2 തിമിത്തോസു 3:4 - സാമി സേദി

⁴ കാട്ടി കൊഡുക്കുന്റവാര്‌മ്, എന്താമ് എന്റ് നെനേക്കാദെ ഒന്റൊന്റു കാര്യഗാള് ഗേന്റവാര്‌മ്, തമ്മാത്തെ ദൊഡ്ഡവാരെന്റ് നെനേക്ക്‌ന്റവാര്‌മ്, സാമി പിര്യാന ബ്‌ഡ തമ്മ് പിര്യാക്ക് ബെലെ കൊഡുക്കുന്റവാര്‌മ് ആവാര്.

2 തിമിത്തോസു 3:4 Iomraidhean Croise

അപ്പോസുത്തലാര് 19:36

ഇദെല്ല ഇല്ലെ എന്റ് ആര്‌ക്ക്‌മ് സൊല്ല്യ മുഡ്യാത്ത കാര്യഗാള്‌ത്തെ. അദ്‌നാലെ നിമ്മ സപ്പാന ഇര്‌ന്, നെപ്പ്‌നേരില്ലാദെ ഒന്റുമു ഗേഗാദേന്.

അപ്പോസുത്തലാര് 7:52

നിമ്മ് പാട്ടനാമ് ഏദാറ്റ സാമിദാസ്‌ഗാള്‌ന കൊഡിമെപഡ്‌സാദെ ഇന്ത്‌റ്‌ന്റാര? അദ്‌താനെ അല്ല, നേര്‌മോഡ പെ്ളേക്ക്‌ന്റവാന് ബരുവാന് എന്റ് മുദാല് താനെ സൊല്ലിന്തവാര്‌നാമ് അവാര് കൊന്റു തള്ള്‌നാര്. ആന നിമ്മാമ് ഇന്നാല് അയി നേര്‌മെഗാറാന്‌ന കാട്ടി കൊഡുത്തു അയാള്‌ന കൊന്റു തള്ള്‌ന്‌റ്.

റോമഗാറാര് 11:20

അദ് സെരിത്തെ. അവാര് നമ്പാത്താദ്‌നാലെ അവാര്‌ന ബെ്ട്ടി തള്ള്‌നാന്. നിമ്മ നമ്പ്‌നാദ്‌നാലെത്തെ അയി മര താറ്‌ഗാളായി നിമ്മ ഇന്നാല്‌മ് ഇര്‌ക്കുവാദ്. അദ്‌നാലെ പെരിമെപഡാദെ അഞ്ചിക്കോഡ ഇര്.

റോമഗാറാര് 16:18

അവാര് നമ്മ് ആണ്ടവാന് ക്‌റ്‌സ്‌ത്ത്‌ക്ക് ബേ്ണ്ട്യല്ല ഗിലാസ ഗേവാദ്. അവനവാന് കാര്യഗാള് നഡാക്ക്യ ബേ്ണ്ടിത്തെ അവാര് ആസെപഡുവാദ്. അവാര് ആള്‌ഗാള്‌ന മയാക്കുവ നായഗാള്‌മ് പിര്യപഡുസുവ നായഗാള്‌മ് സൊല്ലികൊണ്ടു പച്ചെപാവഗാള്‌ന ഏമാത്ത്‌ന്റാര്.

1 തിമിത്തോസു 3:6

ആന ഇന്നാല്‌ത്തെ ഏസ്സ്‌ന നമ്പിര്‌ന്റവാന് മൂപ്പാനായ പാങ്കില്ലെ. എന്ത്‌ക്കെന്റ് സൊന്ന തനാക്ക് പദാവി കെ്ഡേത്താദ്‌നാലെ അയാള് താന് ദൊഡ്ഡവാനെന്റ് പെരിമെപട്ട് സെയിത്താന്‌ക്ക് കെ്ഡേത്ത അദേ ദെ്ണ്ടണേക്ക് സിക്കുവാന്.

1 തിമിത്തോസു 5:6

ആന തന്ന് പിര്യാക്ക് പെ്ളേക്കുവ മ്‌ണ്ടേസി ഉജുരോഡിന്താല്‌മ് അവാള് സത്തവാള്‌ക്ക് സമാത്തെ.

1 തിമിത്തോസു 6:17

ദൊഡ്ഡവാര് എന്റ് നെനേക്ക ബേ്ഡ എന്റ്‌മ് സട്ടന അളിന്ത് പോവ സൊത്തുലു നെഞ്ചഡെ ബെക്കബേ്ഡ എന്റ്‌മ് ഈ ഉലഗാത്ത്‌ല പെ്ളേപ്പ്‌ഗാറാര്‌ക്ക് നീ സൊല്ലു. ആന നമ്മ പിര്യപിര്യാത്തിര്‌ക്ക്യ ബേ്ണ്ടി നമാക്ക് ബേ്ഡ്‌മാനാദെല്ല എക്കസക്ക തരുവ സാമിനത്തെ നെഞ്ചഡെ ബെക്കുഡൊ എന്റ് അവാര്‌ക്ക് സൊല്ലു.

ജൂദാന് 1:19

ഇവാര് സാമിനിഗാല് നഡാത്താത്തവാരായി തമാക്കിര്‌ക്കുവ അറുവുലു നഡാന്ത് കൊണ്ടു ഏസ്സ്‌ഗാറാര് കൂട്ടാത്ത്‌ല് ആങ്കീങ്ക് കച്ചി മാഡ്‌ന്റവാര്‌ത്തെ.

ജൂദാന് 1:4

എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.