1 تيموتاوس 1:9 - ثريفيث 2020

⁹ نسّن شَّرِيعَا-يَا عَاوذ وَار د ثخْرِيق شَا إِ يِنِّي يسمْصْڒَاحن اَك أَربِّـي. لَّا، ثخْڒق-د إِ يِنِّي يدْجَان ذ يعفَّانن ذ يِنِّي إِي ذِي ثدْجَا ثْغنَّانْت ذ يِنِّي وَار يذفِّيرن شَا أَربِّـي ذ يِنِّي يعصَّان ذ يِنِّي وَار يصْفِين شَا ذ يِنِّي وَار غَار يدْجِي بُو دِّين ذ يِنِّي ينقّن بَابَاثْسن ذ يمَّاثْسن ذ يِنِّي ينقّن يوْذَان

1 تيموتاوس 1:9 Iomraidhean Croise

أَسڒْمذ ن سِيذِيثْنغ عِيْسَى لْكِتَاب ن مَتَّى 10:21

ؤُمَاس اَذ يسلّم ؤُمَاس إِ ڒْموْث. بَابَاس اَذ يسلّم مِّيس. ثَارْوَا اَذ رَاحن ضد لْوَالِيدِين نْسن، أَثن سلّْمن إِ يِنِّي إِي ثن غَا نْغن.

أيث-روما 1:30

قَّارن ڒْبَاطڒ، تْعِيفَّان أَربِّـي، تُوْكَّارن يوْذَان، سمْغَارن يخف نْسن، ذَايْسن تَّكبُّر. تݣّن نِّيث شَّرّْ ذ جْذِيذ، عصَّان لْوَلِدِين.

أيث-روما 4:13

ڒْعَهذ إِي زِي يوْعذ أَربِّـي بْرَاهِيم ذ دُّوْرِّيث نّس حمَا اَذ يوَارث نتَّا دُّنّشْت. ڒْعَهذ نِّي وَار د يُوْسِي شَا س شَّرِيعَا، يُوْسَا-د س لإِيمَان نِّي إِݣ يسمْصْڒَاحن يوْذَان اَك أَربِّـي.

أيث-روما 5:20

أُو شَّرِيعَا نتَّاث ثُوْذف-د حمَا ٱذ كْثَارنْت ڒْمُعْصِيَاث. وَلَكِن شْحَاڒ مَا كْثَارنْت ڒْمُعْصِيَاث، أَرْضَا ن أَربِّـي يكْثَار كْتَار زَّايسنْت.

أيث-روما 6:14

أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.

أيث-ݣلاطيا 3:19

إِيوَا، مَايمِّي ثدْجَا شَّرِيعَا ن مُوْسَى بَعْذَا؟ شَّرِيعَا ثمُّوْش نتَّاث بَاش اَذ يسّن بْنَاذم ڒْمُعْصِيَاث. تُوْغَا ثْصدْجَاح قْبڒ مَا ٱذ د يَاس وَايَّاو ن بْرَاهِيم إِي زِي ث يوْعذ أَربِّـي. شَّرِيعَا نِّي ؤُوِينْت-يت لْمَلَائِكَاث، ثُمَّا يجّن ن لْوَسِيط يعْنِي مُوْسَى يسِيْوض-يت-يد.

أيث-ݣلاطيا 5:18

أُو مڒَا ڒْخَاضَر ن أَرُّوْح يقدّْسن ينْده-يكنِّيو، أَتَاف وَار خَاوم ثْحكِّيم شَا شَّرِيعَا.

أيث-ݣلاطيا 5:21

ذ ڒحْسذ ذ وَاطَّاس ن شْرب ذ لْمَدلَّا ن سّكْرَا ذ مِين يتْشَابَّاهن ذِي مَانَايَا. عدْجْمغ-اَوم-د ڒخُّو مَامش تُوْغَا ذَاوم عڒْمغ زِي قْبڒ: يِنِّي يتݣّن ڒخْذَايم-أَ وَار تْوَارِيثن شَا ڒْمُلْك ن أَربِّـي.

أيث-ݣلاطيا 5:23

ذ تَّوَاضُع ذ بْنَاذم يحكّْمن خ شّهْوث نّس. وَار ثدْجِي بُو شَان ن شَّرِيعَا إِݣ يسْبدَّان ثِمسْڒَايِين-أَ.

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

1 تيموتاوس 4:7

فَا اَوْݣّْوج شك خ ثْحُوْجَا نِّي يدْجَان ضد لْإِيمَان إِي تْعَاوَاذنْت ثْوسُّوْرَا وَاهَا، ستْرِينَار يخف نّش عْلَاحْسَاب لْإِيمَان.

1 تيموتاوس 6:20

آ تِيْمُوْتَاوُس، حْضَا مِينْخف تْكلَّافذ قْبڒ. أَوْݣّْوج زِي مِين تْپـرْپِـيرن يِنِّي وَار يُوْمِينن شَا ذ لْأَفْكَار نِّي إِي ذَانغ يتْعَارَّاضن قَّارن-اَس لْعَرْفَانِيَا وَلَكِن مَانَاينِّي ذ يخَرِّيقن وَاهَا.

