أيث-فيليـپـي 3:19 - ثريفيث 2020

¹⁹ أَنݣَّارُو نْسن اَذ يتْوَامْحَا. أَربِّـي نْسن نتَّا ذ اَعدِّيس نْسن. سمْغَارن يخف نْسن س ڒفْضَايح نْسن. ڒَعْقُوْڒَاث نْسن نُّوْغن ذِي ثْمسْڒَايِين ن دُّنشْت-أَ.

أيث-فيليـپـي 3:19 Iomraidhean Croise

أَسڒْمذ ن سِيذِيثْنغ عِيْسَى لْكِتَاب ن مَتَّى 16:23

وَلَكِن عِيْسَى ينقْڒب-د غَار بُطْرُس ينَّا-ٱس: "أَݣّْوج خَافِي غَار ذفَّار آ شِّيطَان! شك اَم يِجّن ن وزْرُو ذݣ وبْرِيذ ينُو تْنقْڒَاذغ ذَايس. شك وَار تْفكَّرذ شَا اَمشْنَاو أَربِّـي؛ لَّا، شك تْفكَّرذ اَمشْنَاو بْنَاذم."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

لوقا 12:19

أَذ ينِيغ إِ يِيخف ينُو: صَافِي، غَارِي اَطَّاس ن ڒْخِير إِي ذَايِي غَا يقِيدّن إِ وَاطَّاس ن يسݣّْوُسَا، أَذ قِّيمغ وَاهَا اَذ شّغ اَذ سْوغ اَذ فَرْحغ!

لوقا 16:19

"شُوْف، تُوْغَا يجّن ذ تَّاجَر، نتَّا يتَارض اَرُّوْض يغْڒَان كُڒ نْهَار يتْعِيش ذݣ يِجّن ن نِّعْمث يزهُّو.

لوقا 18:4

أَطَّاس زݣ وَامِي يتَاݣِي اَذَاس يُوْش مِين ذَاس تتَّار نتَّاث. وَلَكِن منْبَعْد إِ مَانَايَا ينَّا ذِي نّفْس نّس: وَاخَّا وَار تݣّْوْذغ شَا أَربِّـي، وَار تْوقِّيرغ شَا يوْذَان،

أيث-روما 16:18

لِأَنَّا يِيْنَا وَار خدّْمن شَا إِ سِيذِيثْنغ عِيْسَى لْمَسِيح، خدّْمن غِير إِ وعدِّيس نْسن وَاهَا. س وَاوَاڒ يِيزِيضن ذ لْمُهَوَاضَا يزوّْقن خدّْعن ؤُڒَاون ن يِنِّي إِي ذِي ثدْجَا نِّيّث.

أيث-روما 6:21

ذِي ڒْوقْث نِّي، ثِمسْڒَايِين نِّي مَا ذَايْسنْت شَان نّْفَع مِينْزِي ڒخُّو تْسذْحَام؟ وَالُو، لِأَنَّا ثِمسْڒَايِين نِّي تَاوِينْت غَار ڒْموْث.

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

1 أيث-كورينث 5:2

ئِي كنِّيو، مَا ذَايْوم تَّكبُّر؟! لَّا، كنِّيو يتْخصَّا اَذ تْخيّْقم. ئِتْخصَّا اَذ تْسُوْفْغم ونِّي يݣِّين مَانَايَا زِي جْمَاعث نْوم.

1 أيث-كورينث 5:6

مَاشِي مْلِيح وَامِي تفْتَخَارم. وَار ثسِّينم شَا إِلَّا غِير ذْرُوْس ن ونْتُوْن إِي د يسْݣَعَّاذن مَارَّا ڒْعَاجْنث ن ورشْثِي؟

22 أيث-كورينث 11:12

فَا مِين تݣّغ اَذ قِّيمغ اَمُّو تݣّغ-ث. مَايمِّي؟ خْسغ اَذ قسّغ يضَارن إِ يِنِّي يرزُّوْن لْفُرْصَا اَذ يڒِين مْقُوْدَّان اَكِذْنغ ذِي ثْمسْڒَايِين-أَ إِي خف تفْتَخَرن.

22 أيث-كورينث 11:15

فَلِهَاذَا، وَار نسْتغْڒِيب شَا مڒَا يخدَّامن ن شِّيطَان سْنعْمِيڒن ذ يخدَّامن ن ڒْحَقّ. ڒفْنَا نْسن اَذ يِيڒِي عْلَاحْسَاب مِين سْتَاحْقنْت ڒفْعَايڒ نْسن.

أيث-ݣلاطيا 6:13

شُوْف، يِنِّي يتݣّن طَّهَارث نِثْنِي س يِيخف نْسن وَار تْطِيعِين شَا إِ شَّرِيعَا نْسن. رزُّوْن كنِّيو اَذ تݣّم طَّهَارث بَاش اَذ فْتَخَارن بلِّي ثݣِّيم لْعَادَا نْسن ذِي دَّات نْوم.

