2 തിമിത്തോസു 1:9 - സാമി സേദി9 സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്. Faic an caibideil |
2 തിമിത്തോസു 1:9
41 Iomraidhean Croise
അയി ഗളിഗേല് ഏസ്സ്‌ക്ക് സാമിനിഗാലേ്റി മ്‌ഗ്‌ന്ത പിര്യാത്ത്‌ല് ഇത്തെ പരേസ്‌നാന്: <<അപ്പാ, മേലോഗാക്ക്‌മ് ബൂലോഗാക്ക്‌മ് ആണ്ടവാനായിര്‌ക്ക്‌ന്റവനെ, നീ ഇദ്‌ന അറുവുഗാറാര്‌ക്ക്‌മ് ബുദ്ദിസാലിഗാള്‌ക്ക്‌മ് മറേസി ബെത്ത് സ്‌ന്നമക്കാള്‌ന പാസെ തണിന്ത് നഡാക്ക്‌ന്റവാര്‌ക്ക് കാട്ടി കൊഡുത്ത്‌റ്‌ന്റായി. നേര്‌ത്തപ്പ, അത്തെ ഗേയാത്തെ നിനാക്ക് ആസെ ഇന്താദ്.>>
ആന മക്കാള് പ്‌റാക്കാത്ത മുന്നുക്കു താനെ, അവാര് നല്ലാദൊ കെ്ട്ടാദൊ ഗേഗാത്ത മുന്നുക്കു താനെത്തെ <<ദൊഡ്ഡ മഗാന് സ്‌ന്ന മഗാന്‌ക്ക് ഗിലാസഗാറാനായി പെ്ളേക്കുവാന്>> എന്റ് സാമി റിവേക്കാക്ക് സൊന്നാന്. ഇദ് അര്‌ത്ത മാഡുവാദ് എന്തെന്റ് സൊന്ന, സാമി ഒരുത്താന്‌ന തെരിന്തെ്ഡ്‌ക്കുവാദ് അയാള് ഗേവ കാര്യന നോഡ്യല്ല, ആന ബ്‌ളിക്കുവ സാമി ആസെ പഡിത്തെ തെരിന്തെ്ഡ്‌ക്കുവാദ്.
ക്‌റ്‌സ്‌ത്ത് ഏസ്സ്‌ന നമ്പുവാദ്‌നാലെ എനാക്ക് സൊന്ത മഗാനായിര്‌ക്കുവ തിമിത്തോസെ, നമാന കാപാറ്റുവ സാമിമ്, നമ്മ നെഞ്ചഡെ ബെത്ത്‌റ്‌ക്കുവ ക്‌റ്‌സ്‌ത്ത് ഏസ്സ്‌മ് തന്ത അദിഗര കണാക്ക്‌ല് ക്‌റ്‌സ്‌ത്ത് ഏസ്സ് അപ്പോസുത്തലാന് ആയിര്‌ക്കുവ പവുലോസു എ്ള്‌ദുവാദ്. നമ്മ് അപ്പാന് സാമിമ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന ഗവാമ് പഡുഡൊ, നിനാന നിമ്മ്‌ദ്യായിമ് ബെക്കുഡൊ.
എനാക്ക് മെച്ച്‌പ്‌ഡിത്ത മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെ നമാക്ക് കെ്ഡേക്ക്‌മെന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന പറ്റി സൊല്ല്യ സാമി ആസെപഡി ക്‌റ്‌സ്‌ത്ത് ഏസ്സ് അപ്പോസുത്തലാന് ആയിര്‌ക്കുവ പവുലോസു എ്ള്‌ദുവാദ്. നമ്മ് അപ്പാന് സാമിമ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന ഗവാമ് പഡുഡൊ, നിനാന നിമ്മ്‌ദ്യായിമ് ബെക്കുഡൊ.
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
നീ കണ്ട ബേ്ണ്ട് എന്നുവാദൊ മുന്നുക്കു ഇന്താദ്‌മ് ആന ഇന്നാല് ഇല്ലാത്താദ്‌മ്‌ത്തെ. അഡി അറ്റ ഇല്ലാത്ത കുയിലിന്ത് ഇന്നി ഏ്റി ബന്ത് അള്യ പോവാദ്‌മ്‌ത്തെ. എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കുലു ഉലഗാന ഉണ്ടാക്കുവാദ്‌ക്ക് മുദാല് താനെ പേര് എ്ള്‌ദാത്ത ബൂമില് ഇര്‌ക്കുവ ആള്‌ഗാള് മുദാല് ഇന്താദ്‌മ് ഇന്നാല് ഇല്ലത്താദ്‌മ് ഇന്നി ബര്യ പോവാദ്‌മ് ആന അയി ബേ്ണ്ട്‌ന കണ്ട് അദിസ്യപഡുവാര്.
Sanasan