Yohane 12:1 - MMA SHIYYA

¹ Ili ikiseere mikonu irindaru kisuku kya Pasaka kifike, Yesu kafika muṛiń wa Betania kulya Lasaro eerulee ulya Yesu anduta kwa vafu.

Yohane 12:1 Iomraidhean Croise

Luka 24:50

Kyasia kavasomuta kulya muṛiń kavafita kumande kufui na Betania. Kaimboo maako amwi kavaniinga mboṛa.

Yohane 12:20

Kari ka vandu valya varwe na kulya Yerusalemu kisukuń vandeterevia-fo Iṛuva veeifoo na Vagiriki kiindi.

Yohane 11:55

Kisuku kilya kya Pasaka kiikee kufui na vandu veengi va uruka lua vakarwa na ule Yerusalemu ili kitaare kisuku kya Pasaka kyeemfikaa, amu vakwilisie-fo.

Yohane 11:1

Eeifoo nndu umwi alole, yye Lasaro wa kulya Betania kimuṛiń kilya kya Maria na Marita mfwamae wamwi.

Matayo 21:17

Kavatia-wo kasomuka wooṛo ya muṛi kaenda Betania kandelala-fo.

Yohane 11:44

Nndu ulya mfu kasomuka na kulya wooṛo. Nae afingiefingie na firami marende na maako. Na kisangu kyamwi kisikie na kirami kya yangua nrike. Yesu kavaia: Mboṛomueń muntie aende.

Mariko 11:11

Kafika kulya Yerusalemu kaaka numba ya Iṛuva. Neeli andemaa illa-fo foose kundo koose kakwanisa. Kwavva ukwawuń kasomuka kaenda Betania andu emwi na valya ikumi na vavili.

Luka 7:37

Na muṛiń ulya eeifoo nndu nka aṛemie na waaisi. Nae ili andemanya, sheeli Yesu akee ilya shoonga kwa Mfarisayo ulya, kasha arie kawembe kawore mafura a kisaamu a ikwaamba.

Yohane 11:43

Neeli andemaa irera kuro, karera na ununga unini kavaanga: Lasaro somuka na kunu wooṛo!

Yohane 12:9

Kyasia vandu veengi va ifo kwa Vayuda vakamanya sheeli mfo akai. Vakasha nafo, nta nkiimba kya Yesu ye muni da ndi, kake naamu valolie na Lasaro ulya Yesu andenduta kwa vafu.

Yohane 12:12

Neeli lya ndesi yayo vandu veengi iwo vandesha kisukuń vakaita sheeli Yesu akee isha Yerusalemu.