2 തിമിത്തോസു 2:10 - സാമി സേദി

¹⁰ അദ്‌നാലെ സാമി തെരിന്തെ്ഡ്‌ത്ത ആള്‌ഗാള് ക്‌റ്‌സ്‌ത്ത് ഏസ്സ്‌ന നമ്പി തപ്പിസി കഡാക്ക്യാമ് എന്നാല്‌ക്ക്‌മ് മദ്‌പ്പോഡാമ് അമ്‌സത്തോഡാമ് ഇര്‌ക്ക്യ നാന് ഈ കജട്ടഗാളെല്ല താങ്ക്‌ന്റേന്.

2 തിമിത്തോസു 2:10 Iomraidhean Croise

മത്തായി 24:22

ആന സാമി അയി നാള്‌ഗാള്‌ന കമ്മി മാഡാദിന്ത ആര്‌ക്ക്‌മ് താങ്ക്യ മുഡ്യാമാട്ട. ആന താന് തെരിന്തെ്ഡ്‌ത്തവാര്‌ന നെനേത്ത് സാമി അയി നാള്‌ഗാള്‌ന കമ്മി മാഡിര്‌ന്റാന്.

മത്തായി 24:24

പഗ്‌ദ്യാള്‌ഗാള് തമ്മാത്തെ ക്‌റ്‌സ്‌ത്ത് എന്റ്‌മ് ബേ്റെ പഗ്‌ദ്യാള്‌ഗാള് തമ്മാത്തെ സാമിദാസ്‌ഗാള് എന്റ്‌മ് ഉറുട്ടു സൊല്ലി ബരുവാര്. അവാര് സാമി പട്ട്‌ലിന്ത് ബന്തവാര് എന്റ് കാട്ട്യ ദൊഡ്ഡുദൊഡ്ഡ അദിസ്യഗാള് ഗേവാര്. മുഡിന്തളാവുക്കു സാമി തെരിന്തെ്ഡ്‌ത്തവാര്‌ന ഗുഡി ഏമാത്ത്യ ബേ്ണ്ടി അവാര് ഇദെല്ല ഗേവാര്.

മത്തായി 24:31

മന്‌സാനായി പ്‌റാന്തവാന് തന്ന് ദൂദാര്‌ഗാള്‌ന ദൊഡ്ഡ ആലാപ്പോഡ ഊദുവ കൊമ്പൂദത്തോഡ സൊല്ലി ബ്‌ഡുവാന്. അവാര് സാമി തെരിന്തെ്ഡ്‌ത്തവാര്‌ന ബൂമിക്ക് നാക്ക് സാരിന്ത്‌മ് എല്ലാ എ്ഡെഗാള്‌ലിന്ത്‌മ് കൂട്ടി ഒന്റുക്കു സേത്തുവാര്.>>

ലൂക്കോസു 18:7

അത്ത്യാന ഉദാവിക്ക് ബേ്ണ്ടി റാവുപഗാല് തനാന നെനേത്ത് കേ്യിവ താന് തെരിന്തെ്ഡ്‌ത്തിര്‌ക്കുവ ആള്‌ഗാള്‌ക്ക് ബേ്ണ്ടി സാമി നായനൊഡിന്ത് സട്ടന മുഡിവു മാഡി കൊഡുക്കമാട്ടാന?

ലൂക്കോസു 22:57

അദുക്കുള പത്ത്‌റോസു അവാള്‌ക്ക്: <<പെ്ണ്ണെ, എനാക്ക് അയാള്‌ന തെര്യാഗേ തെര്യ!>> എന്റ് സൊന്നാന്.

ഓഗന്നാന് 11:52

എഗുദാര് ജാദിക്ക് താനേമല്ല, ഉലഗാത്ത്‌ല് ഒട്ടുക്കു ജില്ലമ്പുല്ലാത്ത് ആയിര്‌ക്കുവ സാമിക്ക് പട്ടവാര്‌നാമ് ഒന്റുക്കു താനെ കൂട്ടി സേത്ത്യ ബേ്ണ്ടിത്തെ.

