Barua ya Timoteo ya kavili 4:8 - MMA SHIYYA

⁸ Kiseere ni uvingo lwa usumani mfisie lua Nndumi mwumisia nsumani ashiniingaa nkonu ulya, ana nniń shi muni ndi, kake wandu woose valya vaveree isha lyamwi.

Barua ya Timoteo ya kavili 4:8 Iomraidhean Croise

Matayo 24:36

Kake nkonu ulya ili ufikaa na saa yayo, nta eefo nndu eeshi, nta vamalaika va iṛuvewu ana nta Mwana kita Nde ye muni tubu.

Matayo 7:22

Nkonu ulya wa ifurumya veefo veengi vashiiaa: Nndumi Nndumi, tanringisya na irina lyafo se? Ana tamuumbuta mimuyo mikasha na irina lyafo se? Ana tantana mashoṛa manini na irina lyafo ndi?

Luka 10:12

Nań namuia: Nkonu ulya kivaa kyaangu mmwasi Sodomo yaangusio̱ kita muṛi to.

Barua ya Varome 2:5

Kake iwe kuwore uumu na ngoo shuumu kwalea iilashika, kukee ikwengeṛia ituṛuka ku muni likushee nkonu ulya wa uumisio na irambuka lya uumisio lwa usumani lwa Iṛuva.

Barua ya Varome 8:23

Lingi mfo feni da ndi, na akwaa ni ise tawwaria kya iṛiikisa, nto Mumuyo, tikee iindia mirimiń yeru tivereaa taaṛulwa vana, llyo na mivili yeru nayo ivaulwaa.

Barua ya Vakorinto ya mbele 2:9

Nsheeli kyatisiṛwa: ”Filya kitaare iriso lyamfilolia ana kitaare kuri kwamfiita ana kitaare famaaka ngooń ya nndu, mfo Iṛuva eemmaa ideeṛia valya vankundie“.

Barua ya Vakorinto ya mbele 3:13

kyasia mashoṛa a nndu woose amanyikaa na baa. Nkonu ulya wa uumisio wavanisaa, fulya ukumanyisaa urie muro. Na muro ulya weleliaa ishoṛa lya nndu woose llya mikae ki.

Barua ya Vakorinto ya mbele 9:25

Ulya woose akee ivingana kitavanuń akwimaa kindo kyoose kya intashalisa. Valya vengi vakwimaa, amu vawarie uvingo lusiaa, ise (Vakristo) takwima, amu tiwarie uvingo lutasiaa.

Barua ya Vakorinto ya kavili 5:2

Iki nkyo kikee itiniinga kinangananga tikalanga ivikwa isaṛa lingi, mfo firembo feru fa iṛuvewu.

Barua ya Vafilipi 3:11

nuutie-wo ifika maṛukioń a vafu.

Barua ya Vakolosai 1:5

Tikamwaana kiimba kya filya mufiveree mundefisio̱ ifo iṛuvewu. Nafo mweemiitaa kwa kirero kya udede kirie nrumi shisha ya ikiṛwa ilya indefika kwanu.

Barua ya Vatesalonike ya mbele 1:10

na iverea Mwana wamwi ashe auka iṛuvewu, nae yye andenduta kuuka kwa vafu, nae yye Yesu mutikiṛa uumisio lua lukaa lushe.

Barua ya Vatesalonike ya mbele 5:4

Kake ini, vanavama, mukee llemiń na nkonu ulya umutambukie sha inini ndi.

Barua ya Vatesalonike ya kavili 2:8

Io llyo muni urekwa ulya alolikaa. Nae Nndumi Yesu antuulaa na mumuyo wa kana kamwi na inreta kyeeri kyamwi kya isha kikamfika.

Barua ya Timoteo ya mbele 6:19

Kuro llyo ikufisia diṅu ivavie kirembo kinuru kyeeri kilya kishaa, amu vakooye muu ukee muu wa dede.

Barua ya Timoteo ya kavili 1:10

Lukamanyika alli, ifi nkiṛa weru Yesu Kristo andelolika uu andefukya finya ta ufu kannde muu na mikae itakisiaa kwa shia ya nrumi shisha.

Barua ya Timoteo ya kavili 1:12

Nkyo kiteveto naliswa ngyukiva ti. Kake nta niilashaa ndi, fulya niishi ulya ninkusurie na imanya sheeli awore finya ya iringa kilya nndeavio̱ kumande nkonu ulya ufikaa.

Barua ya Timoteo ya kavili 1:18

Nndumi Yesu anniinge akooye ililio̱ kisanguń kya Iṛuva Nndumi nkonu ulya. Na kasa ashiṛundia fiingi ifo Efeso, iwe kwishi nnu.

Barua ya Timoteo ya kavili 2:5

Na kwakooya nndu avingana kitavanuń, aniingwaa uvingo kitaare avvingana kisha ndi.

Barua ya Timoteo ya kavili 4:1

Narambua mbele ya Iṛuva na mbele ya Kristo Yesu ulya asheumisiaa veefo na muu na vamfwe niirambuaa sheeli ashaa lingi aseṛeese umangi lwamwi.

Barua ya Tito 2:13

kumande ashaa na unini, amu yye Iṛuva weru na nkiṛa weru nnini.

Barua ya Vaebrania 12:11

Iseṛeeswa lyoose ili liifo lilolikaa sheeli nkindo kya ifura ndi, kake llya ukiva. Kake numa lyendee iwo vandefundwa nalyo usumani na unambwe.

Barua ya Vaebrania 9:28

mfo kuro na Kristo ili andemaa irambikio̱ limwi akurike mareko a vandu veengi, alolikaa lingi lya kavili kwa iwo vavveree avakiṛe atakikwatarie mareko.

Barua ya Yakobo 1:12

Wwa ngoma nndu asisiriaa mireyoń. Amu kammaa ivinga aniingwa muu utakisiaa uve uvingo lwamwi lua Iṛuva anrekia valya vankundaa.

Barua ya Petiro ya mbele 1:4

Llyo atiniinga diṅu itakisiaa ana itakashaa ana yuma. Ii mufisio̱ ini kulya iṛuvewu.

Barua ya Petiro ya mbele 5:4

Mukavva kuro muwariaa kiṛeto kya uvingo ikyo kitaumaa, ili mwisi ito nnini alolikaa.

Urambuyo lwa Yohane 1:7

Lleń te akee isha ariwa mmaṛumbe. Na miso woose alloliaa na a valya vandensimba. Na ngyufwari toose ta isanga vaishiṛaa kiimba kyamwi. Ee nkya dede. Amen.

Urambuyo lwa Yohane 19:11

Numa nalolia iṛuvewu liruukie. Nalolia farasi sheelwa, na ulya aikaaye avaangwaa Nsongori na wa udede, amu aletaa myaandu na ikaba fira na usumani.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Urambuyo lwa Yohane 22:20

Ito akee irambua ifi akee inumbua: Ee nkee isha ree. Amen! Oṛesho, Nndumi Yesu!

Urambuyo lwa Yohane 4:10

llyo vasuṛi wo makumi avili na vaani vaolokia ulya akee rembo kifumbiń kya unini vakaindia ito akee na muu kumande miṛeṛe veekumbaa ngyuṛeto tawo si mbele ya kifumbi kilya kya unini veenumbuaa:

Urambuyo lwa Yohane 4:4

Na fifumbi makumi avili na fiini fiilengetiee kifumbi kilya kya unini, na ifo fifumbiń filya nalolia vasuṛi makumi avili na vaani veekaa-wo rembo vawikwa miseto myeelwa. Na mirweń yawo veeworee ngyuṛeto ta saabu.