2 തിമിത്തോസു 1:10 - സാമി സേദി10 ആന ഇന്നാല് നമാന കാപാറ്റുവ ക്‌റ്‌സ്‌ത്ത് ഏസ്സ് ബന്ത് ഇദ്‌ന നമാക്ക് ബെ്ളിപഡിസി തന്ത്‌റ്‌ക്ക്‌ന്റാന്. അയാള് സാവുക്കു ആള്‌മാഡുവ അദിഗരാന ഇല്ലാദെ മാഡിമ് നല്ല സേദിനാലെ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന ബെ്ളിപഡിസിമ് തന്താന്. Faic an caibideil |
2 തിമിത്തോസു 1:10
58 Iomraidhean Croise
അദ്‌നാലെ ആണ്ടവാന് ബന്ത് ബിദിക്കുവ ഗളിഗെ ബരമാട്ട്‌ക്ക് ആര്‌നാമ് ബിദിക്കാദേന്. അന്നമാട്ട്‌ക്ക് കാത്ത്‌റ്‌ന്. ഇ്റ്‌ട്ട്‌ല് മറേന്ത്‌റ്‌ക്കുവാദ്‌ന ബെ്ള്‌സാക്ക് കഡാത്തുവ പാസെ മന്‌സാര് ഒളിസിമറേസി ബെത്ത കാര്യഗാള്‌ന അയാള് എദ്‌ക്ക മാഡുവാന്. അദല്ലാദെ താനെ ആള്‌ഗാള് മനേസ്സ്‌ല് നെനേത്ത് ബെത്ത്‌റ്‌ക്കുവ നെനേവുഗാള്‌നാമ് എദ്‌ക്ക മാഡുവാന്. അയി ഗളിഗെ ഒന്റൊന്റാള്‌ക്ക്‌മ് അവനവാന്‌ക്ക് തഗ്‌ന്ത പേര്‌പെരിമെ സാമിലിന്ത് കെ്ഡേക്ക്‌മ്.
എനാക്ക് മെച്ച്‌പ്‌ഡിത്ത മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെ നമാക്ക് കെ്ഡേക്ക്‌മെന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന പറ്റി സൊല്ല്യ സാമി ആസെപഡി ക്‌റ്‌സ്‌ത്ത് ഏസ്സ് അപ്പോസുത്തലാന് ആയിര്‌ക്കുവ പവുലോസു എ്ള്‌ദുവാദ്. നമ്മ് അപ്പാന് സാമിമ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന ഗവാമ് പഡുഡൊ, നിനാന നിമ്മ്‌ദ്യായിമ് ബെക്കുഡൊ.
നാന് സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേത്താദ്‌നാലെ കെ്ഡേക്കുവ ഗിര്യാഡന സാമി എനാക്ക് ബേ്ണ്ടി ബെത്ത്‌റ്‌ന്റാന്. ആള്‌ഗാള്‌ന നേരോഡ ദെ്ണ്ടണെ ബിദിക്കുവ ആണ്ടവാന് താന് ദെ്ണ്ടണെ ബിദിക്കുവ നാള്‌ക്ക് എനാക്ക് അയി ഗിര്യാഡന തരുവാന്. എനാക്ക് താനെ അല്ല ആണ്ടവാന് മറിസി ബരുവാദ്‌ന നെഞ്ചഡെബെത്ത് കാത്ത്‌റ്‌ക്ക്‌ന്റവാര്‌ക്ക് ഒട്ടുക്കുമു കൊഡുക്കുവാന്.
ഉലഗ ഉണ്ടാഗാത്ത മുദാല് താനെ ഇര്‌ക്കുവ ഈ സൊല്ലുസുലാക്ക മന്‌സാനായി പ്‌റാന്താദ്‌നാലെ എമാക്ക് കണ്ണാറ കാണ്യ മുഡിന്ത്‌ദ്. ഈ സൊല്ലുസുലാക്ക ആയിര്‌ക്ക്‌ന്റവാന്‌ന പറ്റി എമ്മ നിമാക്ക് സൊന്റേമ്. ഈ സൊല്ലുസുലാക്ക ആയിര്‌ക്ക്‌ന്റവാന് മുദാല് താനെഗേ അപ്പാന് സാമ്യോഡ ഇന്തവാന്‌മ് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്റവാന്‌മ്‌ത്തെ എന്റ് എമ്മ നിമാക്ക് സൊന്റേമ്.
Sanasan