2 തിമിത്തോസു 2:8 - സാമി സേദി

⁸ ദാവീദ് കാല്‌ക്ക് പട്ടവാന്‌മ് സത്തിന്ത് ഉജുര്‌ളാഗിമ് ഇര്‌ക്കുവ ഏസ്സ് ക്‌റ്‌സ്‌ത്ത്‌ന നീ നെനേത്തുകൊണ്ടേ ഇര്‌ക്കുഡൊ. ഇദ്‌ത്തെ നാന് സൊല്ലുവ നല്ല സേദി.

2 തിമിത്തോസു 2:8 Iomraidhean Croise

മത്തായി 1:1

അവുറഗാമ് കാല്‌കെ്ളേക്ക് പ്‌റാന്ത ദാവീദ് കാല്‌കെ്ളേല്‌ത്തെ ഏസ്സ് ക്‌റ്‌സ്‌ത്ത് പ്‌റാന്താദ്. ഈ ഏസ്സ് ക്‌റ്‌സ്‌ത്ത് പാട്ടനാമ് പേര്‌ഗാള്:

ലൂക്കോസു 24:46

<<ക്‌റ്‌സ്‌ത്ത് കജട്ട പട്ട് സത്ത പ്‌റ മൂറാവാദ് നാള് ഉജുര്‌ളാഗുവാന് എന്റ്‌മ്,

അപ്പോസുത്തലാര് 13:23

സാമി ബാക്ക് കൊഡുത്തിന്ത പാസെ ഈ ദാവീദ് കാല്‌ലിന്ത് ഏസ്സ് എന്നുവ കാപാറ്റ്‌ന്റവാന്‌ന ഇസ്‌റവേല്‌ഗാറാര്‌ക്ക് കൊഡുത്താന്.

അപ്പോസുത്തലാര് 2:24

ആന ഏസ്സ്‌ക്ക് ബന്ത സാവുലിന്ത് സാമി ഏസ്സ്‌ന ഉജുര്‌ളാക്ക്‌നാന്. സാവുക്കു ഇര്‌ക്കുവ അദിഗരാത്ത്‌ലിന്ത്‌മ് സാമി അയാള്‌ന ബ്‌ഡ്‌സ്‌നാന്. എന്ത്‌ക്കെന്റ് സൊന്ന സാവു അയാള്‌ന അഡിമെ മാഡി ബെക്ക്യ നോഡുറ്റു, ആന മുഡ്യാലെ.

അപ്പോസുത്തലാര് 2:30

ദാവീദ് ഒന്റു സാമിദാസായിന്താന്. അദ്‌നാലെ തന്ന് കാല്‌ല് ഇന്ത് ഒന്റാള്‌ന തനാന പാസെ രാജാവു മാഡുവെ എന്റ് സാമി തനാക്ക് ഒറേപ്പ് കൊഡുത്തു ഇന്താന് എന്റ് ദാവീദ്‌ക്ക് തെരിന്തിന്ത്‌ദ്.

റോമഗാറാര് 16:25

ഏസ്സ് ക്‌റ്‌സ്‌ത്ത്‌ന പറ്റി നാന് സൊല്ലുവ നായന ബെത്ത്‌മ് നല്ല സേദിന ബെത്ത്‌മ് സാമിക്ക് നിമാന ഒറേപ്പ് മാഡ്യ മുഡിമ്. മുന്തെല കാലാത്ത്‌ല് ആള്‌ഗാള്‌ക്ക് ഈ നല്ല സേദി പൊറുളു മറേസി ബെത്തിന്താദ്‌ത്തെ.

റോമഗാറാര് 2:16

ക്‌റ്‌സ്‌ത്ത് ഏസ്സ്‌ന ബെത്ത് സാമി മന്‌സാര്‌ഗാള്‌ന ബിദിക്കുവ നാള്‌ക്ക് മന്‌സാന് തന്ന് മനേസ്സ്‌കുള്ളുക്കു ബെത്ത്‌റ്‌ക്കുവ എല്ലാ നെനേവുഗാള്‌നാമ് ബെ്ളിഗെ എ്ഡ്‌ത്ത് കാട്ടി അവാര്‌ന ബിദിക്കുവാന്. ഈ കാര്യ നാന് സൊല്ലുവ നല്ല സേദിക്ക് തഗ്‌ന്ത പഡി ഉള്ളാദ്‌ത്തെ.

1 കൊരിന്ത്യഗാറാര് 15:1

ഏസ്സ്‌ഗാറാരെ, നാന് നിമാക്ക് സൊന്ന നല്ല സേദിന പറ്റി നിമാക്ക് ഇന്നാല് നെനേവു ബര്‌സ്സ്യ നാന് ആസെപഡ്‌ന്റെ. നിമ്മ അയി സേദിന കേ്ട്ട് ഒറേപ്പായി നമ്പിര്‌ക്ക്‌ന്റ്‌റ്.

