أيث-فيليـپـي 2:15 - ثريفيث 2020

^15-16 أَمُّو اَذ تِيڒِيم بَرِئِن بْڒَا ڒْعِيب ذِي ڒْوسْط ن يِوْذَان ن ڒْوقْث-أَ يعوّْجن يخَروْضن. ذَايْسن إِي ثْرقّم اَم يِيثْرَان ذِي دُّنشْت-أَ خْمِي ذَاسن تْقدَّامم اَوَاڒ ن ثُوْذَارْث. أَمنِّي اَذ فْتَخَرغ ذِي نْهَار نِّي ن لْمَسِيح نش وَار ؤُزِّيڒغ شَا وَار خْذِيمغ شَا ذِي ڒْخَاوِي وَاهَا.

أيث-فيليـپـي 2:15 Iomraidhean Croise

أَسڒْمذ ن سِيذِيثْنغ عِيْسَى لْكِتَاب ن مَتَّى 10:16

نش اَقَا سّكِّيغ-كنِّيو اَمشْنَاو يحُوْڒِيْين جَار وُوْشَّانن. إِڒِيم ثْفَاقم اَمشْنَاو يفِيغرَان، إِڒِيم ذ نِّيّث اَمشْنَاو يذْبِيرن.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:17

ئِنْدق-د عِيْسَى ينَّا-ٱسن: "آ يوْذَان ن ڒْوقْث-أَ إِي ذِي وَار يدْجِي بُو لْإِيمَان، آ يِنِّي يفّْغن اَبْرِيذ! مشْحَاڒ إِي كِذْوم غَا قِّيمغ أُو مشْحَاڒ ذَاوم غَا صْبَرغ؟ أَوِيم-اَيِي-ث-يد ذَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 5:45

حمَا اَذ تِيڒِيم ذ ثَارْوَا ن بَابَاثْوم إِي يدْجَان ذݣ وجنَّا. ڒَاحقَّاش يتْسُوْمُّوْر-د ثْفُوْشْت خ يِنِّي يصبْحَانن ذ يِنِّي يعفَّانن. ئِتِيشّ اَنْࢲَار إِ يِنِّي يتݣّن ڒْخِير ذ يِنِّي يتݣّن شَّرّْ.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:48

إِڒِيث نِيشَان قَاع، أَمشْنَاو مَامش يدْجَا بَابَاثْوم ذݣ وجنَّا.

لوقا 1:6

زَكَرِيَا ذ إِلِيزَابت نِثْنِي ݣُّوْرن نِيشَان اَك أَربِّـي، ؤُڒ نْسن ذ اَشمْڒَاڒ. تݣّن مَارَّا مِين يُوْمَر ذ مَارَّا مِين يوصَّا سِيذِي أَربِّـي.

لوقا 6:35

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

يوحنا 5:35

يَحْيَى يُوْسَا-د ذ ڒفْنَار يرقَّان يتشْرِيقن، كنِّيو ثخْسم اَذ تْفَرْحم شَان ڒِيَّام س نُّوْر نّس.

ڒخذايم 2:40

يعْڒم-اَسن بُطْرُس اَطَّاس يوصَّا-ٱثن ينَّا-ٱسن: "سْنجْمث يخْف نْوم زݣ يِوْذَان ن ڒْوقْث-أَ ذِي دْجَان يخَرْوِيضن."

ڒخذايم 20:30

عَاوذ زَّايْوم اَذ د مظْهَارن شَان يثَرَّاسن اَذ سْعوّْجن لْحَقِيقَا حمَا ٱذ جَرّن غَارْسن يمحْضَارن.

أيث-روما 16:19

كنِّيو، سْڒِين خَاوم يوْذَان مَارَّا خ طَّاعَا نْوم، نش فَرْحغ زَّايْوم خ مَانَاينِّي. وَلَكِن خْسغ كنِّيو اَذ تِيڒِيم ذ يفْطَانن خ مِين يدْجَان ذ اَصبْحَان، أَذ تْغفْڒم خ مِين يدْجَان ذ شَّرّْ.

1 أيث-كورينث 1:8

ذ نتَّا إِي كنِّيو غَا يسْبدّن غَار ونݣَّارُو اَتَاف وَار ذَايْوم يتِيڒِي بُو ڒْعِيب ذِي نْهَار نِّي ن سِيذِيثْنغ عِيْسَى لْمَسِيح.

22 أيث-كورينث 6:17

خ مَانَايَا يقَّار سِيذِي أَربِّـي: فّْغم-د زِي ڒْوسْط نْسن عزْڒث يخف نْوم، وَار تْحَاذَاث شَا مِين يدْجَان حَرَام. أُوْشَا نش اَكنِّيو قبْڒغ،

أيث-ؤفسوس 5:27

حمَا لْمَسِيح اَذ يقدّم جْمَاعث ن ڒْمُوْمِنِين إِ يِيخف نّس تْشعْشِيع ذ ثَمْقدّسْت وَار تْوسِّيخ وَار تشْنِيق وَار ذَايس يتِيڒِي بُو شَا ن ڒْعِيب نّغْنِي.

أيث-فيليـپـي 1:10

حمَا اَذ تِيخْضَرم مِين يدْجَان ذ اَصبْحَان حمَا اَذ تِيڒِيم ثصْفَام بْڒَا ڒْعِيب غَار نْهَار ن لْمَسِيح.

أيث-فيليـپـي 3:6

عْلَاحْسَاب زْعَامث ينُو نش تُوْغَا تْعدَّابغ جْمَاعث ن ڒْمُوْمِنِين ن لْمَسِيح. عْلَاحْسَاب لْقَوَانِين إِي يدْجَان ذِي شَّرِيعَا تُوْغَايِي س بْڒَا ڒْعِيب.

