2 തിമിത്തോസു 2:3 - സാമി സേദി

³ ഒന്റു പട്ടളഗാറാന് കജട്ടഗാള്‌ന താങ്കുവ പാസെ നീയിമ് ക്‌റ്‌സ്‌ത്ത് ഏസ്സ്‌ത്ത് നല്ല ഗിലാസഗാറാനായി എമ്മോഡൊപ്പ കജട്ടഗാള്‌ന താങ്കുഡൊ.

2 തിമിത്തോസു 2:3 Iomraidhean Croise

അപ്പോസുത്തലാര് 23:31

അത്തെ ആയിര പട്ടളഗാറാര് തലെവാന് സൊന്നാദ്‌ന കേ്ട്ട് പട്ടളഗാറാര് ജാമാത്ത്‌ല് താനെ പവുലോസുന കൂട്ടി എ്ഡ്‌ത്ത് അന്തിപത്തിരീസ് പട്ടണമാട്ട്‌ക്ക് എജ്ജ്‌നാര്.

1 കൊരിന്ത്യഗാറാര് 13:7

സീവാന് ഉള്ളവാന് എല്ലാദ്‌നാമ് പൊറുക്കുന്റാന്, എല്ലാദ്‌നാമ് നമ്പ്‌ന്റാന്, എല്ലാദ്‌നാമ് നെഞ്ചഡെ ബെക്ക്‌ന്റാന്, എല്ലാദ്‌നാമ് താങ്ക്‌ന്റാന്.

1 കൊരിന്ത്യഗാറാര് 9:7

സൊന്ത സിലാവുലു ജുദ്ദ ഗേയ നില്ലുവ പട്ടളഗാറാന് ഇര്‌ക്ക്‌ന്റാന? മുന്തിരി ദോട്ട ഗേന്ത് അയി ബെ്ള്ളാമെന തിന്നത്തവാന് ഇര്‌ക്ക്‌ന്റാന? ആഡ് കൂട്ടന മേസി അയി ആഡ്‌ഗാള്‌ന ബെത്ത് പെ്ളേക്കാത്ത മാട്ട്യാന് ഇര്‌ക്ക്‌ന്റാന?

2 കൊരിന്ത്യഗാറാര് 1:6

എമ്മ കജട്ട പഡ്‌ഗാട്ടി എമാക്ക് നിമാന പിരാക്കി ബെക്ക്യ മുഡിമ്. അത്തെ നിമാക്ക് സാമി ആസെപഡുവ പാസെ പെ്ളേക്ക്‌ന്റവാരായ മുഡിമ്. എമാക്ക് ബന്ത കജട്ടാത്ത്‌ല് എമ്മ പിരാക്കി ബെത്ത്‌റ്‌ന്റവാര് ആനദാന അദേ കജട്ടഗാള് നിമാക്ക് ബര്‌ഗാട്ടി നിമാക്ക്‌മ് അദ്‌നെല്ല പൊറിമോഡ താങ്ക്യ മുഡിമ്.

1 തിമിത്തോസു 1:18

എന്ന് മഗാന് തിമിത്തോസെ, സാമി ആള്‌ഗാള്‌ന ബെത്ത് നിനാന പറ്റി മുന്നുക്കു സൊന്ന കാര്യഗാള്‌ക്ക് ഒത്തു ബരുവ പാസെ താനെ നാന്‌മ് നിനാക്ക് ഈ കാര്യന സൊന്റെ. ഈ നല്ല സേദിക്ക് ബേ്ണ്ടി ഒന്റു പട്ടളഗാറാന്‌ന പാസെ ജുദ്ദ ഗേയ ഈ നായഗാള് നിനാക്ക് കയി താങ്കായിര്‌ക്കുഡൊ.

2 തിമിത്തോസു 1:1

എനാക്ക് മെച്ച്‌പ്‌ഡിത്ത മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെ നമാക്ക് കെ്ഡേക്ക്‌മെന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന പറ്റി സൊല്ല്യ സാമി ആസെപഡി ക്‌റ്‌സ്‌ത്ത് ഏസ്സ് അപ്പോസുത്തലാന് ആയിര്‌ക്കുവ പവുലോസു എ്ള്‌ദുവാദ്. നമ്മ് അപ്പാന് സാമിമ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന ഗവാമ് പഡുഡൊ, നിനാന നിമ്മ്‌ദ്യായിമ് ബെക്കുഡൊ.

2 തിമിത്തോസു 1:8

അദ്‌നാലെ നമ്മ് ആണ്ടവാന് ഏസ്സ്‌ന പറ്റി ആള്‌ഗാള്‌ക്ക് സൊല്ല്യ നാണപഡാദെ. അയാള് പേര്‌ല് ജെയില്‌ല് ഇര്‌ക്കുവ എനാന പറ്റിമ് നാണപഡാദെ. നീയിമ് എന്നോഡ എ്ണേന്ത് സാമി തന്ത്‌റ്‌ക്കുവ ബിലാത്ത്‌ല് നല്ല സേദിക്ക് ബേ്ണ്ടി കജട്ട പഡുഡൊ.

