പിലിപ്പ്യഗാറാര് 1:12 - സാമി സേദി12 എനാക്ക് മെച്ച്‌പ്‌ഡിത്ത ഏസ്സ്‌ഗാറാരെ, എനാക്ക് ബന്ത ബുദ്ദിമുട്ടുഗാളെല്ല നല്ല സേദിന പറ്റി മൊത്തന ആള്‌ഗാള് കേ്ള്‌ക്ക്യ ഉവഗരപട്ട്‌ദ് എന്റ് നിമ്മ തെരിന്ത്‌റ്‌ക്കുഡൊ എന്റ് നാന് ആസെപഡ്‌ന്റെ. Faic an caibideil |
പിലിപ്പ്യഗാറാര് 1:12
19 Iomraidhean Croise
നാന് നിമ്മോഡ മനേസ്സാറ സീവാന്‌ബെത്ത് നഡാക്കുവാദ്‌നാലെ നിമാനൊട്ടുക്കു പറ്റി നാന് അത്തെല്ല നെനേക്കുവാദ് സെരിത്തെ. നാന് ഇന്നാല് ജെയില്‌ലിര്‌ക്കാട്ടിമ് അല്ലാദെ താനെ നല്ല സേദിന പൊയി എന്റ് സൊന്റവാരോഡ ബാദാഡി നല്ല സേദി നേര്‌ത്തെന്റ് കാട്ടി കൊഡുക്കാട്ടിമ് നിമ്മാത്തെ എനാന കയി താങ്ക്‌ന്‌റ്. അദുക്കുള്ള പ്‌ണ്ണ്യ സാമി നമാക്ക് ഗേന്താന്.
എനാക്ക് തൊണെ ഇര്‌ക്കുവ എന്ന് പൊന്നാ, ഈ പെ്ണ്ണ്‌മക്കാള്‌ന നീ കയിതാങ്കുഡൊ എന്റ് നിനാക്ക് നാന് സൊന്റെ. എന്ത്‌ക്കെന്റ് സൊന്ന ഈ പെ്ണ്ണ്‌മക്കാള് നല്ല സേദിന സൊല്ല്യ ബേ്ണ്ടി എന്നോഡൊപ്പ മ്‌ഗ്‌ന്ത പാഡ്‌പട്ട്‌റ്‌ന്റാര്. ക്‌ളിമെന്റോഡാമ് എന്നോഡ ഗിലാസ ഗേന്ത ബേ്റെ ആള്‌ഗാളോഡാമ് ഈ പെ്ണ്ണ്‌മക്കാള് ഗിലാസ ഗേന്ത്‌റ്‌ന്റാര്. എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കുലു ഇവാര് പേര്‌ഗാള്‌നൊട്ടുക്കു സാമി സേത്തിര്‌ക്ക്‌ന്റാന്.
Sanasan