1 أيث-سلونيك 5:23

أَربِّـي نّغ ن ڒهْنَا اَكنِّيو يسِّيصْفَا ذݣ يِيخف نْوم قَاع. بُوْحْبڒ نْوم ذ ڒَعْمَر نْوم ذ دَّات نْوم اَذ قِّيمن كمْڒن بْڒَا ڒْعِيب اَڒ د غَا يَاس سِيذِيثْنغ عِيْسَى لْمَسِيح.

1 تيموتاوس 3:10

ذ اَمزْوَارُو اَذ تْوَاجَرّْبن. مڒَا وَار ذِنِّي شَان ن ثْمسْڒَايْث ضذ نْسن، أَتَاف اَذ ذوْڒن ذ يمْسخَّارن.

1 تيموتاوس 3:2

فَا اَرَّايس ن جْمَاعث مَاشِي اَم يِجّن ن بْنَاذم إِي تْعيَّابن يِوْذَان. أُو لَابُد اَغَارس ثِيڒِي يجّن ن ثمْغَارْث وَاهَا. أُو لَابُد اَذ يحْكم خ يِيخف نّس اَذَايس يِيڒِي لْمَعْقُوْل ذ لْإِحْتِرَام اَذ يتْرحَّاب زݣ ينوْجِيون اَغَارس ثِيڒِي ثْزمَّار اَذ يسڒْمذ يوْذَان.

1 تيموتاوس 5:14

إِذن، خْسغ ثَاجَّاڒِين ثِمزْيَانِين اَذ مڒْشنْت اَذ د جّنْت يحنْجِيرن اَذ سُوْݣُوْرنْت ثَدَّارْث نْسنْت مْلِيح وَار تجِّينْت بُو شَان لْفُرْصَا إِ ڒْعَذُو اَخَاسنْت يسِّيوڒ س ڒْعِيب.

1 تيموتاوس 5:20

ئِمقّْرَانن إِݣ يعصَّان نْهَا-ثن شك زَّاث إِ مَارَّا يوْذَان بَاش ينِّي ينّغْنِي اَذ ݣّْوْذن بَعْدَا.

1 تيموتاوس 5:7

ثِمسْڒَايِين-أَ تْوصَّا-ثنْت بَعْدَا شك بَاش اَذ قِّيمن يِوْذَان بْڒَا ڒْعِيب.

ثبرات غار تيتوس 1:6

أَمقّْرَان-أَ مَاشِي اَذ يِيڒِي ذ يجّن ن بْنَاذم تْعيَّابن-ث يِوْذَان. أَغَارس ثِيڒِي يجّن ن ثمْغَارْث وَاهَا اَذ يڒِين يحنْجِيرن نّس ذ ڒْمُوْمِنِين. مَاشِي اَخَاسن ينِين يِوْذَان تݣّن لْمَدلَّا ن سّكْرَا نِغ وَار تْسذْحِين شَا.

ثبرات غار تيتوس 2:10

وَار تَاشَارن شَا أَيثْبَاب نْسن بَاش اَذ سّْنن بلِّي نِثْنِي ذَايْسن مَارَّا تِّقث بَاش س مَارَّا يبْرِيذن اَذ زوّْقن لْإِيمَان ن أَربِّـي إِي ذَانغ يسْنجْمن.

ثبرات غار تيتوس 2:15

سِيوڒ خ ثْمسْڒَايِين-أَ، زيَّار خ ڒْمُوْمِنِين نهَّا-ثن س مَارَّا سُّلْطَا. وَار تجَّا حَدّ اَش يسحْقَر.

يعيبرانيين 7:26

شُوْف، ئِجّن ن ڒفْقِي اَمقّْرَان اَم وَانِيتَا ذ نتَّا إِي نحْذَاج. نتَّا عَظِيم، بْڒَا ڒْعِيب، ئِصْفَا، ئِنعْزڒ زݣ يِوْذَان إِي ݣِّين ڒْمُعْصِيّث، ئِتْوَاسمْغَار يُوْعْڒَا خ يجنَّاثن.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

2 بطرس 3:14

خ مَانَايَا آي يمْعِيزّن ينُو، خْمِي غَا ثْرَاجَام كنِّيو إِ ثْمسْڒَايِين-أَ ݣّث لْمجْهُوْد نْوم بَاش اَكنِّيو يَاف اَكِذس ذِي ڒهْنَا بْڒَا ڒوْسخ بْڒَا ڒْعِيب.

لواحي ن يوحنا 2:5

فكَّر مشْحَاڒ ثْغلْطذ، تُوْب، اݣّ ڒخْذَايم نّش ثِمزْوُوْرَا. مڒَا ثُوْݣِيذ اَذ تُوْبذ، أَذ د اَسغ غَارك اَذ يْسِيغ ڒْقنْدِيڒ نّش زݣ ومْشَان نّس.

لواحي ن يوحنا 3:9

أَمَّا يِنِّي زِي جْمَاعث إِي يعبّْذن شِّيطَان حسّْبن يخف نْسن زِي أَيث-إِسْرَائِيل، وَلَكِن نِثْنِي وَار دْجِين شَا زِي أَيث-إِسْرَائِيل سْخرِّيقن وَاهَا. أَثن د اَرّغ س بزّز اَذ د اَسن اَذ سجّْذن غَار يضَارن نّش اَذ سّْنن نش تْحِبِّيغ-شك.