ഓഗന്നാന് 17:24

അപ്പാ, നീ എനാക്ക് തന്ത്‌റ്‌ക്ക്‌ന്റവാര് നാന് ഇര്‌ക്കുവ പട്ട്‌ല് എന്നോഡ ഇര്‌ക്ക്യ ബേ്ണ്ടി നാന് ആസെപഡ്‌ന്റെ. നീ ഉലഗാന ഉണ്ടാക്കാത്ത മുദാല് താനെ എനാന സീവാന് പട്ടാദ്‌നാലെ നീ എനാക്ക് തന്ത്‌റ്‌ക്കുവ മദ്‌പ്പ്‌ന അത്തെ അവാര്‌ക്ക് കാണ്യ മുഡിമ്.

ഓഗന്നാന് 17:9

നാന് അവാര്‌ക്ക് ബേ്ണ്ടി പരേസ്‌ന്റെ, നീ എനാക്ക് തന്ത അവാര് നിനാക്കുള്ളവാര് ആനാദ്‌നാലെ നാന് അവാര്‌ക്ക് ബേ്ണ്ടിത്തെ പരേസ്‌ന്റെ. ഉലഗാത്ത്‌ല ആള്‌ഗാള്‌ക്ക് ബേ്ണ്ട്യല്ല പരേസുവാദ്.

റോമഗാറാര് 2:7

സോറ്റു പോഗാദിന്ത് നല്ല കാര്യഗാള് ഗേന്ത് മാനാമ് മദ്‌പ്പ്‌മ് അളിവില്ലാത്ത പെ്ളേപ്പ്‌മ് കെ്ഡേസ്യ നോഡുന്റവാര്‌ക്ക് സാമി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കൊഡുക്കുവാന്.

റോമഗാറാര് 9:23

അദ്‌താനേമല്ല, സാമി തന്ന് ദൊഡ്ഡ മദ്‌പ്പ്‌ന കാട്ടി കൊഡുക്ക്യ ബേ്ണ്ടി ആസെപട്ടാന്. തന്ന് ദൊഡ്ഡ മദ്‌പ്പ്‌ക്ക് പങ്ക്‌ഗാറാരായ ബേ്ണ്ടി മുന്നുക്കു താനെ തെരിന്തെ്ഡ്‌ത്തവാര്‌മ് താന് ഗവ പട്ടവാര്‌മാന നമാക്ക്‌ത്തെ സാമി അയി മദ്‌പ്പ്‌ന കാട്ട്‌നാദ്.

1 കൊരിന്ത്യഗാറാര് 1:21

തമാക്കിര്‌ക്കുവ അറുവുലുമു ബുദ്ദില്‌മ് ഉലഗാത്ത്‌ല ആള്‌ഗാള്‌ക്ക് സാമിന നെപ്പ്‌കെ്ഡേസ്യ മുഡ്യാമാട്ട എന്റ് സാമി തന്ന് അറുവുലുമു ബുദ്ദില്‌മ് മുഡിവെ്ഡ്‌ത്താന്. അദ്‌നാലെ ബുദ്ദിഗെ്ട്ട നായ എന്റ് ആള്‌ഗാള് നെനേക്കുവ സേദിന നമ്പുവ ആള്‌ഗാള്‌ന കാപാറ്റ്യ സാമിക്ക് പിര്യ പ്‌ഡിത്ത്‌ദ്.

1 കൊരിന്ത്യഗാറാര് 9:22

മനേസ്സ്‌ല് ഒറേപ്പില്ലത്തവാര്‌ന കെ്ഡേസ്യ ബേ്ണ്ടി അവാര് പട്ട്‌ല് നാന് അവാര്‌ന പാസെ ആനേന്. എത്തെന്റാല് മാഡി ലേസ ആള്‌ഗാള്‌ന കാപാറ്റ്യ ബേ്ണ്ടി നാന് എല്ലാ ആള്‌ഗാള്‌ക്ക് ബേ്ണ്ടി എല്ലാ ആള്‌ഗാള്‌ന പാസെ ആനേന്.

