1 തിമിത്തോസു 4:1 - സാമി സേദി1 ഇന്നി ബരുവ കാലാത്ത്‌ല് ഒന്റൊന്റാള്‌ഗാള് അവാര്‌ക്ക് ഏസ്സോഡിര്‌ക്കുവ നമ്പിക്കേന ബ്‌ട്ട്‌തള്ളി പൊയി സൊല്ലി സദിക്കുവ നിഗാല്‌ഗാള് സൊല്ലുനാമ് സെയിത്താന് പഡുസുവ കാര്യഗാള്‌നാമ് നമ്പുവാരെന്റ് സാമിനിഗാല് സൊക്കാന സൊല്ലുന്റു. Faic an caibideil |
1 തിമിത്തോസു 4:1
64 Iomraidhean Croise
എപ്പികൂര്യാര് എന്റ്‌മ് ഇസ്‌ത്തോയിഗാറാര് എന്റ്‌മ് സൊല്ലിന്ത ബാത്ത്യനാമ്‌ഗാള്‌ല് ലേസ ആള്‌ഗാള് പവുലോസോഡ തറ്‌ക്ക്‌നാര്. <<ഇയാള് സൊല്ലുവാദ് എന്തെന്റ് ഇയാള്‌ക്ക് താനെ തെരിവാദില്ലെ. ഇയാള് എന്ത്‌ന പറ്റി സൊല്ല്യ ഓരാഡ്‌ന്റാന്?>> എന്റ് അവാര്‌ല് ലേസ ആള്‌ഗാള് കേ്ട്ടാര്. ഏസ്സ്‌നാമ്, ഏസ്സ് ഉജുര്‌ളാഗുവാദ്‌നാമ് പറ്റിത്തെ അയാള് സൊന്റാന്. അദ്‌നാലെ <<അയാള് ബേ്റെ സാമിഗാള്‌ന പറ്റിത്തെ സൊന്റാനാര്‌ക്കൊ?>> എന്റ് അവാര്‌ല് ബേ്റെ ലേസ ആള്‌ഗാള് സൊന്നാര്.
അദ്‌നാലെ ഒന്റു സരിഗല തലേക്ക് എ്ണേന്ത് അദ്‌ക്കിര്‌ക്കുവ പല മൂട്ടുമുറിഗാള് ഒട്ടുക്കുമു ഒന്റായി ദൊഡ്ഡുവ പാസെ സത്ത്യമാന ഏസ്സ് ക്‌റ്‌സ്‌ത്ത്‌ന തലെ മാഡി സാമ്യോഡ എ്ണേന്ത് ദൊഡ്ഡുനു. അദ്‌ന തള്ളി ഒന്റുക്കുമു ഉവഗരപഡാത്ത താന്‌താനെ നെനേക്കുവ നെനേവുഗാള്‌ന ബെത്ത്‌മ് താന് കണ്ട കാര്യഗാള്‌ന ബെത്ത്‌മ് തണിമോഡ പെ്ളേക്ക്‌ന്റേന് എന്റ് നെനേത്ത് പെരിമെപട്ട്‌കൊണ്ടു സാമിന കുമ്മുഡാദെ, ദൂദാര്‌ഗാള്‌ന കുമ്മുഡി നഡാക്ക്‌ന്റവാരോഡ എ്ണേന്ത സാമി നിമാക്ക് ബേ്ണ്ടി ബെത്ത്‌റ്‌ക്കുവ സൊത്തു നിമാക്ക് കെ്ഡേക്കമാട്ട.