1 കൊരിന്ത്യഗാറാര് 15:4

അയാള്‌ന അഡാക്കാമ് മാഡ്‌നാര്. സാമി സൊല്ലുസുലാക്കാത്ത്‌ല് മുന്നുക്കു താനെ സൊല്ലി ബെത്ത്‌റ്‌ക്കുവ പാസെ മൂറാവാദ് നാള് അയാള് ഉജുര്‌ളാഗ്‌നാന്.

2 തെസെലോനിക്ക്യഗാറാര് 2:14

നിമാന കാപാറ്റി നമ്മ് ആണ്ടവാന് ഏസ്സ് ക്‌റ്‌സ്‌ത്ത് മദ്‌പ്പ്‌ക്ക് പങ്ക്‌ഗാറാര് ആയ ബേ്ണ്ടിത്തെ സാമി നിമാന ബ്‌ളിത്ത്‌റ്‌ക്കുവാദ്. അദ്‌ക്ക് ബേ്ണ്ടിത്തെ എമാന ബെത്ത് സാമി നിമാക്ക് ഈ നല്ല സേദിന സൊന്നാദ്.

1 തിമിത്തോസു 1:11

ആള്‌ഗാള്‌ന പഡിസ്യ ബേ്ണ്ടി സാമി എനാക്ക് ഒപ്പിസി തന്ത്‌റ്‌ക്കുവ നല്ല സേദില് ഈ ബുദ്ദിനായഗാള് ഒട്ടുക്കു ഇര്‌ക്ക്‌ന്റ്. ഈ നല്ല സേദിന ബാഗ്യകേ്ട്ടവാന്‌മ് അമ്‌സത്തോഡ ഇര്‌ക്ക്‌ന്റവാന്‌മ് ആയിര്‌ക്കുവ സാമിത്തെ എനാക്ക് സൊല്ലി തന്താദ്.

1 തിമിത്തോസു 2:7

അദ്‌നാലെത്തെ നമ്പിക്കേന പറ്റി സൊല്ലുവ ഈ സത്ത്യ സേദിന എഗുദരല്ലാത്ത ജാദിഗാള്‌ക്ക് പഡിസ്യ അപ്പോസുത്തലാനായിമ് ബാത്ത്യാനായിമ് സാമി എനാന സൊല്ലി ബ്‌ട്ട്‌റ്‌ക്കുവാദ്. നാന് സൊല്ലുവാദ് പൊയ്യല്ല നേര്‌ത്തെ.

2 തിമിത്തോസു 1:8

അദ്‌നാലെ നമ്മ് ആണ്ടവാന് ഏസ്സ്‌ന പറ്റി ആള്‌ഗാള്‌ക്ക് സൊല്ല്യ നാണപഡാദെ. അയാള് പേര്‌ല് ജെയില്‌ല് ഇര്‌ക്കുവ എനാന പറ്റിമ് നാണപഡാദെ. നീയിമ് എന്നോഡ എ്ണേന്ത് സാമി തന്ത്‌റ്‌ക്കുവ ബിലാത്ത്‌ല് നല്ല സേദിക്ക് ബേ്ണ്ടി കജട്ട പഡുഡൊ.

2 തിമിത്തോസു 2:7

നാന് സൊല്ലുവ ഈ കാര്യഗാള്‌നെല്ല നീ നെനേത്ത് നോഡു. ഈ കാര്യഗാള്‌നെല്ല തെരിവാദ്‌ക്കുള്ള ബുദ്ദി ആണ്ടവാന് നിനാക്ക് തരുവാന്.

ബെ്ളിപട്ട കാര്യ 5:5

അദുക്കുള ഇരുവത്തിനാല് മൂപ്പനാമ്‌ഗാള്‌ല് ഒരുത്താന് എനാക്ക്, <<കേ്യാദെ, എഗുദ കുലാത്ത്‌ല സിങ്ക എന്റ് പേര് ഇര്‌ക്ക്‌ന്റവാന്‌മ് ദാവീദ് കാല്‌ക്ക് പട്ടവാന്‌മ് ആനവാന് ബൊക്കുന ത്‌റാക്ക്യാമ് അയി ഏ്ള് മുദ്ദുറെഗാള്‌ന പൊട്ടിസ്യാമ് ബേ്ണ്ടി ഗെലിസി ഇര്‌ക്ക്‌ന്റാന്>> എന്റ് സൊന്നാന്.