2 കൊരിന്ത്യഗാറാര് 1:6

എമ്മ കജട്ട പഡ്‌ഗാട്ടി എമാക്ക് നിമാന പിരാക്കി ബെക്ക്യ മുഡിമ്. അത്തെ നിമാക്ക് സാമി ആസെപഡുവ പാസെ പെ്ളേക്ക്‌ന്റവാരായ മുഡിമ്. എമാക്ക് ബന്ത കജട്ടാത്ത്‌ല് എമ്മ പിരാക്കി ബെത്ത്‌റ്‌ന്റവാര് ആനദാന അദേ കജട്ടഗാള് നിമാക്ക് ബര്‌ഗാട്ടി നിമാക്ക്‌മ് അദ്‌നെല്ല പൊറിമോഡ താങ്ക്യ മുഡിമ്.

2 കൊരിന്ത്യഗാറാര് 12:15

നിമാന കയിതാങ്ക്യ ബേ്ണ്ടി നാന് എനാക്ക് ഇര്‌ക്കുവാദ്‌ന ഒട്ടുക്കുമു നാന് പിര്യപിര്യാത്ത് സിലാവു മാഡുവെ. അദ്‌താനേമല്ല നിമാന കയിതാങ്ക്യ ബേ്ണ്ടി നാന് എനാന താനേമ് പിര്യപിര്യാത്ത് ഒപ്പിസി തരുവെ. നാന് നിമാന അദിഗ സീവാന്‌പഡുവാദ്‌നാലെ നിമ്മ സെറ്റെന്റാല് എനാന സീവാന്‌പഡുവുറ?

2 കൊരിന്ത്യഗാറാര് 4:15

ഇദെല്ലാമ് നിമാക്ക് നല്ലാദ് ബര്യ ബേ്ണ്ടിമ് ആണ്ടവാന് പ്‌ണ്ണ്യ സേത്തി സേത്തി ആള്‌ഗാള്‌ക്ക് കെ്ഡേക്ക്യ ബേ്ണ്ടിമ് ഉദാവ്യാന്റ്. അത്തെ അവാര് ഒട്ടുക്കു സേത്തി സേത്തി സാമിക്ക് നണ്ണി സൊല്ലുവാര്.

2 കൊരിന്ത്യഗാറാര് 4:17

എന്ത്‌ക്കെന്റ് സൊന്ന എമ്മ പഡുവ ഈ കജട്ടഗാള് സ്‌ന്ന്‌സ്‌ന്നാദ്‌മ് സെറ്റെ നേര ഇര്‌ക്കുവാദ്‌മ്‌ത്തെ. ആന ഈ കജട്ടഗാളെല്ല ഒന്റേപെ്ട്ട് മ്‌ഗ്‌ന്താദ്‌മ് എന്നാല്‌ക്ക്മ്‌ ഇര്‌ക്കുവാദ്‌മാന മദ്‌പ്പ്‌ക്ക് എമാന പങ്ക്‌ഗാറാര് മാഡ്‌ന്റ്. അയി മദ്‌പ്പ്‌ന ഇന്നാല്‌ല കജട്ടഗാള്‌ക്ക് എ്ണേത്ത് ബെത്ത് നോഡ്യ പോന ഈ കജട്ടഗാള് ഒന്റുമല്ല.

എപസോസുഗാറാര് 3:13

അദ്‌നാലെ നാന് നിമാക്ക് സൊല്ലുവാദ് എന്തെന്റ് സൊന്ന, നാന് കജട്ട പഡുവാദ്‌നാലെ നിമാക്ക് ഈ പെരിമെപഡുവ പെ്ളേപ്പ് കെ്ഡേത്ത്‌ദ്. അദ്‌നാലെ നാന് ഇന്നാല് ജെയില്‌ലിന്ത് പഡുവ ഈ കജട്ടഗാള്‌ന നെനേത്ത് നിമ്മ സോറ്റു പോഗാദിര്‌ന്.