മുന്തെല കാലാത്ത്‌ല് സാമി സൊന്റെന്റ് സൊല്ലി ഉറുട്ടു സൊല്ലുവ സാമിദാസ്‌ഗാള്‌മ് ഇസ്‌റവേല്‌ഗാറാര് പട്ട്‌ല് ഇന്താര്. അദേപാസെ ഉറുട്ടു സൊല്ലി പഡ്‌സ്‌ന്റവാര്‌ഗാള് നിമ്മ് പട്ട്‌ലിന്ത്‌മ് ഉണ്ടാവാര്. അവാര് സത്ത്യ അല്ലാത്ത കെ്ഡ്‌സുവ കാര്യഗാള്‌ന സൂഗാന പഡുസുവാര്. പാവാക്ക് സിക്കിന്ത തമാന തിരിക്കി എ്ഡ്‌ത്ത പണ്ണാഡിന തള്ളി തമ്മ ബേഗ അളിന്ത് പോവാദ്‌ക്കുള്ള ബട്ടെ അവാര് താനെ മാഡ്‌ന്റാര്.
എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.
ആന ബേ്ണ്ട്‌ന പ്‌ഡിത്ത് കെ്ട്ട്‌നാന്. സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ് അയി ബേ്ണ്ട് മുന്നുക്കു ബെത്ത് അദിസ്യഗാള് ഗേന്ത് കാട്ടി മന്‌സാര്‌ഗാള്‌ന ഏമാത്തിന്താന്. അത്തെ മന്‌സാര് ബേ്ണ്ട് പേര്‌ന കാട്ടുവ അഡ്യാളനാമ് ബെത്തിന്താര്. ബേ്ണ്ട് സെലെനാമ് കുമ്മുഡിന്താര്. അയി സാമിദാസ്‌നാമ് ബേ്ണ്ടോഡൊപ്പ പ്‌ഡിത്ത് കെ്ട്ടി ഗെന്തഗ കത്തി എരേവ തീ കഡാല്‌ക്ക് ഉജുരോഡ എ്റിന്ത് ബ്‌ട്ടാന്.
സാമിനിഗാല് ഏസ്സ്‌ഗാറാര് കൂട്ടഗാള്‌ക്ക് സൊല്ലുവാദ് എന്തെന്റ് കേ്ള്‌ക്ക്യ മുഡിന്റവാര് കേ്ള്‌ക്കുഡൊ. ഗെലിസി കഡാക്ക്‌ന്റവാന്‌ക്ക് മറേന്ത്‌റ്‌ക്കുവ മന്നാല് ലേസ നാന് കൊഡുക്കുവേന്. നാന് അവാന്‌ക്ക് ഒന്റു ബെ്ള്ളെ കല്ല്‌മ് കൊഡുക്കുവേന്. അദ്‌ല് ഒന്റു പുദ്യ പേര്‌മ് എ്ള്‌ദിര്‌ക്ക്‌മ്. അദ് കെ്ഡേക്ക്‌ന്റവാന്‌ക്കല്ലാദെ ബേ്റെ ആര്‌ക്ക്‌മ് അദ്‌ല് എ്ള്‌ദിര്‌ക്കുവാദ് തെര്യ മാട്ട.>>
ഈ തീയിമ്, പൊഗേമ്, ഗെന്തഗാമ് തട്ടി സാഗാദെ മിച്ച ഇന്ത ആള്‌ഗാള് തമ്മ കയില് കുമ്മുഡുവ ജാദിഗാള് മാഡുവാദ്‌ന തള്ളി സാമിസാരി തിര്‌ഗാലെ. അദ്‌താനേമല്ല, പൊന്നുലുമു, ബെ്ള്ളില്‌മ്, ബെ്ങ്കലാല്‌മ്, കല്ല്‌ല്‌മ്, മരാത്ത്‌ല്‌മ് ഉണ്ടാക്ക്‌ന കാണ്യാമ് കേ്ള്‌ക്ക്യാമ് അലിങ്ക്യാമ് മുഡ്യാത്ത സെലെഗാള്‌ന കുമ്മുഡുവാദ്‌നാമ് കെ്ട്ടജാദിഗാള്‌ന കുമ്മുഡുവാദ്‌നാമ് അവാര് തള്ളാലെ.
Sanasan