2 തിമിത്തോസു 2:10

അദ്‌നാലെ സാമി തെരിന്തെ്ഡ്‌ത്ത ആള്‌ഗാള് ക്‌റ്‌സ്‌ത്ത് ഏസ്സ്‌ന നമ്പി തപ്പിസി കഡാക്ക്യാമ് എന്നാല്‌ക്ക്‌മ് മദ്‌പ്പോഡാമ് അമ്‌സത്തോഡാമ് ഇര്‌ക്ക്യ നാന് ഈ കജട്ടഗാളെല്ല താങ്ക്‌ന്റേന്.

2 തിമിത്തോസു 2:9

അയി നല്ല സേദിന സൊല്ലുവാദ്‌നാലെത്തെ നാന് കജട്ട പഡുവാദ്‌മ് ഇന്നാല് ഒന്റു കുറ്റ ഗേന്തവാന്‌ന പാസെ എനാന സങ്കിലിക്കി കെ്ട്ടി ബെത്ത്‌റ്‌ക്കുവാദ്‌മ്. ആന നാന് ജെയില്‌ല് ഇന്താല്‌മ് ബേ്റെ ആള്‌ഗാള് സാമിത്ത് ഈ നല്ല സേദിന പറ്റി സൊല്ലി കൊഡുക്കുവാര്.

2 തിമിത്തോസു 3:11

നാന് കൊഡിമെ പട്ടാദ്‌നാമ്, നാന് കജട്ട പട്ടാദ്‌ഗാള്‌നാമ് നിനാക്ക് തെരിമല്ല. അന്തോക്ക്യ, ഇക്കോന്യ, ലുസുറ എന്നുവ പട്ടണഗാള്‌ല് നാന് എന്തെല്ല കൊഡിമെഗാള് പട്ടേനെന്റ് നിനാക്ക് തെരിമ്. ആന അദ്‌ലിന്തെല്ല ആണ്ടവാന് എനാന കാപാറ്റ്‌നാന്.

2 തിമിത്തോസു 4:5

ആന നീ ഏദ്‌ഗളിഗേമ് സൂസാരിത്ത് നഡാക്കുഡൊ, എല്ലാ കജട്ടനാമ് താങ്കുഡൊ, നല്ല സേദിന സൊല്ലി കൊഡുക്കുഡൊ, സാമി നിനാക്ക് ഗേയ തന്ത്‌റ്‌ക്കുവ ഗിലാസനൊട്ടുക്കു നീ നലമായി ഗേഡൊ.

എവുറായാര് 10:32

സത്ത്യന തെരിന്ത മുദാല്‌ല നാള്‌ഗാള്‌ന പറ്റി നിമ്മ നെനേത്ത് നോഡുനു. അയി നാള്‌ഗാള്‌ല് പല കാര്യഗാള്‌നാലെ നിമ്മ കജട്ട പട്ടിന്ത്‌റ്. എന്റാല്‌മ് നിമ്മ അയി കാര്യഗാള്‌നാലെ സോറ്റു പോഗാലെ.

എവുറായാര് 11:27

മോസേക്ക് നമ്പിക്കെ ഇന്താദ്‌നാലെ രാജാവു മൊനേക്ക് അഞ്ചാദെ അയാള് മിസ്‌റേമ്‌ലിന്ത് പോനാന്. ആര്‌ക്ക്‌മ് കാണ്യ മുഡ്യാത്ത സാമിന കണ്ട പാസെ അയാള് ഒറേപ്പോഡ പോനാന്.

എവുറായാര് 6:15

അത്തെ അവുറഗാമ് പൊറിമോഡ കാത്തിന്ത് സാമി ബാക്ക് കൊഡുത്താദ്‌ന കെ്ഡേസ്‌നാന്.

ആക്കോവു 1:12

ഏസ്സ്‌ന നമ്പുവാദ്‌നാലെ ബരുവ സോദെണെഗാള്‌ന താങ്കുവാദ്‌ക്കുള്ള ദയിര കെ്ഡേസിര്‌ക്ക്‌ന്റവാന് ബാഗ്യഗാറാന്. എന്ത്‌ക്കെന്റ് സൊന്ന കജട്ടഗാള്‌നെല്ല താങ്കി നമ്പിക്കേന ബ്‌ഡാദെ ഒറേത്ത് നില്ല്‌ന്റവാന്‌ക്ക് സാമി നല്ല പെ്ളേപ്പ്‌ന കൊഡുക്കുവാന്. തന്നോഡ സീവാന്‌ബെത്ത് നഡാക്ക്‌ന്റവാര്‌ക്ക് ഈ നല്ല പെ്ളേപ്പ്‌ന കൊഡുക്കുവേന് എന്റ് സാമി സൊല്ലിമ്‌ര്‌ക്ക്‌ന്റാന്.