2 തിമിത്തോസു 2:11 - സാമി സേദി

¹¹ ഇത്തെ ഒന്റു സൊല്ലു ഇര്‌ക്ക്‌ന്റ്: ഇദ് നേര്‌മ് നമ്പ്യ മുഡിവാദ്‌മ്‌ത്തെ. അദ് എത്തെ എന്റ് സൊന്ന: നമ്മ അയാളോഡ സത്തിന്തദാന നമ്മ അയാളോഡ പെ്ളേക്ക്‌ല.

2 തിമിത്തോസു 2:11 Iomraidhean Croise

ഓഗന്നാന് 14:19

സെറ്റെ കളിന്തദാന ഉലഗാത്ത്‌ല ആള്‌ഗാള് എനാന കാണമാട്ടാര്. ആന നിമ്മാഗൊ എനാന കാണുവുറു, നാന് പെ്ളേക്കുവാദ്‌നാലെ നിമ്മാമ് പെ്ളേക്കുവുറു.

റോമഗാറാര് 6:5

ക്‌റ്‌സ്‌ത്ത് സത്ത സാവുക്കു നമ്മാമ് എ്ണേവദാന, അയാള് സാവുലിന്ത് ഉജുര്‌ളാഗ്‌ന പാസെ നമ്മാമ് ഉജുര്‌ളാഗ്‌ല.

റോമഗാറാര് 6:8

നമ്മ ക്‌റ്‌സ്‌ത്തോഡൊപ്പ സത്താദ്‌നാലെ അയാളോഡൊപ്പ പെ്ളേക്ക്‌ല എന്റ് നമ്മ നമ്പ്‌ന്റാമ്.

2 കൊരിന്ത്യഗാറാര് 13:4

ഒന്റുക്കുമു തഗ്‌ദി ഇല്ലത്തവാന്‌ന പാസെത്തെ അയാള് കുരുസുലു സത്താദ്. ആന ഇന്നാല് സാമി സക്‌തില് അയാള് പെ്ളേക്ക്‌ന്റാന്. ക്‌റ്‌സ്‌ത്തോഡ ഇര്‌ക്കുവാദ്‌നാലെ എമ്മാമ് അയാള്‌ന പാസെ ഒന്റുക്കുമു മുഡ്യാത്തവാര് ആയിര്‌ന്റേമ്. ആന ക്‌റ്‌സ്‌ത്തോഡ എ്ണേന്ത്‌റ്‌ക്കുവ എമ്മ സാമി സക്‌തില് നിമാക്ക് ബേ്ണ്ടി പെ്ളേക്ക്‌ന്റേമ്.

2 കൊരിന്ത്യഗാറാര് 4:10

ഏസ്സ് ഉജുരു എമ്മ് സരിഗലാത്ത്‌ല് ഇര്‌ക്ക്‌ന്റ് എന്റ് കാട്ട്യ ബേ്ണ്ടി ഏസ്സ് സാഗാട്ടി പട്ട കജട്ടന പാസെ എമ്മ കജട്ട പഡ്‌ന്റേമ്.

1 തെസെലോനിക്ക്യഗാറാര് 4:17

പ്‌റ ഇന്നാല് ഉജുരോഡ മിച്ച ഇര്‌ക്കുവ നമ്മ സത്തിന്ത് ഉജുര്‌ളാഗ്‌നവാരോഡൊപ്പ ബാന്‌ല് ആണ്ടവാന്‌ന കാണ്യ മഞ്ച്‌ല് ഒന്റായി പോല. അത്തെ നമ്മ എന്നാല്‌ക്ക്‌മ് ആണ്ടവാനോഡൊപ്പ ഇര്‌ക്ക്‌ല.

1 തെസെലോനിക്ക്യഗാറാര് 5:10

അദ്‌നാലെ നമ്മ സത്താല്‌മ് സെരി സാഗാദിന്താല്‌മ് സെരി ഏസ്സോഡൊപ്പ പെ്ളേക്ക്യ ബേ്ണ്ടിത്തെ അയാള് നമ്മ് പാവാന തീര്‌ക്ക്യ സത്താദ്.

1 തിമിത്തോസു 1:15

ഇത്തെ ഒന്റു സൊല്ലു ഇര്‌ക്ക്‌ന്റ്: <<പാവ ഗേന്റവാര്‌ന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ബൂമിക്ക് ബന്താന്.>> ഈ സൊല്ലു നേര്‌മ് നമ്പ്യ മുഡിവാദ്‌മ്‌ത്തെ. ആന അയി കുറ്റ ഗേന്തവാര്‌ല് മ്‌ഗ്‌ന്ത കുറ്റഗാറാന് നാന്‌ത്തെ.

1 തിമിത്തോസു 3:1

ഇത്തെ ഒന്റു സൊല്ലു ഇര്‌ക്ക്‌ന്റ്: <<ഒന്റൊരുത്താന് ഏസ്സ്‌ഗാറാര് കൂട്ടാക്ക് മൂപ്പാനായ ആസെപഡുവദാന ദൊഡ്ഡൊന്റു ഗിലാസ ഗേയാത്തെ ആസെപഡ്‌ന്റാന്.>> ഈ സൊല്ലു നേര്‌മ് നമ്പ്യ മുഡിവാദ്‌മ്‌ത്തെ.

തീത്തോസു 3:8

നാന് സൊന്ന ഈ കാര്യഗാളെല്ല നേര്‌മ് നമ്പ്യ മുഡിവാദ്‌മ്‌ത്തെ. അദ്‌നാലെ ഈ കാര്യഗാള്‌നെല്ല കണ്ടിപ്പായി ആള്‌ഗാള്‌ക്ക് പഡുസുഡൊ എന്റ് നാന് ആസെപഡ്‌ന്റെ. അത്ത്യാന സാമിന നമ്പിര്‌ക്കുവ ആള്‌ഗാള് നല്ല കാര്യഗാള് ഗേയ ബേ്ണ്ടി നല്ല ഓരാഡുവാര്. ഈ കാര്യഗാള് നല്ലാദ്‌മ് എല്ലാ ആള്‌ഗാള്‌ക്ക്‌മ് ഉവഗരപഡുവാദ്‌മ്‌ത്തെ.