏസ്സ് സൊല്ലുപഡി നഡാക്ക്‌ന്റവാര് നമ്പിക്കേന ഒറേപ്പ്‌സ്‌ന പ്‌റ നിമാക്ക് ഇര്‌ക്കുവ നമ്പിക്കേല് നേര്‌മോഡ ഇര്‌ക്കുഡൊ എന്റ് അവാര്‌ന ദയിരപഡ്‌സ്‌നാര്. <<നമ്മ പല ദിന്‌സ് കജട്ടഗാള്‌ന താങ്കിത്തെ സാമി ആളുവ നാഡ്‌ക്ക് പോഡൊ>> എന്റ്‌മ് അവാര്‌ന പഡ്‌സ്‌നാര്.

അപ്പോസുത്തലാര് 20:25

സാമി ആളുവാദ്‌ന പറ്റി നിമ്മ് പട്ട്‌ല് സൊല്ലികൊണ്ട് നഡാന്ത എനാന നിമ്മ ഇന്നി എന്നാല്‌ക്ക്‌മ് കാണമാട്ട്‌റ് എന്റ് എനാക്ക് ഇന്നാല് തെരിമ്.

റോമഗാറാര് 15:13

നമ്മ സാമിന നമ്പുവാദ്‌നാലെ സാമി നമാക്ക് നിമ്മ്‌ദ്യാന പെ്ളേപ്പ്‌മ് പിര്യരിമുള്ള പെ്ളേപ്പ്‌മ് തര്‌ഡൊ. എന്ത്‌ക്കെന്റ് സൊന്ന അയി സാമിനത്തെ നമ്മ നെഞ്ചഡെ ബെത്ത്‌റ്‌ന്റാമ്. അത്തെ സാമി തന്ന് നിഗാല് സക്‌തിനാലെ നിമ്മ് നെഞ്ചഡെന സേത്തി സേത്തി ബരുസുഡൊ.

റോമഗാറാര് 15:18

എഗുദാരല്ലാത്ത ജാദിഗാള്‌ന സാമി സൊല്ലുപഡിക്ക് നഡാക്ക്‌ന്റവാര് മാഡ്യ ബേ്ണ്ടി ക്‌റ്‌സ്‌ത്ത് ഏസ്സ് എനാന ബെത്ത് ഗേസ്‌ന കാര്യഗാള്‌നാമ് സൊന്ന കാര്യഗാള്‌നാമ് അല്ലാദെ ബേ്റൊന്റുനാമ് പറ്റി നാന് സൊല്ല്യ തുണിവാദില്ലെ.

റോമഗാറാര് 15:29

നാന് നിമ്മ് പട്ട്‌ക്ക് ബര്‌ഗാട്ടി ക്‌റ്‌സ്‌ത്ത്‌ലിന്ത് കെ്ഡേക്കുവ എഞ്ചോ ബാക്ക്‌വരഗാള് നിമ്മ് പെ്ളേപ്പ്‌ല് കെ്ഡേക്ക്‌മ് എന്റ് എനാക്ക് തെരിന്റ്.

റോമഗാറാര് 5:2

ക്‌റ്‌സ്‌ത്ത് ഏസ്സോഡ ബെത്ത്‌റ്‌ക്കുവ നമ്പിക്കെനാലെ സാമി പ്‌ണ്ണ്യ ഗേന്ത് കെ്ഡേത്ത ഈ പെ്ളേപ്പ്‌ക്ക് നമാക്ക് ഇന്നാല് എജ്ജ്യ മുഡിന്ത്‌ദ്. അത്തെ നമ്മ സാമി മദ്‌പ്പ്‌ക്ക് പങ്ക്‌ഗാറാര് ആവാമ് എന്നുവ നെഞ്ചഡെന പറ്റി നമ്മ പെരിമെപഡ്‌ന്റാമ്.

2 കൊരിന്ത്യഗാറാര് 1:24

നിമ്മ് നമ്പിക്കെ എത്തവ ദിന്‌സ്‌ല് ആയിര്‌ക്കുഡൊ എന്റ് അദിഗര കാട്ട്‌ന്റവാരല്ല എമ്മ. നിമ്മ പിര്യപിര്യാത്ത് ഇര്‌ക്ക്യ ബേ്ണ്ടി നിമ്മോഡൊപ്പ ഗിലാസ ഗേന്റവാര്‌ത്തെ എമ്മ. നിമ്മ് നമ്പിക്കേല് നിമ്മ ഒറേത്ത് ഇര്‌ക്ക്‌ന്റ്‌റ് എന്റ് എമാക്ക് തെരിമ്.

പിലിപ്പ്യഗാറാര് 1:24

ആന നാനിര്‌ക്കുവാദ് നിമാക്ക് ഉവഗരപഡുവാദ്‌നാലെ നാന് ഉജുരോഡ ഇര്‌ക്കുവാദ് നല്ലാദ്‌ത്തെ.

പിലിപ്പ്യഗാറാര് 2:24

നാന്‌മ് നിമ്മ് പട്ട്‌ക്ക് സട്ടന ബര്യ ആണ്ടവാന് എനാന കയി താങ്കുവാനെന്റ് എനാക്ക് ഒറേപ്പിര്‌ക്ക്‌ന്റ്.

പിലെമോനു 1:22

സാമി നിമ്മ് പരേസന കേ്ട്ട് എനാന നിമ്മ് പട്ട്‌ക്ക് ബ്‌ഡുവാനെന്റ്‌മ് നാന് നെഞ്ചഡെ ബെക്ക്‌ന്റെ. അദ്‌നാലെ എനാക്ക് ഒന്റു കാര്യ ഗുഡി ഗേഡൊ. നിമ്മ് പട്ട്‌ല് ബന്ത് എനാക്ക് തങ്ക്യ ബേ്ണ്ടി ഒന്റു ബീ്ഡ് ഒരിക്കി ബെക്കുഡൊ.

1 പത്ത്‌റോസു 1:8

ഏസ്സ് ക്‌റ്‌സ്‌ത്ത്‌ന നിമ്മ ഇന്നമാട്ട്‌ക്ക് കാണാദിന്താല്‌മ് നിമ്മ അയാളോഡ സീവാന്‌ബെത്ത്‌റ്‌ന്റ്‌റ്. ഇന്നാല് നിമ്മ കാണാദിന്താല്‌മ് അയാള്‌ന നമ്പികൊണ്ടു സൊല്ലി തീര്‌ക്ക്യ മുഡ്യാത്താദ്‌മ് എത്ത്‌റാഗോ ദൊഡ്ഡാദ്‌ക്ക്‌മ് ഇര്‌ക്കുവ പിര്യാത്ത്‌ല് നിമ്മ പിര്യപഡ്‌ന്.