2 تيموتاوس 2:16

فَا اَوْݣّْوج زݣ وَاوَاڒن نِّي يخْوَان ن يِوْذَان ن دُّنشْت-أَ مِينْزِي اَوَاڒن نْسن اَذ ارْنِين غِير ذِي ڒقْفَاڒث نْسن خ أَربِّـي.

2 تيموتاوس 3:2

قَا يوْذَان اَذ تخْسن يخف نْسن، أَذ تخْسن تْمنْيَاث، أَذَايْسن يِيڒِي تَّكبُّر، أَذ سمْغَارن يخف نْسن، أَذ سِّيوْڒن اَوَاڒ وَار يحْڒِين خ أَربِّـي. وَار تْطِيعِين شَا إِ لْوَالِدِين نْسن، وَار تْشكَّرن حَدّ، وَار تِيڒِين شَا صْفَان،

ثبرات غار تيتوس 1:10

لِأَنَّا يِنِّي إِي ذِي ثدْجَا ثْغنَّانْت اَقَاثن مُجُوْدِين، سَّاوَاڒن وَاهَا نِثْنِي ذ يغدَّارن خَاصَّتَان ذ يِنِّي يتِيشّن لْهِمَّا اَطَّاس إِ طَّهَارث.

ثبرات غار تيتوس 1:16

قَّارن قَا نسّن أَربِّـي وَلَكِن نكَّرن-ث س ڒفْعَايڒ نْسن. نِثْنِي تْوَاعِيفّن، وَار تْطِيعِين شَا، وَار نفّْعن شَا ؤُڒَا ذݣ يِجّن ن ڒْخذْمث ذ ثَصبْحَانْت.

ثبرات غار تيتوس 1:6

أَمقّْرَان-أَ مَاشِي اَذ يِيڒِي ذ يجّن ن بْنَاذم تْعيَّابن-ث يِوْذَان. أَغَارس ثِيڒِي يجّن ن ثمْغَارْث وَاهَا اَذ يڒِين يحنْجِيرن نّس ذ ڒْمُوْمِنِين. مَاشِي اَخَاسن ينِين يِوْذَان تݣّن لْمَدلَّا ن سّكْرَا نِغ وَار تْسذْحِين شَا.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

يعيبرانيين 11:31

س لْإِيمَان ثَحنْجِيرْث نِّي ؤُمِي قَّارن رِيحَاب إِي تُوْغَا يفّْغن اَبْرِيذ ثكَّر نتَّاث ثْرحّب س لْمُخَبَارَاث ن أَيثْ-إِسْرَائِيل. س مَانَاينِّي وَار ثمُّوْث شَا اَك يِنِّي وَار يتْطِيعِين شَا.

يعيبرانيين 12:16

أَرّم-د ڒْبَاڒ نْوم بَاش وَار يتݣّ شَان يِجّن زَّايْوم لْفَسَاد، نِغ شَان يِجّن وَار غَارس يتِيڒِي بُو أَربِّـي اَم عَسُو نِّي يرُوْح نتَّا يزّنْز ڒْحَقّ نّس زِي لْبَرَكَا ن بَابَاس خ يِجّن ن طّبْصِي ن لْمَكْلَا.

1 بطرس 2:7

فَا اَزْرُو-يَا يسوَّا اَطَّاس إِ كنِّيو إِي يُوْمْنن، يِنِّي وَار يُوْمِينن شَا لَّا. أَقَا يُوْرَا ذِي لْكِتَاب: <أَزْرُو نِّي إِي عِيفّن ئِبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس.>

1 بطرس 3:20

مَايمِّي؟ لِأَنَّا مشْحَاڒ زݣ وَامِي ذِي زْمَان ن نُوْح ؤُݣِين يِوْذَان-أَ اَذ ݣّن اَرَّاي إِ أَربِّـي وَامِي ثن تُوْغَا يتْرَاجَا س صّْبَر يتْصنَّاع اَغَرَّابُو ن نُوْح. ذݣ وغرَّابُو-يَا ذْرُوْسْت ن يِوْذَان ثْمنْيَا وَاهَا كِّين خ وَامَان نِّي نجْمن.

1 بطرس 4:18

أَقَا يقَّار: <مڒَا يقْسح اَذ ينْجم شَان يِجّن زݣ يِنِّي يدْجَان نِيْشَان، مَامش غَا ݣّن يِنِّي يعصَّان، ذ يِنِّي وَار يتْطِيعِين شَا إِ أَربِّـي؟>

ثبرات زي يهوذا 1:15

أَذ يحَاسب مَارَّا يوْذَان. مَارَّا يِنِّي يعصَّان اَذَاسن د يسْمظْهَار مَارَّا ڒفْعَايڒ نْسن ثِعفَّانِين إِي ݣِّين ذݣ ؤُبْرِيذ نْسن اَعفَّان، أَذ سّْنن عَاوذ مَارَّا اَوَاڒن نِّي وَار يحْڒِين إِي خَاس نَّان يِنِّي يعصَّان وَار ذفَّارن شَا أَربِّـي."

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.