أيث-فيليـپـي 2:21

مَارَّا رزُّوْن مِين ذَاسن يتْهِيمَان إِ يِيخف نْسن وَاهَا، مَاشِي مِين يتْهِيمَان إِ عِيسَى لْمَسِيح.

أيث-كولوس 3:2

رزُّوْث س وُوْڒَاون نْوم ثِمسْڒَايِين نِّي يدْجَان ذݣ وجنَّا، مَاشِي ثِنِّي ذِي ثْمُوْرْث.

2 أيث-سلونيك 1:9

أَذ تْوَاعَاقْبن س يِجّن ن لْخَرَاب وَار يفنِّين شَا، أَذ تْوَاحَرّْمن زݣ وغمْبُوْب ن سِيذِيثْنغ ذ لْعَظَمَا ن جّْهذ نّس.

2 أيث-سلونيك 2:12

حمَا اَذ تْوَاحَاسْبن مَارَّا يِنِّي وَار يُوْمِينن شَا س لْحَقِيقَا اَرْضَان س شَّرّْ.

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.

2 تيموتاوس 3:4

أَذ زّنْزن اَيثْمَاثْسن، أَذ ݣّن ثِمسْڒَايِين بْڒَا ڒَعْقڒ، أَذ ؤُفّن س نْفَاخث، أَذ حِبّن شهْوث نْسن وَار تْحِبِّين شَا أَربِّـي،

ثبرات غار يعقوب 4:16

وَلَكِن ڒخُّو كنِّيو تفْتَخَارم، تْسمْغَارم يخْف نْوم. مَارَّا تَّكبُّر-أَ ٱم وَانِيتَا نتَّا ذ شَّرّْ.

2 بطرس 2:1

إِيوَا زِي زِيش كَّرن شَا ن لْأَنْبِيَا جَار شَّعْب سْنعْمِيڒن وَاهَا. أَمنِّي عَاوذ إِي د غَا كَّرن شَان يمْسڒْمَاذن جَارَاوم زَعْمَا. س ثْنُوْفْرَا يثَرَّاسن-أَ اَذ سِيذْفن تَّعْلِيم ن لْبِدَاع جَارَاوم إِݣ يسْفنَّان وَاهَا. أَذ نْكَرن وَاخَّا ذ سِيذِيثْسن إِي خَاسن يخدْجْسن لْفِدْيَا. يِيْنَا ذغْيَا تَاوِين-د ڒفْنَا خ يِيخف نْسن.

2 بطرس 2:13

أَذ تْخَاڒَاسن عْلَاحْسَاب مَامش ݣِّين، أَذ تْوَاضَرّْمن مَامّش ضَرّْمن نِثْنِي يوْذَان. مڒَا زهُّوْن ذِي ثْفَاوْث ن ؤُزِيڒ تحْسَابن مَانَايَا ذ اَصبْحَان. نِثْنِي ذ يخْشِيْون ذ ڒْعِيبَاث، زهُّوْن س شّهْوث نْسن يسْتْوَاغَرَّان خْمِي تْمُوْنْسِيون اَكِذْوم.

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

ثبرات زي يهوذا 1:10

وَلَكِن يثَرَّاسن-أَ يِيْنَا سَّاوَاڒن س وَاوَاڒ وَار يحْڒِين خ مَارَّا مِين وَار فهّْمن شَا. ثِمسْڒَايِين-أَ ؤُمِي فهّْمن إِيوَا فهّْمن-ثنْت س طَّبِيعَا نْسن وَاهَا، نِثْنِي ݣِّين اَم ڒُوْحُوْش يقفْڒن. ثِمسْڒَايِين-أَ ذ نِثنْتِي إِي ثن غَا يمْحَان!

ثبرات زي يهوذا 1:16

شُوْف، يثَرَّاسن-أَ تْشثْشَان وَاهَا، تنْتَاقَاذن خ مِدّن، نِثْنِي ذفَّارن شّهَاوَاث نْسن ثِعفَّانِين؛ سمْغَارن يخف نْسن س ؤُقمُّوْم نْسن، تسْڒهَّان يوْذَان بَاش اَذ نفّْعن يخف نْسن.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

لواحي ن يوحنا 18:7

مشْحَاڒ مَا ثْسمْغَار يخف نّس، مشْحَاڒ مَا ثْعِيش ذِي شّهْوث نّس، أَنشْتـنِّي إِي ت غَا ثْعدّْبم، أَنشْتـنِّي إِي ت غَا ثسْخيّْقم. لِأَنَّا نتَّاث ثقَّار ذݣ وُوڒ نّس: أَقَا قِّيمغ ذَا اَم لْمَلِكَا، نش وَار دْجِيغ شَا ذ ثَاجَّاڒْث، عمَّارْص أذ حزْنغ.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.