2 തിമിത്തോസു 1:4 - സാമി സേദി

⁴ നീ കണ്ണനീര് സൂസുനാദ്‌ന നെനേക്കാട്ടി നിനാന ബന്ത് നോഡ്യ എനാക്ക് അറാക്കെ എ്ഡ്‌ക്ക്‌ന്റ്. അത്തെ ബന്ത് കണ്ടദാന എനാക്ക് ദ്‌ഡ്‌ക്കനാവു.

2 തിമിത്തോസു 1:4 Iomraidhean Croise

ഓഗന്നാന് 16:22

അദേപാസെ നിമാക്ക്‌മ് ഇന്നാല് ദുക്ക ഇര്‌ക്ക്‌ന്റ്, എന്റാല്‌മ് നാന് നിമാന പിന്നേമ് കാണുവെ. അദുക്കുള നിമ്മ് നെഞ്ച്‌ല് പിര്യ ബര്‌മ്, നിമാക്ക് ഇര്‌ക്കുവ അയി പിര്യാന ആര്‌ക്ക്‌മ് ഇല്ലാദെ മാഡ്യ മുഡ്യാമാട്ട.

ഓഗന്നാന് 16:24

ഇന്നമാട്ട്‌ക്ക് നിമ്മ എന്ന് പേര്‌ല് ഒന്റുമു കേ്ള്‌ക്കാലെ, സാമിന ബേ്ഡി കൊണ്ടേ ഇര്‌ന്, എന്റ് നിമാക്ക് കെ്ഡേക്ക്‌മ്. അത്തെ നിമ്മ് പിര്യാക്ക് ഒന്റു കൊറേവുമു ബരമാട്ട.

അപ്പോസുത്തലാര് 20:19

ലേസ എഗുദാര് എനാന കൊല്ല്യ സട്ട കെ്ട്ട്‌നാര്. അദ്‌നാലെ നാന് മ്‌ഗ്‌ന്ത കജട്ട പട്ടേന്. അയി ഗളിഗേല് നാന്‌ത്തെ ദൊഡ്ഡവാന് എന്റ് കാട്ടാദെ മ്‌ഗ്‌ന്ത കണ്ണനീരോഡ എന്ന് ആണ്ടവാന് ഗിലാസഗാറാനായി എന്ന് ഗിലാസാന ഗേന്തേന്.

അപ്പോസുത്തലാര് 20:31

അദ്‌നാലെ സൂസാരിത്ത് ഇര്‌ക്കുഡൊ. മൂറു ബര്‌സ്സ കാല ഇ്റ്‌ട്ട്‌പഗാല് അപ്പാര കജട്ട പട്ട്‌കൊണ്ടു നാന് നിമാക്ക് ബുദ്ദി സൊല്ലി തന്താദ്‌ന നെപ്പ് ബെത്ത്‌റ്‌ന്.

റോമഗാറാര് 1:11

ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കേല് നിമാന ഒറേപ്പ് മാഡ്യ എന്താറ്റ ബരഗാള് നിമാക്ക് തര്യ ബേ്ണ്ടി നാന് നിമാന കാണ്യ ആസെപഡ്‌ന്റെ.

പിലിപ്പ്യഗാറാര് 1:8

ക്‌റ്‌സ്‌ത്ത് ഏസ്സ് നിമ്മോഡ ഉജുരുക്കുജുര സീവാന്‌ബെത്ത്‌റ്‌ക്കുവ പാസെ നാന്‌മ് നിമ്മോഡ സീവാന്‌ബെത്ത്‌റ്‌ക്കുവാദ്‌നാലെ നിമാന ബന്ത് കാണുഡൊ എന്റ് എനാക്ക് അറാക്കെ്ഡ്‌ക്ക്‌ന്റ്. അയി കാര്യ സാമിക്ക് തെരിന്റ്.

പിലിപ്പ്യഗാറാര് 2:26

എന്ത്‌ക്കെന്റ് സൊന്ന അയാള് നിമാനൊട്ടുക്കു മറിസി കാണുഡൊ എന്റ് ദൊഡ്ഡാദ്‌ക്ക് അറാക്കെപട്ടാന്, അയാള് നോയായി ഇര്‌ന്റാനെന്റ് നിമ്മ കേ്ട്ടാദ്‌നാലെ അയാള് സങ്കഡപട്ട്‌മ് ഇന്താന്.

1 തെസെലോനിക്ക്യഗാറാര് 2:17

ഏസ്സ്‌ഗാറാരെ, എമ്മ സെറ്റെ ഗളിഗേത്തെ നിമ്മ് പട്ട്‌ലിന്ത് പ്‌റ്‌ന്തിന്തേമ്, എന്റാല്‌മ് എമ്മ് നെനേവൊട്ടുക്കു നിമ്മോഡത്തെ ഇന്ത്‌ദ്. അദ്‌നാലെ നിമാന ബന്ത് നോഡ്യ എമാക്ക് എത്ത്‌റാഗോ അറാക്കെ എ്ഡ്‌ത്താദ്‌നാലെ അദ്‌ക്ക് ബേ്ണ്ടി എഞ്ചോ ജമ്പ് ഓരാഡ്‌നേമ്.

2 തിമിത്തോസു 4:21

സളിഗളിഗേക്ക് മുദാല് എന്ന് പട്ട്‌ക്ക് ബര്യ മുഡിവ മാട്ട്‌ക്ക് ഓരാഡ്. ഉവുലോസു നിനാന ബിനാത്ത്‌ന്റാന്. അയാളല്ലാദെ താനെ പൂദോസുമു, ലീനോസുമു, ക്‌ളാവുദ്യാമ്, ബാക്ക്യുള്ള ഏസ്സ്‌ഗാറാര് ഒട്ടുക്കുമു നിനാന ബിനാത്ത്‌ന്റാര്.

2 തിമിത്തോസു 4:9

എന്ന് പട്ട്‌ക്ക് സട്ടന ബര്യ നിന്നാവാദ് ഓരാഡ്.

1 ഓഗന്നാന് 1:4

അത്തെ നിമ്മ എമ്മോഡ എ്ണേന്ത് നമ്മൊട്ടുക്കു മനേസ്സാറ പിര്യപിര്യാത്ത് ഇര്‌ക്ക്യത്തെ എമ്മ ഇദ്‌ന പറ്റി നിമാക്ക് എ്ള്‌ദുവാദ്.

ബെ്ളിപട്ട കാര്യ 21:4

അവാര് കണ്ണ്‌ല കണ്ണ നീര്‌നെല്ല സാമി തെനേക്കുവാന്. ഇന്നി സാവോ, ദുക്കാഗൊ, കേ്സ്യൊ, ബിജാഗൊ, ഇര്‌ക്കമാട്ട. എന്ത്‌ക്കെന്റ് സൊന്ന മുദാല് ഇന്താദ് ഒട്ടുക്കു കാണദ്യാറ്റ്.>>

ബെ്ളിപട്ട കാര്യ 7:17

കുറിഞ്ചിക്ക് നഡ്‌ക്കെ ഇര്‌ക്കുവ കൊറ്യാഡ് കുട്ടി അവാര്‌ക്ക് മാട്ട്യാന് ആയിര്‌ക്കുവാന്. ഉജുരു തരുവ നീര് ജെനിക്കുവ പട്ട്‌ക്ക് അയാള് അവാര്‌ന കൂട്ടി പോവാന്. അവാര് കണ്ണ്‌ല കണ്ണനീര്‌നെല്ല സാമി തെനേക്കുവാന്.>>