കൊലേസ്യഗാറാര് 1:24

അദ്‌നാലെ ഏസ്സ്‌ഗാറാര് കൂട്ട ആയിര്‌ക്കുവ നിമാക്ക് ബേ്ണ്ടി നാന് പട്ട കജട്ടന നെനേത്ത് നാന് പിര്യപൊങ്കുന്റെ. എന്ത്‌ക്കെന്റ് സൊന്ന ഏസ്സ്‌ഗാറാര് കൂട്ട എന്നുവ തന്ന് സരിഗലാക്ക് ബേ്ണ്ടി ക്‌റ്‌സ്‌ത്ത് പട്ട കൊഡിമെഗാള്‌ക്ക് നാന്‌മ് പങ്ക്‌ഗാറാന് ആന്റെ.

കൊലേസ്യഗാറാര് 1:27

ഏസ്സ് ക്‌റ്‌സ്‌ത്ത്‌നാലെ സാമ്യോഡ എ്ണേവ ബാഗ്യ ഈ ഉലഗാത്ത്‌ലിര്‌ക്കുവ എല്ലാ ജാദിഗാള്‌ക്ക്‌മ് കെ്ഡേക്കുവ ഈ സേദി ഇന്നമാട്ട്‌ക്ക് തെര്യാദിന്ത്‌ദ്. ആന ഏസ്സ്‌ഗാറാര് കൂട്ടാക്ക് അദ്‌ന ഇന്നാല് സൊല്ലി കൊഡുക്ക്യ സാമി ആസെപട്ടാന്. അദ്‌നാലെ ഏസ്സ്‌ന നമ്പി സാമിക്ക് എ്ണേവാദ് നിമാക്ക് കെ്ഡേത്ത ദൊഡ്ഡ ബാഗ്യത്തെ.

1 തെസെലോനിക്ക്യഗാറാര് 5:9

സാമി മൊനെ ബന്ത് ദെ്ണ്ടിക്കുവ ദെ്ണ്ടണേക്ക് സിക്ക്യ സാമി നമാന തെരിന്തെ്ഡ്‌ക്കാലെ. ആന നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ന ബെത്ത് തപ്പിസി കഡാക്ക്യത്തെ സാമി നമാന തെരിന്തെ്ഡ്‌ത്ത്‌റ്‌ക്കുവാദ്.

2 തെസെലോനിക്ക്യഗാറാര് 2:14

നിമാന കാപാറ്റി നമ്മ് ആണ്ടവാന് ഏസ്സ് ക്‌റ്‌സ്‌ത്ത് മദ്‌പ്പ്‌ക്ക് പങ്ക്‌ഗാറാര് ആയ ബേ്ണ്ടിത്തെ സാമി നിമാന ബ്‌ളിത്ത്‌റ്‌ക്കുവാദ്. അദ്‌ക്ക് ബേ്ണ്ടിത്തെ എമാന ബെത്ത് സാമി നിമാക്ക് ഈ നല്ല സേദിന സൊന്നാദ്.

2 തിമിത്തോസു 1:1

എനാക്ക് മെച്ച്‌പ്‌ഡിത്ത മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെ നമാക്ക് കെ്ഡേക്ക്‌മെന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന പറ്റി സൊല്ല്യ സാമി ആസെപഡി ക്‌റ്‌സ്‌ത്ത് ഏസ്സ് അപ്പോസുത്തലാന് ആയിര്‌ക്കുവ പവുലോസു എ്ള്‌ദുവാദ്. നമ്മ് അപ്പാന് സാമിമ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന ഗവാമ് പഡുഡൊ, നിനാന നിമ്മ്‌ദ്യായിമ് ബെക്കുഡൊ.

2 തിമിത്തോസു 2:1

അദ്‌നാലെ എനാക്ക് മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സ് പ്‌ണ്ണ്യാത്ത്‌ല് നീ ബിലപട്ടവാനായി ഇര്.

2 തിമിത്തോസു 2:3

ഒന്റു പട്ടളഗാറാന് കജട്ടഗാള്‌ന താങ്കുവ പാസെ നീയിമ് ക്‌റ്‌സ്‌ത്ത് ഏസ്സ്‌ത്ത് നല്ല ഗിലാസഗാറാനായി എമ്മോഡൊപ്പ കജട്ടഗാള്‌ന താങ്കുഡൊ.

