أيث-فيليـپـي 4:19 - ثريفيث 2020

¹⁹ أَقَا أَربِّـي ينُو اَذَاوم يُوْش قَاع مِين ثحْذَاجم عْلَاحْسَاب اَݣْڒَا نّس لْعَظِيم ذِي عِيْسَى لْمَسِيح.

أيث-فيليـپـي 4:19 Iomraidhean Croise

أَسڒْمذ ن سِيذِيثْنغ عِيْسَى لْكِتَاب ن مَتَّى 6:32

مَارَّا مَانَايَا رزُّوْن-ث ڒݣْنُوْس. أَقَا بَابَاثْوم يدْجَان ذݣ وجنَّا يسّن بلِّي تحْذَاجِيم ثِمسْڒَايِين-أَ.

يوحنا 20:17

ينَّا-ٱس عِيْسَى: "وَار ذَايِي تطّف شَا، قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."

يوحنا 20:27

ينَّا-ٱس إِ تُوْمَا: "ٱݣّ ضَاض نّش ذَانِيتَا، خْزَر يفَاسّن ينُو. سرْس فُوْس نّش خ وغزْذِيس ينُو. وَار تْشكَّا شَا؛ لَّا، أَمن."

أيث-روما 1:8

ذ اَمزْوَارُو، تْشكَّرغ أَربِّـي خَاوم مَارَّا إِذْوم س يِيسم ن عِيْسَى لْمَسِيح ڒَاحقَّاش لإِيمَان نْوم اَرِّين-اَس-د ڒخْبَار ذِي دُّنشْت-أَ ثكْمَاڒ.

أيث-روما 11:33

مشْحَاڒ يمْغَر وَاݣْڒَا ن ڒفْهَامث ذ ثُوْسْنَا ن أَربِّـي! وَار تْوَاشرّْحن لْأَحْكَام نّس، وَار تْوَافهّْمن يبْرِيذن نّس.

أيث-روما 2:4

نِغ ثْسحْقَارذ لْحَنَانَا يمْغَارن ن أَربِّـي ذ صّْبَر نّس ذ ڒْخَاضَر إِي غَارس؟ مَا وَار ثْسِّينذ أَربِّـي س لْحَنَانَا نّس يرزُّو اَش د يسْبيّن اَبْرِيذ بَاش اَذ تُوْبذ؟

أيث-روما 8:18

شُوْف، نش تْوَاڒِيغ اَعدّب-أَ إِي خَانغ يتكّن ذِي دُّنشْت-أَ نتَّا وَار يدْجِي ذ وَالُو بَاش اَذ يمثّل اَك لْعَظَمَا إِي ذَانغ د غَا يمظْهَارن.

أيث-روما 9:23

يݣَّا اَمنِّي لِأَنَّا يخس اَذ يسْمظْهَار لْعَظَمَا نّس يمْغَارن خ يِيْنَا إِݣ يرْحم، يعْنِي يغرَّافن-أَ إِݣ يسوْجذ زِي قْبڒ إِ لْعَظَمَا، يعْنِي ذ نشِّين. ئِڒَاغَا-يَانغ-د إِ نشِّين إِي د يُوْسِين زِي أَيث-إِسْرَائِيل ؤُڒَا ذ يِنِّي وَار يدْجِين شَا زِي أَيث-إِسْرَائِيل.

22 أيث-كورينث 12:21

ݣّْوْذغ اَغَارْوم د عقْبغ اَذ سذْحِيغ زِي أَربِّـي ينُو اَذ رُوْغ اَطَّاس خ يِنِّي إِݣ يعْصَان زِي قْبڒ، عَاذ وَار تُوْبن شَا زݣ ؤُفلّس ذ لْفَسَاد ذ ڒقْبَاحث إِ تُوْغَا تݣّن.

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

أيث-ؤفسوس 1:18

أَذَاوم د يُوْش يجّن ن نُّوْر إِ وُوْڒَاون نْوم بَاش اَذ تسّْنم مِين يعْنَا لْأَمَال-أَ إِي زِي ذَاوم د يڒَاغَا، ذ مِين يعْنَا وَاݣْڒَا-يَا ن لْوَارث عَظِيم ن صَّالِحِين،

أيث-ؤفسوس 1:7

ئِفكّ-اَنغ-د سِيذِي أَربِّـي س لْفِدْيَا نِّي ن مِّيس يعْنِي س يذَامّن نّس بَاش اَذ تْوَاغْفَرنْت ڒْمُعْصِيَاث نّغ عْلَاحْسَاب اَݣْڒَا ن اَرْضَا نّس.

أيث-ؤفسوس 2:7

مَايمِّي؟ حمَا سِيذِي أَربِّـي ذِي زْمَانَاث إِي د غَا يَاسن اَذ د يسْمظْهَار اَݣْڒَا نّس يعْنِي اَرْضَا نّس مشْحَاڒ إِݣ يدْجَا ذ اَمقّْرَان بْڒَا ڒقْيَاس إِي ذَانغ د يسْبيّن ذِي عِيْسَى لْمَسِيح.

أيث-ؤفسوس 3:16

تتَّارغ إِ أَربِّـي زݣ وَاݣْڒَا نّس اَعْظِيم اَكنِّيو يسجْهذ ذِي نّفْس نْوم س وفُوْس ن أَرُّوْح نّس

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

أيث-فيليـپـي 4:7

ثُمَّا ڒهْنَا ن أَربِّـي إِݣ يتجْهِيذن خ مَارَّا ڒفْهَامث ذِي دُّنشْت-أَ ذ ونِّي إِي غَا يحْضَان ؤُڒَاون نْوم ذ ڒَعْقُوْڒَاث نْوم ذِي عِيْسَى لْمَسِيح.

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

1 تيموتاوس 6:17

يِنِّي إِݣ يدْجَان ذ تْوَاجَر ذِي دُّنشْت-أَ إِي ذِي ندْجَا تْوصَّا-ثن بَاش وَار ذَايْسن يتِيڒِي شَا تَّكبُّر بَاش وَار تݣّن شَا لْأَمَال نْسن ذݣ وَاݣْڒَا ذِي وَار ثدْجِي بُو تِّقث. لَّا، أَذ يِيڒِي لْأَمَال نْسن ذِي أَربِّـي ونِّي إِي ذَانغ يتْذبَّرن مَارَّا ثِمسْڒَايِين س ڒْخِير اَزَّايْسنْت نْفَرح.

ثبرات غار فليمون 1:4

ڒبْدَا تْشكَّرغ أَربِّـي ينُو خْمِي تْفكَّرغ ذَايش ذِي ثْࢲَادْجِيث ينُو.

1 بطرس 5:1

فَا نش تْڒَاغِيغ-د خ يمقّْرَانن يدْجَان جَار ن ثْجُمَاع، نش إِي يدْجَان ذ يجّن ن ومقّْرَان اَم كنِّيو ذ يِجّن ن شَّاهذ خ مِين خف يتْوَاعدّب لْمَسِيح، نش ذ يِجّن عَاوذ إِي غَا يشَرْشن ذِي لْعَظَمَا إِي د غَا يمظْهَارن.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.