2 തിമിത്തോസു 4:4 - സാമി സേദി

⁴ അത്തെ അവാര് സത്ത്യന പഡിസി കൊഡുക്കുവാദ്‌ന കേ്ള്‌ക്കാദെ നേരല്ലാത്ത കദെഗാള്‌ന കേ്ള്‌ക്ക്യ മൊഗേവാര്.

2 തിമിത്തോസു 4:4 Iomraidhean Croise

അപ്പോസുത്തലാര് 7:57

അദുക്കുള എഗുദ കോഡിദിഗാറാര് ആലാത്ത് ക്‌ളാമ്പ്‌നാര്. അവാര് കാദ്‌ന പൊത്തി പ്‌ഡിത്ത്‌കൊണ്ട് തെപാനോസു പട്ട്‌ക്ക് ഓഡുനാര്.

2 തെസെലോനിക്ക്യഗാറാര് 2:11

അദ്‌നാലെ സത്ത്യല്ലാത്താദ്‌ന അവാര് നമ്പ്യ ബേ്ണ്ടി അവാര്‌ക്ക് പൊയിന നമ്പുവ മനേസ്സ് സാമി കൊഡുക്കുവാന്.

1 തിമിത്തോസു 1:4

നേരല്ലാത്ത കദെഗാള്‌നാമ് മൂട്ടുമുറില്ലാത്ത കാല്‌കെ്ളെഗാള്‌നാമ് പറ്റി സൊല്ലുവാദ്‌ത്തെ അവാര്‌ക്ക് കാര്യ. ഇദെല്ല ആള്‌ക്കാള്‌ക്ക് തറ്‌ക്ക ബര്യാത്തെ എ്ഡെ ആമ്. അല്ലാദെ ഏസ്സ് ക്‌റ്‌സ്‌ത്തോഡെ ബെത്ത്‌റ്‌ക്കുവ നമ്പിക്കേല് ഗേവ സാമി ഗിലാസഗാളൊന്റുമല്ല. അദ്‌നാലെ അത്തവ കാര്യഗാള്‌ന സൊല്ലുവ നായഗാള്‌ന നീ പഡിസ്യാഗേ ബ്‌ഡാദെ.

1 തിമിത്തോസു 4:7

സാമ്യോഡ ഉറാവു ബെത്ത് നഡാക്ക്യ ഉവഗരപഡാത്ത നേരല്ലാത്ത കദെഗാളൊന്റുനാമ് നീ കാദ്‌ക്കിക്കാദെ. അദ്‌ക്ക് ബദ്‌ല സാമി ആസെപഡി പെ്ളേക്ക്യ ഉവഗരപഡുവ കാര്യഗാള് നീ ഗേന്ത് പളാഗികൊണ്ടേ ഇര്‌ക്കുഡൊ.

1 തിമിത്തോസു 6:20

തിമിത്തോസെ, നീ ഗേയ ബേ്ണ്ടി സാമി നിന്ന് കയിക്ക് ഒപ്പിസി തന്ത്‌റ്‌ക്കുവ കാര്യഗാള്‌ന നീ സൂസാരിത്ത് ഗേഡൊ. സാമിന മദിസ്യ ഉവഗരപഡാത്ത ബുദ്ദില്ലാത്ത നായഗാള്‌ന ഇദ്‌ത്തെ അറുവു എന്റ് ഉറുട്ടുസൊല്ലികൊണ്ടു സില ആള്‌ഗാള് പഡ്‌സ്‌ന്റാര്. ഈ നായഗാള്‌ന നീ കേ്ള്‌ക്കാദെ.

2 തിമിത്തോസു 1:15

ആസ്യ നാഡ്‌ല ഏസ്സ്‌ഗാറാര്‌ല് പല ആള്‌ഗാള് എനാന തെ്റിന്ത് പോനാര് എന്റ് നിനാക്ക് തെരിമല്ല. പുഗലോസുമു ഗെറ്‌മ്മൊഗനേസ്‌മ് അയി കൂട്ടാക്ക് പട്ടവാര്‌ത്തെ.

തീത്തോസു 1:14

അദ്‌താനേമല്ല, അവാര് എഗുദാര് സൊല്ലുവ നേരല്ലാത്ത കദെഗാള്‌നാമ് സത്ത്യാക്ക് ബേ്ണ്ടി പെ്ളേക്കത്തവാര് സൊല്ലുവ നായഗാള്‌നാമ് കേ്ള്‌ക്കമാട്ടാര്.

എവുറായാര് 13:25

നിമാക്ക് എല്ലാവാര്‌ക്ക്‌മ് സാമി പ്‌ണ്ണ്യ ഗേഡൊ.

2 പത്ത്‌റോസു 1:16

നമ്മ് ആണ്ടവാന് ഏസ്സ് ക്‌റ്‌സ്‌ത്ത് സക്‌തിന പറ്റിമ് അയാള് ബരുവാദ്‌ന പറ്റിമ് നിമാക്ക് സൊല്ലുഗാട്ടി ബുദ്ദ്യോഡ കദെ ബെക്ക്യ ബേ്ണ്ടി ബെത്ത കദെഗാള്‌ന ബെത്തല്ല സൊന്നാദ്. അദ്‌ക്ക് ബദ്‌ല അയാള് മദ്‌പ്പ്‌ന കണ്ണാറ കണ്ടവാരായിത്തെ സൊന്നാദ്.