2 തിമിത്തോസു 2:4 - സാമി സേദി

⁴ ഒന്റു പട്ടളഗാറാനായി ഗിലാസ ഗേന്റവാന് താന് ഗേവ ഗിലാസല്ലാദെ ബേ്റൊന്റു ഗിലാസാമ് ഗേഗാദെ പട്ടള തലെവാന്‌ന പിര്യപഡ്‌സ്‌ന്റാന്.

2 തിമിത്തോസു 2:4 Iomraidhean Croise

ലൂക്കോസു 8:14

മുള്ളു ഗുമ്പു പട്ട്‌ക്ക് അലേന്ത ബെദെ എന്നുവാദ് സാമി സൊല്ലുസുലാക്കാന കേ്ട്ട് അദേപാസെ നഡാക്ക്‌ന്റവാര്‌ത്തെ. അത്തെ അവാര് കേ്ട്ട് നഡാക്ക്‌ന്റവാര് ആനാല്‌മ് അവാര് പെ്ളേപ്പ്‌ല് ബരുവ അര്‌ക്കഗാള്‌മ് സൊത്തു സമ്പാരിക്കുഡൊ എന്നുവ ആസെഗാള്‌മ് സുഗത്തോഡ പെ്ളേക്കുഡൊ എന്നുവ ആസെഗാള്‌മ് അവാര്‌ന സാമി സൊല്ലുപഡിക്ക് നഡാക്ക്യ മുഡ്യാദെ മാഡ്‌ന്റ്.

2 കൊരിന്ത്യഗാറാര് 5:9

അദ്‌നാലെ എമ്മ ഈ സരിഗലാത്ത്‌ല് ഇന്താല്‌മ് സെരി ആണ്ടവാനോഡ ഇന്താല്‌മ് സെരി എമ്മ ഗേവ എല്ലാ കാര്യാത്ത്‌ല്‌മ് ആണ്ടവാന്‌ന പര്യപഡുസുവാദ്‌ത്തെ എമ്മ് മുക്ക്യമാന കാര്യ.

ഗലാത്ത്യഗാറാര് 5:1

അഡിമെഗാളാഗാദെ പെ്ളേക്ക്യത്തെ ക്‌റ്‌സ്‌ത്ത് നമാന ബ്‌ഡ്‌സ്‌നാദ്. പിന്നേമ് നിമ്മ മോസെ ബെത്ത സാമി സട്ടാക്ക് അഡിമെഗാളാഗാദെ ഒറേത്ത് നില്ല്‌ന്.

1 തെസെലോനിക്ക്യഗാറാര് 2:4

എന്ത്‌ക്കെന്റ് സൊന്ന, എമാന നല്ല സേദി സൊല്ലുന്റവാര് മാഡ്യ ബേ്ണ്ടി സാമി എമാന നോഡി നമ്പി എ്ഡ്‌ത്ത് ബെത്താന്. അദ്‌നാലെ എമ്മ മന്‌സാര്‌ഗാള്‌ന പിര്യപഡിസ്യല്ല, എമ്മ് മനേസ്സ്‌ന സോദണെ ഗേവ സാമിന പിര്യപഡിസ്യത്തെ എമ്മ നല്ല സേദിന സൊല്ലുവാദ്.

2 തിമിത്തോസു 4:10

ദേമാസ് ഈ ഉലഗാത്ത്‌ല് പെ്ളേക്കുവ ദിന്‌സ്‌ല് പെ്ളേക്ക്യ ബേ്ണ്ടി ആസെപട്ടിന്താന്. അദ്‌നാലെത്തെ അയാള് എനാന തള്ളി തെസലോനിക്ക്യാക്ക് പോനാദ്. ക്‌റേസ്‌കേസ് ഗലാത്ത്യാക്ക്‌മ് തീത്തോസു ദല്‌മാത്ത്യാക്ക്‌മ് പോനാന്.

2 പത്ത്‌റോസു 2:20

നമ്മ് ആണ്ടവാന്‌മ് കാപാറ്റ്‌ന്റവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത്‌ന തെരിന്ത അറുവുന ബെത്ത് ഉലഗാത്ത്‌ല് ഗേവ കെ്ട്ട കാര്യഗാള്‌ലിന്ത് തപ്പിസി കഡാന്തവാര് പിന്നേമ് അയി കെ്ട്ട കാര്യഗാള് ഗേവാദ്‌ക്ക് സിക്കി അഡിമെപട്ട് പോന ഇന്ന്യുള്ള അവാര് പെ്ളേപ്പ് മുദാല്‌ല പെ്ളേപ്പ്‌ന ബ്‌ഡ അപ്പാര മോസായിര്‌ക്ക്‌മ്.