തീത്തോസു 1:1

എനാന പാസെ ഏസ്സ്‌ന നമ്പ്‌ന്റവാന്‌മ് എനാക്ക് നേര്‌മായി മഗാന്‌മ് ആയിര്‌ക്കുവ തീത്തോസെ, സാമി ഗിലാസഗാറാന്‌മ് ഏസ്സ് ക്‌റ്‌സ്‌ത്ത് അപ്പോസുത്തലാന്‌മ് ആയിര്‌ക്കുവ പവുലോസു എന്നുവ നാന് നിനാക്ക് എ്ള്‌ദുവാദ്. സാമി തെരിന്തെ്ഡ്‌ത്ത ആള്‌ഗാള് ഏസ്സ്‌ന ഒറേപ്പായി നമ്പ്യാമ് സാമി പിര്യാക്ക് പെ്ളേക്ക്യ ബേ്ണ്ടി ക്‌റ്‌സ്‌ത്ത്‌ന പറ്റി പഡുസുവ സത്ത്യമാന കാര്യഗാള്‌ന അവാര്‌ക്ക് സൊക്കാന സൊല്ലി കൊഡുക്ക്യാമ് സാമി എനാന അപ്പോസുത്തലാനായി സൊല്ലി ബ്‌ട്ട്‌റ്‌ന്റാന്. എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് സാമി തന്റെ എന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേക്ക്‌മ് എന്നുവ ഒറേപ്പ് ഈ സത്ത്യമാന കാര്യഗാള്‌ലിന്ത് കെ്ഡേക്ക്‌ന്റ്. അദ് തന്റെന്റ് സൊന്ന സാമി താന് സൊന്ന ബാക്ക്‌ന തവാറ്‌സമാട്ടാന്. സാമി മുഡിവു മാഡിന്ത അദേ ഗളിഗേക്ക് താനെ ഈ സത്ത്യമാന കാര്യഗാള്‌ന സൊല്ലി തന്ത് എദ്‌ക്ക മാഡ്‌നാന്. ഈ സത്ത്യമാന കാര്യഗാള്‌ന സൊല്ലി കൊഡുക്ക്യ നമാന കാപാറ്റുവ സാമി എനാക്ക് സൊല്ലിര്‌ക്ക്‌ന്റാന്. നമ്മ് അപ്പാന് സാമിമ് നമാന കാപാറ്റുവ ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന നിമ്മ്‌ദ്യായിമ് ബെക്കുഡൊ.

1 പത്ത്‌റോസു 2:10

മുന്നുക്കു നിമ്മ സാമിക്ക് പട്ട ജനഗാള് ആയിര്‌ക്കാലെ. ആന ഇന്നാല് നിമ്മ സാമിക്ക് പട്ട ജനഗാള് ആയിര്‌ക്ക്‌ന്റ്‌റ്. മുന്നുക്കു നിമ്മ സാമി ഗവപഡുവാദ്‌ന കാണാലെ. ആന ഇന്നാല് നിമ്മ സാമി ഗവപഡുവാദ്‌ന കണ്ട്‌റ്‌ക്ക്‌ന്റ്‌റ്.

1 പത്ത്‌റോസു 5:10

എല്ലാ പ്‌ണ്ണ്യാമ് ഗേവ സാമി ഏസ്സ് ക്‌റ്‌സ്‌ത്ത്‌ന ബെത്ത് എന്നാല്‌ക്ക്‌മ് ദൊഡ്ഡവാര് ആയിര്‌ക്ക്യ ബേ്ണ്ടി നിമാന ബ്‌ളിത്ത്‌റ്‌ന്റാന്. അദ്‌നാലെ നിമാക്ക് ബരുവ അദിഗ കാല ഇര്‌ക്കാത്ത കജട്ടന താങ്ക്‌ന പ്‌റ അയാള് നിമാന കൊറേവില്ലത്തവാര് മാഡിമ് കയി താങ്കിമ് ബില പഡിസിമ് ഒറേപ്പുള്ളവാര് മാഡിമ് ബെക്കുവാന്.