2 തിമിത്തോസു 3:5 - സാമി സേദി

⁵ അവാര് സാമിക്ക് ബേ്ണ്ടി നലമായി പെ്ളേക്ക്‌ന്റവാരെന്റ് നഡിക്കുവാര്. ആന അവാര് സാമിക്ക് ബേ്ണ്ടി നലമായി പെ്ളേക്കുവാദ്‌ക്ക് കെ്ഡേക്കുവ ബിലാന ബേ്ഡ എന്റ് തള്ള്‌ന്റാര്. അത്തവ ആള്‌ഗാള് കൂട്ടാക്ക് നീ എ്ണേഗാദെ.

2 തിമിത്തോസു 3:5 Iomraidhean Croise

മത്തായി 7:15

<<സാമിനിഗാല് സൊന്റെന്റ് ഉറുട്ടു സൊല്ലുവ സാമിദാസ്‌ഗാള്‌ന സൂസാരിത്ത് ഇര്‌ന്. അവാര് കറ്‌മ്മകറ്‌മ്മ ഇര്‌ക്കുവ കൊറ്യാഡ്‌ഗാള്‌ന പാസെ ബക്‌തിഗാറാരായി നഡിത്ത് കൊണ്ടു നിമ്മ് പട്ട്‌ക്ക് ബന്റാര്. ആന അവാര് കപ്പികൊഡേവ സെന്നായിഗാള്‌ന പാസെത്തെ.

എപസോസുഗാറാര് 4:14

അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.

2 തെസെലോനിക്ക്യഗാറാര് 3:14

ഈ എ്ള്‌ത്ത്‌ല് എമ്മ എ്ള്‌ദിര്‌ക്കുവ കാര്യഗാള്‌ക്ക് കെ്ട്ട്‌പട്ട് നഡാക്കാത്തവാനൊ നഡാക്കാത്തവാളൊ ഇന്തദാന അവാര് നാണഗെ്ഡ്യ ബേ്ണ്ടി നിമ്മ അവാര്‌ക്ക് എ്ണേഗാദെ അവാര്‌ന പ്‌റ്‌ത്ത് ബെയിന്.

2 തെസെലോനിക്ക്യഗാറാര് 3:6

ഏസ്സ്‌ഗാറാരെ, എമ്മ പഡ്‌സ്‌ന സട്ടപഡി പെ്ളേക്കാദെ കള്ള ബ്‌ന്ത് നഡാക്ക്‌ന്റവാര് ആരാറ്റ നിമ്മ് കൂട്ടാത്ത്‌ല് ഇന്തദാന അയാളോഡ എജേഗാദെ ഇര്‌ക്കുഡൊ എന്റ് നമ്മ് ആണ്ടവാന് ഏസ്സ് ക്‌റ്‌സ്‌ത്ത് തന്ത അദിഗരാത്ത്‌ല് എമ്മ നിമാക്ക് കല്‌പനെ തന്റേമ്.

1 തിമിത്തോസു 4:7

സാമ്യോഡ ഉറാവു ബെത്ത് നഡാക്ക്യ ഉവഗരപഡാത്ത നേരല്ലാത്ത കദെഗാളൊന്റുനാമ് നീ കാദ്‌ക്കിക്കാദെ. അദ്‌ക്ക് ബദ്‌ല സാമി ആസെപഡി പെ്ളേക്ക്യ ഉവഗരപഡുവ കാര്യഗാള് നീ ഗേന്ത് പളാഗികൊണ്ടേ ഇര്‌ക്കുഡൊ.

1 തിമിത്തോസു 4:8

ഉരുവുക്കു സാമാറ്‌ത്തി കെ്ഡേക്കുവ കാര്യഗാള് ഗേവാദ് സരിഗലാക്ക് മായ ഉവഗരപഡ്‌മ്. ആന സാമി ആസെപഡി പെ്ളേക്ക്യ ഉവഗരപഡുവ കാര്യഗാള് ഗേന്ത് പളാഗികൊണ്ടേ ഇര്‌ക്കുവാദ് എല്ലാ ദിന്‌സ്‌ല്‌മ് ഉവഗരപഡ്‌മ്. അദ് ഇന്നാല്‌ല പെ്ളേപ്പ്‌ക്ക്‌മ്, ഇന്നി ബര്യ പോവ പെ്ളേപ്പ്‌ക്ക്‌മ് ഉവഗരപഡ്‌മ്.

