1 തിമിത്തോസു 4:2 - സാമി സേദി

² ബക്‌തിഗാറാരായി നഡിക്കുവ ആള്‌ഗാള്‌ത്തെ ഇത്തവ കാര്യഗാള്‌ന പജാത്തുവാദ്. തീക്കിക്കി കാസ്‌ന കമ്പിന ഉരുവുക്കു ബെത്ത് പൊക്കുസുനാല് ഗുഡി ഒന്റുമു തെര്യാത്ത പാസെ നേര് ഏദെന്റൊ പൊയി ഏദെന്റൊ തെര്യാത്തളാവുക്കു അവാര് മനേസ്സ്‌മ് കല്ലായി തള്ളിര്‌ന്റ്.

1 തിമിത്തോസു 4:2 Iomraidhean Croise

മത്തായി 24:24

പഗ്‌ദ്യാള്‌ഗാള് തമ്മാത്തെ ക്‌റ്‌സ്‌ത്ത് എന്റ്‌മ് ബേ്റെ പഗ്‌ദ്യാള്‌ഗാള് തമ്മാത്തെ സാമിദാസ്‌ഗാള് എന്റ്‌മ് ഉറുട്ടു സൊല്ലി ബരുവാര്. അവാര് സാമി പട്ട്‌ലിന്ത് ബന്തവാര് എന്റ് കാട്ട്യ ദൊഡ്ഡുദൊഡ്ഡ അദിസ്യഗാള് ഗേവാര്. മുഡിന്തളാവുക്കു സാമി തെരിന്തെ്ഡ്‌ത്തവാര്‌ന ഗുഡി ഏമാത്ത്യ ബേ്ണ്ടി അവാര് ഇദെല്ല ഗേവാര്.

മത്തായി 7:15

<<സാമിനിഗാല് സൊന്റെന്റ് ഉറുട്ടു സൊല്ലുവ സാമിദാസ്‌ഗാള്‌ന സൂസാരിത്ത് ഇര്‌ന്. അവാര് കറ്‌മ്മകറ്‌മ്മ ഇര്‌ക്കുവ കൊറ്യാഡ്‌ഗാള്‌ന പാസെ ബക്‌തിഗാറാരായി നഡിത്ത് കൊണ്ടു നിമ്മ് പട്ട്‌ക്ക് ബന്റാര്. ആന അവാര് കപ്പികൊഡേവ സെന്നായിഗാള്‌ന പാസെത്തെ.

അപ്പോസുത്തലാര് 20:30

ഉറുട്ട് സൊല്ലികൊണ്ട് ഏസ്സ്‌ഗാറാര്‌ന തമ്മ് സാരി സേത്തുവ ആള്‌ഗാള് നിമ്മ് പട്ട്‌ലിന്ത് താനെ ബരുവ കാല ബരുവു.

റോമഗാറാര് 1:28

സാമിന പറ്റ്യുള്ള അറുവു കെ്ഡേസി നഡാക്കുവാദ്‌ല് ദൊഡ്ഡ കാര്യ ഒന്റുമില്ലെ എന്റ് നെനേക്കുവാദ്‌നാലെ ഗേയ പാങ്കില്ലാത്ത കാര്യഗാള് ഗേയ ബേ്ണ്ടി സാമി അവാര്‌ന കെ്ട്ട ബുദ്ദിഗാറാരായി പെ്ളേക്ക്യ ബ്‌ട്ടാന്.

റോമഗാറാര് 16:18

അവാര് നമ്മ് ആണ്ടവാന് ക്‌റ്‌സ്‌ത്ത്‌ക്ക് ബേ്ണ്ട്യല്ല ഗിലാസ ഗേവാദ്. അവനവാന് കാര്യഗാള് നഡാക്ക്യ ബേ്ണ്ടിത്തെ അവാര് ആസെപഡുവാദ്. അവാര് ആള്‌ഗാള്‌ന മയാക്കുവ നായഗാള്‌മ് പിര്യപഡുസുവ നായഗാള്‌മ് സൊല്ലികൊണ്ടു പച്ചെപാവഗാള്‌ന ഏമാത്ത്‌ന്റാര്.

എപസോസുഗാറാര് 4:14

അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.

എപസോസുഗാറാര് 4:19

അദല്ലാദെ താനെ നേരല്ലാത്ത എഞ്ചോ കെ്ട്ട കാര്യഗാള്‌ന ഗേന്ത് അയി പളാക്കഗാള്‌ന തള്ള്യ മുഡ്യാദെ അദ്‌ഗാള്‌ന ഗേന്ത്‌കൊണ്ടേ ഇര്‌ക്കുഡൊ എന്നുവ ആസെ ഇര്‌ക്കുവാദ്‌നാലെ തമ്മ കണ്ണിക്ക് സിക്കിര്‌ക്കുവ പാസെ സിക്കിര്‌ന്റാര് എന്നുവ നെനേവു ഗുഡി ഇല്ലാദെ അവാര് പെ്ളേക്ക്‌ന്റാര്.

2 തിമിത്തോസു 3:5

അവാര് സാമിക്ക് ബേ്ണ്ടി നലമായി പെ്ളേക്ക്‌ന്റവാരെന്റ് നഡിക്കുവാര്. ആന അവാര് സാമിക്ക് ബേ്ണ്ടി നലമായി പെ്ളേക്കുവാദ്‌ക്ക് കെ്ഡേക്കുവ ബിലാന ബേ്ഡ എന്റ് തള്ള്‌ന്റാര്. അത്തവ ആള്‌ഗാള് കൂട്ടാക്ക് നീ എ്ണേഗാദെ.

ബെ്ളിപട്ട കാര്യ 16:14

അദിസ്യമാന അഡ്യാളഗാള് ഗേന്ത് കാട്ടുവ സെയിത്താന് നിഗാല്‌ഗാള്‌ത്തെ ഇദ്‌ഗാള്. എല്ലാ ബിലാമ് ഇര്‌ക്കുവ സാമിത്ത് മ്‌ഗ്‌ന്ത നാള്‌ല് ജുദ്ദ ഗേയ ബേ്ണ്ടി അയി നിഗാല്‌ഗാള് ബൂമിലിര്‌ക്കുവ രാജാവുഗാള്‌ന ഒട്ടുക്കുമു ഒന്റായി സേത്ത്യ അവാര് പട്ട്‌ക്ക് പോന്റാര്.