6 وَار كسِّيم بُو ومْنُوْس خ وَالُو. س ثْࢲَادْجِيث نْوم ذ دُّعَاء نْوم اَكِذْسن شُّكر نْوم اَذ تْقدّْمم مَارَّا ثِمسْڒَايِين س طَّلَابَاث نْوم إِ أَربِّـي.
خْمِي كنِّيو غَا سلّْمن، بْڒَا مَا ٱذ تيْسِيم اَمْنُوْس ذِي ڒَعْقُوْڒَاث نْوم مِين غَا ثِينِيم نِغ ذ مَامّش إِي غَا ثسِّيوْڒم؛ لَّا، أَوَاڒن نِّي إِي غَا ثِينِيم ذ أَربِّـي إِي ذَاوم ثن غَا يُوْشن ذِي ثْسَعَّات نِّي.
زَّرِّيعث نِّي إِݣ يوْضَان جَار يسنَّانن نتَّاث اَم يِجّن ن بْنَاذم إِي يتْسْڒَان إِ وَاوَاڒ ن أَربِّـي ذَايس اَمْنُوْس ن دُّنشْت، يشمّث-يث طّْمَع ن وَاݣْڒَا، سّنِّي يتْوَاجيّف وَاوَاڒ ن أَربِّـي وَار ينفّع شَا.
وَار كسِّيث بُو س ومْنُوْس إِ مِين غَا يوقْعن ثِيوشَّا، أَقَا ثِيوشَّا اَذ ييْسِي نِّيث س ومْنُوْس إِ يِيخف نّس. ڒْهمّْ إِي د يمظهَّارن نْهَار نِّي اَذ يكْفَا نْهَار نِّي.
لَّا، وَار تݣّم شَا اَم نِثْنِي ڒَاحقَّاش أَربِّـي يسّن مِين ثحْذَاجم قْبڒ مَا ذَاس ت ثتَّارم.
ينَّا-ٱس سِيذِيثْنغ: "آ مَرْثَا آ مَرْثَا، بْنَاذم يتحْذَاجَا غِير يجّن ن ڒْحَاجث. شم ذَايم اَمْنُوْس تْخيَّاقذ خ وَاطَّاس ن ثْمسْڒَايِين، مَرْيَم ثِيخْضَر مِين يصبْحَان وَار ذَاس يتْوَاكّس شَا."
ينَّا-ٱسن عِيْسَى إِ يمحْضَارن نّس: "خ مَانَايَا اَذَاوم ينِيغ: وَار كسِّيم شَا س ومْنُوْس إِ ثُوْذَارْث نْوم عْلَاحْسَاب مِين غَا ثشّم نِغ ذ اَرُّوْض إِي غَا ثحْذَاجم إِ دَّات نْوم.
وَار رزُّوْث شَا مِين غَا ثشّم نِغ ذ مِين غَا ثسْوم، وَار كسِّيث بُو س ومْنُوْس.
ئِسِّيوڒ اَكِذْسن عِيْسَى س يِجّن ن ڒْمَعْنَا بَاش اَذ سّْنن بلِّي يتْخصَّا-يَاسن اَذ تْࢲَادْجن ڒبْدَا وَار تِيحْڒن شَا.
أَربِّـي، مَا وَار ذَاسن يتِيشّ ڒْحَقّ إِ يِوْذَان نّس إِي ث يتتَّارن دْجِيڒث ذ نْهَار؟ مَا اَخَاسن يعطَّڒ وَار ذَاسن يسْتِيجِيب شَا؟
شك مَا ذ يسْمغ وَامِي ذَاش د يڒَاغَا؟ إِيوَا بْڒَا ٱش يشْقَا مَانَايَا. وَلَكِن مڒَا غَارك لْفُرْصَا اَذ تْربْحذ لْحُرِّيَا نّش، اݣّ-يت.
فَا رزُّوْغ اَذ تِيڒِيم بْڒَا اَمْنُوْس. ونِّي وَار يمْڒِيشن شَا غَارس يجّن ن لْمُهِيمَا إِ شّْغڒ ن سِيذِيثْنغ، مَامّش غَا يݣّ اَخَاس يَارْضَا سِيذِيثْنغ.
شكَّرم ڒبْدَا أَربِّـي بَابَاثْنغ خ مَارَّا ثِمسْڒَايِين ذݣ يِيسم ن سِيذِيثْنغ عِيْسَى لْمَسِيح.
مَارَّا ظُّرُوْف إِي ذِي ثدْجَام تَّارم إِ أَربِّـي خَاسن س أَرُّوْح يقدّْسن س مَارَّا لْأَنْوَاع ن ثْࢲَادْجِيث ذ دُّعَاء. سْخذْمم ڒَعْقڒ نْوم ذِي مَانَايَا، أَرّم-د ڒْبَاڒ نْوم س يِجّن ن صّْبَر، تَّارم خ مَارَّا صَّالِحِين.
اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي.
مَارَّا مِين تݣّم س وَاوَاڒن نِغ س لْحَسَانَاث، ئِتْخصَّا اَذ تݣّم مَانَايَا مَارَّا عْلَاحْسَاب يسم ن سِيذِيثْنغ عِيْسَى اَزَّايس تْشكَّرم أَربِّـي بَابَاثْنغ.
تݣّم لْمجْهُوْد س ثْࢲَادْجِيث نْوم، إِڒِيم عْلَابَال ذِي ثْࢲَادْجِيث نْوم شكَّرم أَربِّـي.
ذ اَمزْوَارُو تْوصِّيغ-كنِّيو اَذ تتَّارم إِ أَربِّـي اَث تدْعِيم اَث طلْبم اَث تْشكَّرم خ مَارَّا يوْذَان
قَا ثَاجَّاڒْت ن صَّح ثنِّي وَار غَار يدْجِي حَدّ اَقَا ذ نتَّاث يتݣّن لْأَمَال نّس ذِي أَربِّـي تْغِيمَا تدْعَا أَربِّـي تتَّار-اَس دْجِيڒث ذ نْهَار.
أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.
مَارَّا يمْنُوْسن جّم-ثن إِ نتَّا مِينْزِي نتَّا يتْهلَّا ذَايْوم.