1 തിമിത്തോസു 5:8

ആന ഒരുത്താന് തന്ന് കൂട്ടകുഡുമാക്ക്‌മ് മുക്ക്യമായി തന്ന് ബീ്ഡ്‌ലവാര്‌ക്ക്‌മ് ബേ്ഡ്‌മാന കാര്യഗാള്‌ന ഗേന്ത് കൊഡുക്കാദിന്തദാന അയാള് തന്ന് നമ്പിക്കേന ബ്‌ട്ട് തള്ള്‌നവാന്‌മ് ഏസ്സ്‌ന നമ്പാത്തവാന്‌ന ബ്‌ഡ ഒന്റേപെ്ട്ട് കെ്ട്ട് തള്ള്‌നവാന്‌മ്‌ത്തെ.

1 തിമിത്തോസു 6:5

അദോഡൊപ്പ നേര് എന്തെന്റ് തെര്യാത്തളാവുക്കു അവാര് മനേസ്സ് കെ്ട്ട് തള്ള്‌നാദ്‌നാലെ മൂട്ടുമുറില്ലാത്ത തറ്‌ക്കാമ് ബന്റ്. സാമിന പറ്റി പഡിസി നഡാക്കുവാദ് പണ സമ്പാരിക്കുവ ഒന്റു നല്ല ഗിലാസെന്റ് ഇവാര് നെനേക്ക്‌ന്റാര്.

2 തിമിത്തോസു 2:16

ഉവഗരപഡാത്ത ബുദ്ദില്ലാത്ത നായഗാള്‌ന ലേസ ആള്‌ഗാള് സൊല്ലുവാര്. അദ്‌ന നീ കാദ്‌ക്കിക്കാദെ. അത്തവ നായഗാള് സൊല്ലുന്റവാര് സേത്തി സേത്തി സാമിന മദ്‌സാത്തവാര് ആവാര്.

2 തിമിത്തോസു 2:23

ബുദ്ദില്ലാത്ത കാര്യഗാള്‌ന പറ്റി തറ്‌ക്ക്യ നീ പോഗാദെ. എന്ത്‌ക്കെന്റ് സൊന്ന അത്തെ തറ്‌ക്കുവാദ്‌നാലെ മല്ല്‌ത്തെ ബര്മ് എന്റ് നമാക്ക് തെരിമ്.

തീത്തോസു 1:16

അവാര്‌ക്ക് സാമിന തെരിമ് എന്റ് സൊന്റാര്. ആന അവാര് ഗേവ കാര്യഗാള്‌ല് അവാര് സാമിന തെര്യാത്തവാര് എന്റ് കാട്ടി തന്റാര്. അവാര് സാമിക്ക് പ്‌ഡിക്കത്തവാര്‌മ്, സൊല്ലുപേസ് കേ്ള്‌ക്കത്തവാര്‌മ് ഏദ് നല്ല കാര്യാമ് ഗേയ മുഡ്യാത്തവാര്‌മ്‌ത്തെ.

തീത്തോസു 3:10

ഏസ്സ്‌ഗാറാര് കൂട്ടാത്ത്‌ല ഒത്തിമെന ആരാറ്റ ഇല്ലാദെ മാഡ്‌നദാന അത്തെ ഗേയ പാങ്കില്ലെന്റ് ഒന്റു ജമ്പൊ റാഡ് ജമ്പൊ സൊല്ലുഡൊ. എന്റിന്ത് ഗുഡി അയാള് ഗേഗാദെ പോന അയാള്‌ന ഗെരേഗാഗേ ബേ്ഡ.