2 തിമിത്തോസു 1:12 - സാമി സേദി12 അദ്‌നാലെത്തെ നാന് ഇന്നാലീ കജട്ട പഡുവാദ്. എന്റാല്‌മ് അത്തെ കജട്ട പഡുവാദ്‌ല് നാന് നാണപഡുവാദില്ലെ. എന്ത്‌ക്കെന്റ് സൊന്ന നാന് ആര്‌ന നമ്പിര്‌ന്റേന് എന്റ് എനാക്ക് തെരിമ്. ആണ്ടവാന് തിരിഗി ബരമാട്ട്‌ക്ക്, എനാക്ക് ഒപ്പിസി തന്ത്‌റ്‌ക്കുവ ഈ കാര്യന പാദ്‌ഗാത്ത് ബെക്ക്യ അയാള്‌ക്ക് മുഡിമെന്റ് എനാക്ക് ഒറേപ്പിര്‌ക്ക്‌ന്റ്. Faic an caibideil |
2 തിമിത്തോസു 1:12
58 Iomraidhean Croise
ആന പവുലോസുമു, ബറ്‌ണവാസ്‌മ് ഒന്റു ഗുഡി ദയിരത്തോഡ എഗുദാര്‌ക്ക് ഇത്തെ സൊന്നാര്: <<മുദാല് സാമി സൊല്ലുസുലാക്കാന നിമാക്ക് സൊല്ലി തന്തിന്ത്‌റ്‌ക്കുഡൊ. എമ്മ അദ്‌ന നിമാക്ക് സൊല്ലി തന്തേമ്. ആന നിമ്മ അദ്‌ന തെ്റിന്ത്‌റ്. എന്നാല്‌ക്ക്‌മ് ഇര്‌ക്കുവ ഉജുരുക്കു നിമ്മ നിമാന താനെ തഗ്‌ദി ഇല്ലത്തവാര് മാഡ്‌ന്റ്‌റ്. അദ്‌നാലെ നിമാന തെ്റിന്ത് തള്ളി എമ്മ എഗുദാര് അല്ലാത്ത ജാദിഗാള് പട്ട്‌ക്ക് പോന്റേമ്.
ആന എനാക്ക് എന്ത് ബന്താല്‌മ് നാന് നാണഗെ്ഡമാട്ടെ. നാന് ഒപ്പ നല്ല ദയിരത്തോഡത്തെ ഇര്‌ക്കുവെ. നാന് ഉജുരോഡിന്തദാന മുന്നുക്കുല പാസെ ഇന്നാല്‌മ് നാന് ഗേവ എല്ലാ കാര്യാത്ത്‌ല്‌മ് ക്‌റ്‌സ്‌ത്ത്‌ന ഉജാത്തി കാട്ടുവെ. സാവദാന നാന് ക്‌റ്‌സ്‌ത്ത്‌ക്ക് ബേ്ണ്ടി സാവാദ്‌നാലെ ക്‌റ്‌സ്‌ത്ത് പേര്‌ക്ക്‌ത്തെ പെരിമെ കെ്ഡേക്ക്‌മ്. ഇദ്‌ത്തെ നാന് ഒപ്പ ആസെപഡുവാദ്‌മ് നെഞ്ചഡെ ബെത്ത്‌റ്‌ക്കുവാദ്‌മ്.
ക്‌റ്‌സ്‌ത്ത്‌ന സത്തവാര് പട്ട്‌ലിന്ത് ഉജുര്‌ളാക്ക്‌ന ബില എനാക്ക് ദാസ്‌ത്തി കെ്ഡേസിമ് ക്‌റ്‌സ്‌ത്ത് പട്ട കൊഡിമേന പാസെ നാന് കൊഡിമെ പട്ട്‌മ് സാഗാട്ടി ക്‌റ്‌സ്‌ത്ത്‌ന പാസെ സത്ത്‌മ് ക്‌റ്‌സ്‌ത്ത്‌ന പറ്റി സൊക്കാന തെര്യ ബേ്ണ്ടി നാന് മ്‌ഗ്‌ന്ത ആസെപഡ്‌ന്റെ. അത്തെ എനാക്ക് കണ്ടിപ്പായി സത്തവാര് കൂട്ടാത്ത്‌ലിന്ത് ഉജുര്‌ളാഗുഡൊ.
അദ് താനേമല്ല എന്ന് ആണ്ടവാന് ക്‌റ്‌സ്‌ത്ത് ഏസ്സ്‌ന പറ്റി തെരിവാദ്‌ത്തെ എല്ലാദ്‌ക്ക്‌മ് ബ്‌ഡ മ്‌ഗ്‌ന്ത കാര്യ എന്റ് എനാക്ക് തെരിന്താദ്‌നാലെ നാന് മുദാല് ദൊഡ്ഡാദെന്റ് പെരിമെപട്ടിന്ത എല്ലാ കാര്യഗാള്‌നാമ് ഒന്റേപെ്ട്ട് ബെലെ ഇല്ലത്താദെന്റ് നാന് ഇന്നാല്‌മ് കണാക്കാക്ക്‌ന്റെ. ക്‌റ്‌സ്‌ത്ത്‌ന തെര്യ ബേ്ണ്ടി ഈ കാര്യഗാള്‌നെല്ല സണ്ട്‌സളാങ്കെന്റ് നാന് ബീസ്യെ്റിന്തെ.
സാമി ദെ്ണ്ടിക്കുവ ദെ്ണ്ടണേലിന്ത് തപ്പിസി കഡാക്ക്യ ബേ്ണ്ടി എഗുദാരല്ലാത്ത ജാദിഗാള്‌ക്ക് എമ്മ സൊല്ലുവ നായന തഡ്‌ക്ക്‌ന്റവാര്‌മ്‌ത്തെ അവാര്. അത്തെ അവാര് ഗേന്ത് കൊണ്ട്‌റ്‌ക്കുവ പാവഗാള് കൂട്ടാക്ക് പിന്നേമ് പാവഗാള് ഗേന്ത് സേത്തി കൊണ്ട്‌റ്ക്ക്‌ന്റാര്. ആന സാമിക്ക് അവാരോഡ ഇര്‌ക്കുവ മൊനേന തീര്‌ക്കുവ കഡേസി നാള് ബന്ത്‌റ്‌ക്ക്‌ന്റ്.
നാന് സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേത്താദ്‌നാലെ കെ്ഡേക്കുവ ഗിര്യാഡന സാമി എനാക്ക് ബേ്ണ്ടി ബെത്ത്‌റ്‌ന്റാന്. ആള്‌ഗാള്‌ന നേരോഡ ദെ്ണ്ടണെ ബിദിക്കുവ ആണ്ടവാന് താന് ദെ്ണ്ടണെ ബിദിക്കുവ നാള്‌ക്ക് എനാക്ക് അയി ഗിര്യാഡന തരുവാന്. എനാക്ക് താനെ അല്ല ആണ്ടവാന് മറിസി ബരുവാദ്‌ന നെഞ്ചഡെബെത്ത് കാത്ത്‌റ്‌ക്ക്‌ന്റവാര്‌ക്ക് ഒട്ടുക്കുമു കൊഡുക്കുവാന്.
നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.
നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.
Sanasan