أيث-فيليـپـي 1:13 - ثريفيث 2020

¹³ نش لْحَالَا ينُو ثذْوڒ مَعْرُوْفَا جَار مَارَّا ڒْعَسْكَار ن ڒقْصَار ذ مَارَّا يوْذَان يعْنِي نش اَقَايِي ذِي ڒحْبس عْلَاحْسَاب لْمَسِيح.

أيث-فيليـپـي 1:13 Iomraidhean Croise

ڒخذايم 26:29

ينَّا-ٱس بُوْلُس: "س شْوَايْت ن ڒْوقْث ثَا نِغ س وَاطَّاس، نش تتَّارغ زِي أَربِّـي إِ شك ذ يِنِّي إِي ذَايِي يتسْڒَان نْهَارَا اَذ تْذوْڒم اَم نش وَلَكِن بْڒَا سْنَاسڒ-أَ."

ڒخذايم 26:31

فّْغن، نَّان إِ وَايَاوْيَا قَا بْنَاذم-أَ وَار يتݣّ شَا مِينْخف يسْذَاهدْج ڒْموْث نِغ ذ ڒحْبس."

ڒخذايم 28:17

ثعْذُو ثڒْتِيَّام، يڒَاغَا-د بُوْلُس خ يمقّْرَانن ن أَيث-إِسْرَائِيل. وَامِي د مُوْنن ينَّا-ٱسن: "آي اَيثْمَا، نش وَار ݣِّيغ وَالُو ضد إِ شَّعْب نّغ نِغ ضد إِ لْعَادَاث ن ڒجْذُوْذ نّغ. وَاخَّا اَمنِّي طّْفن-اَيِي ذِي لْقُدْس سلّْمن-اَيِي إِ يفَاسّن ن اَرُّوْمَانُوْس.

ڒخذايم 28:20

إِذن خ مَانَايَا تَّارغ-كنِّيو اَكنِّيو ࢲرغ اَكِذْوم سِّيوْڒغ. أَقَا عْلَاحْسَاب لْأَمَل ن أَيث-إِسْرَائِيل إِي تْوَاشدّغ س سّنْسْڒث-أَ."

ڒخذايم 28:30

ئِقِّيم بُوْلُس عَامَاين ذِي ثدَّارْث نِّي يتْخدْجَاس ڒكْرَا نتَّا س يِيخف نّس. ئِتْرحَّاب س يِنِّي إِي غَارس د يݣُّوْرن مَارَّا.

أيث-ؤفسوس 3:1

خ مَانَايَا ترْكَاعغ خ يفَادّن ينُو، نش بُوْلُس إِي يدْجَان ذ اَمحْبُوْس عْلَاحْسَاب عِيْسَى لْمَسِيح أُو خَاوم كنِّيو إِي وَار يدْجِين شَا زِي أَيث-إِسْرَائِيل...

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-ؤفسوس 6:20

عْلَاحْسَاب لْإِنْجِيل-أَ وَانِيتَا إِي تِيڒِيغ نش ذ يجّن ن سَّفِير شَرّْفغ س سْنَاسڒ. ࢲَّادْجم كنِّيو بَاش اَزَّايس بشَّرغ بْڒَا مَا ٱذ ݣّْوْذغ عْلَاحْسَاب لْوَاجِب ينُو.

أيث-فيليـپـي 1:30

مِينْزِي كنِّيو تْمنْغَام ذݣ ومنْغِي نِّي إِي ذِي تُوْغَا تْمنْغِيغ نش أُو عَاذ تسْڒِيم بلِّي تْمنْغِيغ ذَايس.

أيث-فيليـپـي 1:7

غَارِي ڒْحَقّ اَذَايْوم فكَّرغ اَمنِّي ڒَاحقَّاش اَقَا كنِّيو غَارِي ذݣ وُوْڒ ينُو. أَقَا مَارَّا ثْشَرّْشم اَكِذِي ذِي اَرْضَا ن ڒْخذْمث-أَ وَاخَّا اَقَايِي ذِي ڒحْبس نِغ تْذَفَاعغ خ لْإِنْجِيل ذ ڒْحَقّ إِي ذَايس.

أيث-فيليـپـي 4:22

مَارَّا صَّالِحِين سَاوَّاضن-اَوم-د سْڒَام خَاصَّتَان يِنِّي يدْجَان ذِي ثدَّارْث ن وزدْجِيذ قَيْصَار.

2 تيموتاوس 2:9

خ لْإِنْجِيل-أَ إِي تْوَاعدَّابغ نش قنّن-اَيِي س سْنَاسڒ اَم يِجّن ن لْمُجْرِيم. وَلَكِن اَوَاڒن ن أَربِّـي لَّا، وَار زمَّرن اَثن قنّن س سْنَاسڒ.